صوت بنات كلية الخفجي

[ثلووج]

أخي أبو رائد الله يسمع منك وان شالله ينقلون الكليه

أخي هوى العز أول شي ممنوع اي طالبه تدخل اكل معها ان بالنسبه لي اوكيه مافي مشكله مومهم المشكله الريحه والمجاري داخل الكليه.. وبالنسبه للمخالفات والله لو يلبسون اي وحده تخالف قميص مكتوب عليه مخالفه على قولتك البنات عادي عندهم يعني راح تنحرج او شي من هذا القبيل لا والله أغلب البنات بالكليه مع احترامي الشديد لهم رايحات فيها......


أخي أبو رائد صدقت حتى لوغيروا المكان البلا باللي داخل الكليه (واعذروني على هالكلمه)

أخي الونيس أشكرك على مبادرتك الرائعه.....واحرجتونا

غاليتي شوق الغلا (أما حلوووووه مايصرفون لنا مكافئه هم كذا كافي ناهبينا نهيبه هالمره ما يصرفون مكافئه)......وبعدين عندنا اللي تخاف تدفع 50 ريال وتدخل الوضع ماشي كذا عساك كل يوم تخالفين دامك تدفعين 50 ريال اذا خالفتي مافي مشكله عندهم...

وبيني وبينك الكليه مصالح وبس يعني اللي علاقتهم مع الأمن اوكيه واللي يعرفونها يسمحون لها ويتغاضون عنها,,,,,,,,,,,, يعني الشغله مصالح وبس ناس وناس...

الأخ سامي (لاحياة لمن تنادي),,,,عزيزتي عسوووووووووله (الله يسع منج آآآآآمين يارب)

أخي الـــ()ــرستان هم خل ينقلون الكليه بالأول وراضين بكل شي المهم تنحل مشكله الريحه والمجاري أهم شي .....

[مشاري]

يعطيكي العافية اختي على طرحك للموضوع


مشمشـ

[نجم]

[ALIGN=CENTER][TABLE="width:70%;"][CELL="filter:;"][ALIGN=center]
حقيقة .. كنا قبل افتتاح الكلية

نتمى أن تكون هناك كلية بالخفجي

لـكيلا .. تغترب بناتها في الرياض وا لدمام من أجل الدراسة

والحمدلله تم افتتاح هذه الكلية

ولكن ...

إن الله يحب إذا عمل احدكم عملا ، أن يتقنه


لذلك كان من الواجب اختيار الموقع المناسب للكلية

انشالله يجدون الحل السريع لهذه المشكله

اوعلى الاقل مانبي ينقلون الكليه كلها لا لا

يسنعون الحي تراى مايبيله شي كل الامر موقف على الزفلته


يعني يزفلتون الشارع وتنحل المشكله

بعدين الريحه هذه مصدرها الماء وهوالذي يجتمع بوسط الحفر

يعني السبب الرئيسي هو الشارع وتنحل كل الامور

والكتابه على الجدران منهو الفاعل اطفال ويجب علينا ان نحذرهم

من هذه الامور

وبنات الكليه اختي ثلوج مو كلهم على ماقلتي عرض ازياء

فيه ناس عن ناس تفرق

والحمدالله كل الي نشوفه انهم متسترات ولله الحمد

وداخل الكليه هذا شي ثاني

لكم كل الغلا ودمت غاليين [/ALIGN][/CELL][/TABLE][/ALIGN]

[الدكتور231]

اولا اشكر الاخت ثلوج على طرح هذا الموضوع ولكن الغريب ان الاخت تطرقت لموضوعين

1 - موضوع المجاري والرائحة الكريهة
2 - موضوع الازياء - والكفتيريا

وجهة نظري هي ان النقاش في الفقرتين المشار اليها اعلاة امر يمكن اصلاحة

الاخت ثلوج عندي ثلاثة اسئلة امل منك الرد عليها

1 - مستوى التدريس مقارنة في الكليات الاخرى
2 - الاوضاع الامنية داخل وخارج الكلية
3 - تقييمك الشخصي لاداء الادارة في الكلية



الدكتور 231

[حيزبون]

بصراااااااااااااااااااااحه انا عن نفسي فااااااااااقده الامل في هالكلية والسبب .... لي عوده ان شا الله.

[ثلووج]

1 - مستوى التدريس مقارنة في الكليات الاخرى.........التدريس يختلف يعني أسهل شوي بس مافي امكانيات من حيث المكان ...يعني بعض القاعات ضيقه بالنسبه لعدد الطالبات,,,,, مكيفات تعبانه ,,,,

2 - الاوضاع الامنية داخل وخارج الكلية .... ما ادري شالقصد بالضبط ...

3 - تقييمك الشخصي لاداء الادارة في الكلية ..... شرايكم ان وجه عميده الكليه للحين ما شفته
وبصراحه الكلية تمشي على المصالح بس ..انا اعرف بنات شخصيا يدفعون للأستاذات الأجنبيات مو السعوديات وكل بين فتره وفتره هذايا ومن هالحركات والكلام الحلو والزيارات و........و........وبهالحركه ياخذون درجات كويسه وينجحون وبدون تعب,,,,,




أخي نجم ياليت الحل بسفلته الشارع بس


الاخ مشاري.....( لاتعليق )

عزيزتي حيزبون فاقده الأمل مرررررررررررره نفس حالتي بس عندي أمل 10%




وشكرا على تفاعلكم معي

[الدكتور231]

الاخت ثلوج

شكرا على الاجابة


الدكتور 231

[ثلووج]

الأخ الدكتور
لا شكر على واجب

[moon1414]

أخواني أنا معكم بكل شي من ناحية الكفتيريا والكتابات في الكلية ولاكن المحدود أليس جزء من الخفجي وفيه بشر عايشين ويحتاجون الخدمات مثلكي ياثلوج (من تواضع لله رفعه)
أنا يعلم الله لست من سكان المحدود لاكن الحق يقال.

[ابو شللش]

اقتباس المشاركة الأصلية كتبت بواسطة قلم ثلوج ( تمخض الجمل فولد فأر مثلك ) اللي يسمعك ياثلوج وانتي تتكلمين عن كلية دخل المحدود بالفوقيه هاذي يقول انك دارسه الثانويه في الشيراتون . يأختي بارك الله بالمحدود اللي ( ضفتكم ) من مشاوير الدمام والرياض وسكاكا وحايل وغيرها . ثم هل ترين مبنى مناسب بالخفجي يصلح للكليه غير مبناها الان ؟ كثر الله خيرك يالمحدود التي تنازلت عن احدى مدارسها الثانويه لاجل الخفجي لتجعلها كليه لكن بعد انضمام السعوديه لمنضمة التجاره العالميه هناك دراسه حول نقل كلية المحدود الى الكورنيش , بس خايفين من ريحه الزفره توصل خشمك بعد ...!!! اما اخينا الهرستان مادري المرستان يقول ( لو كان المكان في حي المثلث مثلا ماكنا راح نشوف هذه الامور ) ويقصد الكتابه على الجدران , سبحان الذي رزقكم عقول يأخي ( الحمار حمار لو ربطته في اسطبل الملك عبدالله ) يعني هذا الشي راجع لاخلاقيات وسلوكيات البنت لادخل للمحدود في ذلك لطشه صغيره من كلام اخونا سامي الشمري يقول فيها ( الحقيقه وصلتنا الكثير من الاصوات والصيحات من فتيات الكليه عن هذه الكليه ) وانا بدوري اشكر وزير التربيه والتعليم الاستاذ سامي الشمري على وقوفه شخصيا على متطلبات واحتياجات الطالبات . سامي انا اعرفك و اعزك حيل واقدرك بس هالكلمه حسيت انك مسؤل كبير في البلد ودمتم

اخ قلم ..


الظاهر ان اهالي الخفجي مهو طرارين عشان تقول كثر الله خير المحدود .. المفروض بالخفجي


جامعات مو كلية بس .


والنقطة الثانية البيئة تفرض على الشخص انه يتغير .. اذا في بيئة صالحة اكييد رااح يصير صالح



والله ان المحدود مايصلح انه يوجد فيه لا كلية ولا ثانوية ولا شي ..



وانا اقول في النهاية الله يعطيكم يااهل الخفجي على قد النيات <<<<<





وشكراا