يا اهدافي اللي ضمن غاية وتخطيط
وابحث لها مع كل معبر وسيله
حرٍ يصيد وحر بالصيد تفريط
والفرق يظهر بالحرار الأصيله
والشعر بعض احيان مثل المخابيط
والمبدع اللي فيه مافيه حيله
واللي قصيده يابوغازي خرابيط
ماهو سفيرٍ للوطن والقبيله
عارف جماهيره جماهير تفحيط
من طارف المطلاع لين الحليله
سبورته يكتب عليها شخابيط
اول نهار العيد جاب الفشيله
ومكسراته روّحت روحة مْقيط
في ليلةٍ عن ألف ليله وليله
ماله مع اهل العرف والجود تقليط
وكّلْ هوى مع جيل ماهو بْجيله
شحاذ ماجته الهدايا مسافيط
ماهوب صانع له جميلٍ يشيله
تاريخه الماضي ترقّص وتنقيط
يومٍ ذاك العرش دبكة وشيلة
مسكت ضده من ورى السالفه خيط
عسى لسانه مشعلات الفتيله
قالوا حكابي عند مشّاط ومشيط
والخايب النمام هذا حصيله
وابطلب اللي في خفى خلقه امحيط
الواحد القهار مامن بديله
عسى يجيه بْمركز القلب تجليط
والا على راسه تدوس التريله
العرض العادي
