00 !~¤§ على فكره.. ! §¤~!00
على فكره.. قبل أنسى .. مع ان المسحيل أنسى
وكيف أنسى ؟! عساه الحظ إذا بنساك ينسانـي
بغيت أشرح لك الموقف وليه إني عليـك أقسـى
وليه اللي أكنه لك بقلبي .. مـو علـى لسانـي
حبيبي .. كم أنا عانيـت أدور عنـدك المرسـى
تعبت أطوي شراع الشوق .. تعبت وكلي يعانـي
يأست ..! وكل أحاسيسي غدت من قسوتك خرسا
حرام اللي حصل منـك .. ولا همتـك أحزانـي
أنا موقـي إذا أصبـح يعانـي يومـه وأمسـى
أسير الدمعه ويلهب بوسـط الجـوف أشجانـي
وأشوف الدنيا بعيوني صغيره .. مظلمه .. ملسا
بـلا ماضـي ولا حاضـر ولا مستقبـلٍ هانـي
أبيك اتحس بي مره ..! تجس عروقـي اليبسـا
نشف دمي من أطباعك .. دخيلك يكفي ماجانـي
أنا قلت الذي عندي .. وإذا حسيتها شرسـا ؟!
ترى ما قلت لي أشرس..! وانا ماعيدهـا ثانـي
وأنت بكيفك بقلبـي .. وغيـرك ياغـلا يخسـا
يحـرك شعـره بقلبـي مادامـك كـل وجدانـي
أنا لك يا بعـد عمـري شـراب وزادٍ ومكسـى
تفضل هات ما عندك .. وارفق بي .. علشاني !
ولكم خالص تحياتي...............
المواضيع المتشابهه
العرض العادي
