يا أبوية ليه تبكي كل ماشفتك .. وعينك لي .. !!!!

[أبو فهاد]

يا أبويه ليه تبكي كل ماشفتك وعينـك لـي
................................ اخاف أموت يا أبويه وقبل المـوت تبكينـي
كفى يا أبوي لا تبكي وأنا موجود معك وحـي
................................ أجل بعد الرحيل شلون في قبـري توطينـي
يا أبويه لو تموت الناس ما تسوى دموعك ذي
................................ وأنا يا أبوي ميت قبل أموت وأنت محيينـي
قسم بالله يا أبويه لأجل عينك شربـت الغـي
................................ جرعت الهم والحرمان وبحر الويل يسقينـي
تحملت السنين اللي طوتني في عذابي طـي
................................ وصار الجمر بكفوفي وتحت أقـدام رجلينـي
يا أبويه ما على عمري حسافه ولا بقى بي شي
................................ ولكـن بأطلبـك يا أبـوي تكفـى لا تخلينـي
يا أبويه ما أبي غيرك يغسـل جثتـي بالمـي
................................ وتكفى قبل لا تكفن يا أبويه فـك لـي عينـي
بأمر الله يمكن ألمحك وأرحل في عيني ضي
................................ وأودع وجهك الطاهر مع دنيـاي وسنينـي
وخل الناس تحملني وترفع راسـي ورجلـي
................................ وتأخذني على قبري وتكسب أجرهـا فينـي
وإذا جيت القبر يا أبوي نزلني شوي شـوي
................................ و وجهنـي لبيـت الله وقبلـة المصليـنـي
وإذا تقدر أبي صورتك أمانه حطها في ايدي
................................ لعل الله يشفع لي إذا صورتك فـي إيدينـي
وحط الطين وإدفني وعز اللـي يعـزي فـي
................................ ثـلاث أيـام يا أبويـه يجونـك المعزيـنـي
ورابع يوم يا أبويه تذكـر ضحكتـي وعنـيّ
................................ تذكر ويش كنت أقول يـوم إنـك تنادينـي
تذكر يوم كنت أنام في ظـل النخـل والفـي
................................ تجي يمي تصب الما على وجهي وتصحينـي
تذكر جرة الموال وصوتن فـي حبالـه تـي
................................ تذكر يوم أغني لك قصيدي وأنـت توحينـي
تذكر ضحكتك لاقلت لك يا أبوي عشقي هـي
................................ تذكر كـم قصيـده خافيـه مابينـك وبينـي
تذكر كل شي كان وإذكر يـوم جابـر حـي
................................ ولكـن اسألـك بالله يا أبـويـه لا تبكيـنـي




الشاعر : جابر هايف العتيبي .. !!

[سطام الشمري]

قصيدة رائعه


والأروع هو ناقلها


مشكور يابو فهاد

[أبو فهاد]

هلا بك يا سطام وشكرا لمرورك وكلامك الجميل .. !!

[Fahad]

.. قصيييده رائعه .. وابوفهاد اروع ..

.. ^_^ ..

.. سي يوو ..

[أبو رائد]

أبو فهاد

دائما ما تأتينا بالمميز

الله يعطيك العافية

وصح لسان الشاعر

[سبيعي الخفجي]

اقتباس يا أبويه لو تموت الناس ما تسوى دموعك ذي وأنا يا أبوي ميت قبل أموت وأنت محيينـي

قصيدة رائعة مشكور ابو فهاد

دائما مبدع في نقلك الله يعطيك العافيه!

[نصراوي]

قل أمين ..


عسى الله يخلي لكـ فهــــــــاد يارب .. وعسى الله يطول بعمرهـ ,,




والف شكر على النقل يالغالي ,,

[أبو فهاد]

هلا بالجميع وشكرا لكل من مر من هنا ..







والله يعطيك العافية يا فواز ... ويجزاك خير .. !!

[داعــ العين ــج]

هـــلا وغـــلا

ابــو فهـــاد


قــصيــدة رائــعــة ،،


ســلمــت يمــنــاكـ عــلى النقل الرائــع ،،

[الريم]

يعطيك العافيه ابو فهاد ..


والله قصيده جزله ورائعـــه ..


تحياتي لك ..