اخر المواضيع
اضف اهداء
فزعــــــــــــــة شمـــــــــــــــــري تذكرت (هـيُُّو*) يوم كل الملا هجاع وكنه دعى دمعي على خدي الداعي خسـارة بعيدٍ عن حياتي زماني ضاع وهاظت علي هموم قلبي والأوجاعي ولا يفيد في راع الندم عضت الأصباع ولو بالندم عضيت أنا عشر الأصباعي زماني حداني للنكد والدروب وســــــاع على مركب الأوهام مبحر بلا شراعــي نخاني (سعـد) وأقبلت في نخوتي فـــزَّاع كما قيل (فزعة شمري)ما لها أطماعي ودار الزمن وإنصك من دوني المصراع ولاني سوى الله بالفََرَج مرتجي ساعي سجينٍ بزنزانـه وللعسكري منصــــــــاع مع القيد بالرجلين وكلبش بــــــــذراعـي ولو صحت طـول الصوت كنه ماهـو سمَّاع ولانيــــــــب نايم طول وقتي ولا واعــــــــي ولا لـي وسيطٍ بالقضية ولا شـفَّـاع ولانـي مع التحقيق بالحيل مطواعــي أهاود مع الضابط كما الشاري وبيـاع زمانـه يقالبني على كل الأوضـاعـي ألا يا إلـهي كيف أشوف الرجـال سبـاع؟ وأجـي لأمرهم بالغصب طايع وخضاعـي تحيرت بأمري بعد مانـي طويل الباع وصرت أتمنى بس شاهي بنعنـاعـي من داخل الزنزانة في 17/11/1425هـ * (هيَّو) المقصود ابنتي (هيا) ذات العامين وقتها. واصلوووووونا ... ولكم تحياتـــــــــــي يا قيل (الأسلم) بالحمية طمَـــرنا ========= وبـ(الشمرية) نلبس الدرع والطاس وسلامتكم
اقتباس ألا يا إلـهي كيف أشوف الرجـال سبـاع؟ وأجـي لأمرهم بالغصب طايع وخضاعـي تحيرت بأمري بعد مانـي طويل الباع وصرت أتمنى بس شاهي بنعنـاعـي قصيدة اخوي راضي على كيف كيوفك... وننتظر جديك .... اقتباس يا قيل (الأسلم) بالحمية طمَـــرنا ========= وبـ(الشمرية) نلبس الدرع والطاس
والنعم بشمر وتسلم راضي عالقصيده
فــــزعة شمـــري ما لها أطماعي
العرض العادي
