[align=center]" السلام عليكم ورحمة الله وبركاته "
على مر السنين التي عشتها .. أكتشفت عدّة إكتشافات كانت هذه إحداها ..
::[/align]
[rams]http://www.alraidiah.net/sound/majeed01.mp3[/rams]
للتحميل اضغط يمين الماوس ثم حفظ باسم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
أسّين // يا وقت(ن) بدا في النهايات=وأسّين // يا عمر(ن) رضا بالفتافيت
:
بعد الفخر ما كان في "كل الأبيات"=يا زينها كانه يكمّل "شطر بيت"
:
أوضاع منحدره .. وعقل البشر بات=وبعض البشر سارين // مسرى بلا ليت
:
ننقاد // لكن // ما نعرف القيادات=والله مقدّرنا على قول " ياليت "
:
أمجادنا ضاعت .. وتنهان بسكات=راضين بالذله .. وسرد التناهيت
:
لاهين بالدنيا وبعض المسرّات=نتبع الأغاني .. والسهر .. والطواغيت
:
ناسين يوم(ن) غير عن كل الأوقات="يوم الحساب" اللي به الحال .. تشتيت
:
يا كبر فرق اليوم والأمس .. بالذات=ويا كبر فرق "الغانمه والسرابيت"
:
أوّل مجالسهم "بذور البطولات"=وتخرّج اللي لو توفّوا .. لهم صيت
:
أمّا بعدهم // صار للذل صولات=والفرق بان وصار مثل "المناحيت"
:
صارت مجالسنا "بلوتوث ! وأصوات"=ولا .. لعب بيلوت / وعيال باكيت
:
وإن عانهم ربّي .. حكوا في البنيّات=هذا طلع معها / وهذا بها "ميت"
:
أجسام حيّة .. بس من داخل "أموات"=تفكير دايم بس / من دون تثبيت
:
ملّيت ذا الحاله وملّيت ما فات=عقولنا صارت " مكاين بلا زيت "
:
بس أقتنعت أن السبب في المصيبات=أشياء يمكن أختصرها على " بيت "
:
البعد عن " رب البشر " كل الأوقات=سبّة هوان اللي رضوا بـ"الفتافيت"[/poem]
[align=center]::
وجهـــة نظـــــر .. ولكل إنسان وجهــة نظــــر .. !!
::
ماجد المري[/align]
[/align]
العرض العادي
