العلمين --------- وداعا للابد

[الضيغم]

وعليكم السلام ورحمة الله وبركاته ............!!



لله دركـ يا أخي وعزيزي وقرة عيني ناصر الشمري..



الأخ العزيز سهم الشمال :


الله يعطيكـ العافيه ويوفقك على حرصك على ناديك ونادينا جميعا .. العلمين..


وبأذن الله القادم أجمل للنادي وتتحسن الأوضاع هذي ..

[عجزت اكابر]

سهم الشمال ..

لو تكلمنا عن العلمين .. سوف يبقى كما هوو ..

الا سنه وراء سنه .. ننتظره ..

ناصر صلبي ..

من دون اي كلام .. شهد له الكثير بانه لاعب متميز .. من افضل خط الهجوم بالشرقية ..

كيف تبغا لاعب متميز .. وامامه مدرب لسانه طويل ..

كيف تبغا يضل بالنادي ..

يكفيك محترف بالاتفاق .. >> الكثير تمنو ذلك لكن لم يحصل لهم ..

الموسوم القادم .. اذا تغير المدرب

سوف ترا ناصر .. بكل مايحمله من ابداعاته الكروية ..

الكل ترك العلمين .. والسبب الاول والاخير المدرب ..

نحب العلمين صح .. نتمى له التوفيق صح ..

بس يجي مدرب .. يحاول يستفز اللاعب .. انا ارهن معاك ان اللاعب ماتراه بالمستوى الذي هو مستواه

لكن اسوا الاحتمالات انه يترك النادي ..

وهذا هوو الي راحو معه المبدعين بالنادي ..

لا احب ان اطيل .. لكن ان حاولت تبري نفسك سوف ترا المدهش الذي مخفي لك ..

تحياتي لك ..

[سهم الشمال]

لاخوة الاعزاء الدووووخي شارد ذهن ناصر الشمري بعد ماقريت ردودكم اقتنعت بكلامكم الصراحة لاتلوموني من القهر على الي صار في النادي كل اللي اقدر اقوله الله يخلصنا من الادارة الفاشلة .

الاخ العزيز ناصر الشمري اذا ماني غلطان انت تدربت العام في نادي الجبلين والا ناصر ثاني تشابه اسماء.

[ناصر الشمري]

اخوي الغالي ( سهم الشمال )

انا ما الومك هذا من حبك لنادي العلمين والله يكثر من امثالك وان شاء الله الوضع راح يتحسن

بالنادي وتصير الامور طيبه بأذن الله ...!!!


اي نعم انا اللي تمرنت بالجبلين العام الماضي بس صارت ظروف ورجعت الخفجي والحمدلله

على كل حال ...!!!!

بعدين بسألك انت من حائل او الخفجي والله ما عرفتك للحين وشكلك متابع لنادي العلمين مضبوط ...!!!

والف شكر على اهتمامك بنتائج نادي العلمين يالغاااااالي ....!!!

[سهم الشمال]

الاخ العزيز ناصر الشمري مع التحية بالنسبة لسؤالك انا كنت من اهل الخفجي والان ساكن في حائل من زمان وانا اكتب في اكثر من منتدى ومتابع لبعض المنتديات ومن ضمنها منتدى الرائديةوخاصة المنتدى العام. الرياضة متابعتي لها قليلة وانا هلالي لكن الي سئل عنك وعن نادي الجبلين الي تمرنت فيه هو شخص ثاني كان عندي في الاستراحة اول مرة يشوف المنتدى ولايدري ان في منتدى للخفجي واخذ العنوان ويقول انه بيسجل فيه باسمة الحقيقي شاف الموضوع وهو الي اجبرني على الرد وقالي اسئل عن ناصر الشمري وعلى فكرة يااخ ناصر تراه متعصب لناديين من عرفت ها الشخص نادي الطائي ونادي العلمين عن نادي الطائي هو متواجد يومياً في تمارين الطائي ويحضر جميع مباريات الطائي وعلى كلامة يقول كنت في العطلة الصيفة الي فاتت في الخفجي وحضر تمارين نادي العلمين ويقول كنت اتابع نتائج العلمين عن طريق منتدى نادي السلام ومنتدى نادي الجبيل ومولع نار وميت قهرمن نتايج العلمين الاخيرة .ماطول عليك اخوي ناصر يمكن الحين الرجال سجل في المنتدى وبتعرف منهو الشخص الله يعينكم عليه .تحياتي للجميع

[الدووووخي]

اقتباس لاخوة الاعزاء الدووووخي شارد ذهن ناصر الشمري بعد ماقريت ردودكم اقتنعت بكلامكم الصراحة لاتلوموني من القهر على الي صار في النادي كل اللي اقدر اقوله الله يخلصنا من الادارة الفاشلة .

اهم شيء ان الامور والصورة صارت واضحه لك اخوي سهم الشمال ’’’

[معيض القرني]

السلام عليكم ورحمه الله وبركاته

مشكور اخوي شارد ذهن على موضوعك الطيب والذي تطرح فيه مشاكل النادي من اداره ومدرب ولاعبين والحلول المستقبليه لانفراج هذه الازمه التي رجعت سمعة النادي الى الوراء خمس سنوات من التدهور في النتائج وعشان اكون اكثر وضوحا( استراحة فرق ) لا تلوموني على هذا الكلام لانه الصحيح مع الاسف الشديد ياأخوني والله ثم والله اني حزين على وضع النادي الحالي
في عام 1424 ه سجلت في النادي وفي هذيك الفتره لم تكن هناك اداره داعمه ولكن كان فيه روح لاعبين طموحه تريد ان تحقق انجاز لاهالي الخفجي تريد ان تغير الصوره عند الانديه الاخرى تريد ان تقول لهم عفوا العلمين ليس استراحة لكم بل (مقبره لكم) وبالفعل تدربنا وثابرنا وغيرنا الصوره من اول مباراه لنا ضد النعيريه حتى وصلنا الى بيشه ولم يحالفنا الحظ هناك لاسباب عده يأخواني والله اني اتألم فيني حرقه في صدري رجعنا وخربنا اللي عملناه من خمس سنوات بعد اربع سنوات متواصله لم نهزم على ارضنا تلقينا في هذا الموسم ثلاث هزايم متتاليه على ارضنا السبب لا تقوللي الاداره والمدرب خلوهم على جنب هم ومشاكلهم السبب اللي عندي وللاسف الشديد اللاعبين الطموح والروح اللي كنت اشوفها في عيونهم اختفت ولا تنسون الحماس والادله عندي واجد فريق يلعب ضد الهدى بسبعة لاعبين والله سبعه اربعه شباب وثلاثه من الفريق الاول لا ويلعب بحارس ثاني في قلب الدفاع وامام الجبيل نلعب على ارضنا بثمانية لاعبين في بداية المباراه
بالنسبه لي فأنا اقدم اعتذاري على المستويات السيئه هذا الموسم وانا اعتب على اخوي ناصر لاني اعرفه جيدا انسان طموح لايحب الهزيمه نستمد القوه منه داخل الملعب على تركه لنا وهو يعرف مدى حاجتنا له داخل الملعب وكان بدى مصلحة النادي وزملائه اللاعبين على المشاكل بينه وبين المدرب وناصر يعرف معزته في قلبي واعرف معزتي في قلبه
واخيرا سامحوني على الاطاله ياخواني واتمنى من الله ان يتغير الحال الى الاحسن انشاء الله والنادي يرحب بابناء الخفجي سواءا لاعبين او جمهوررر وركزوا على الجمهور لانهم خير سند للاعبين اما انا فقد قدمت كل ماعندي من قوه للنادي والان خلاص اعلنت الاعتزال وارحتو والبركه انشالله للي جاي من بعدي ويكمل المشوار
تقبلوا تحياتي

[شارد ذهن]

اخوي -- معيض القرني


اشكرك على مشاعرك الطيبه ولكن صدقني اني راح اكون معك صادق في ردي على كلامك

المشكله اننا عاطفيين في تعاملاتنا حتى في الكوره لازم نقول للغلط هذا غلط بس بدون تجريح 0
العواطف ماهي كل شي - والحماس ماهو كل شي -والروح ماهي دوم 0

سبق وان قلت ان النادي يفتقد للنفس الطويل بمعنى يبدع في مباريات وتكون كارثه باللي بعدها


وذكرت بيشه والمباريات هناك انا كنت من المتابعين واللي اعرفه ان النادي اصلا غير جاهز

بمعنى اخسر وارجع مره ثانيه ليس تهكما ولكن فريق بلا لياقه وتجميع غير مرتب والتحاق البعض

متاخرا هذه امثله ولكن هل صمد النادي بالطبع لا وهذا هو النفس الطوييييييييييييييييييييييييييييل

شاكر ومقدر تواجدك ----