قصائد خالد عبدالرحمن

[نوني الامير]

قصائد خالد عبدالرحمن

--------------------------------------------------------------------------------





السلام عليكم

كيفكم ان شاء الله بخير ...

(( كلمات اغاني الفنان خالد عبدالرحمن (( مخاوي الليل ))

وهذي هيا الكلمات






لاتعتذر
تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي ووجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب ماانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يولعني ..انا نسيتك واطلب منك تنساني
================
وجه المرايا
غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها
================
الصورة المكسورة
بجانب كحلك ومشطك وبعض اشياء منثوره.. وعطر غامض مثلك يخبي في الزجاج اسرار
انا عشت الهوى قربك مجرد صورة مكسورة.. على تسريحتك عاشت حبيسة كذبة وغبار
اشوفك تنظرين لها بضحكة عين مسرورة.. وافكر نظرتك شوق معاها جملتين اعذار
واثاري نظرتك مرت عليها بس مجبورة..قصدتي خلفها وجهك تشتت في مرايا الدار
نسيتي واصبحت صورة مع الايام مهجوره..نسيتي وابتدت ترحل من البرواز والاسوار
نسيتي بس خليها يابنت الناس مستورة.. نسيتيني وانا مثلك نسيتك والزمن دوار
انا نفسي بديت انسى ملامح هذي الصورة..دخيلك لاتخليها بالبوم الصور تذكار
بديت انسى شقى نفسي ووجه الحزن وشعوره.. وقولي لمن سال عنها تشابه صورة الخوار
================
خيط الامل


من عافته نفسك ترانا نعافه

أنا على شفك وخذني على الكيف

من الوصل تقصر عليك المسافه

أقرب من المتكي على معنز الضيف

نفسٍ يموت بها الرجا.. يا حسافه

أضعف من الشعره على مقطع السيف

واللي قضب خيط الامل..لا وشافه

حظه يقوم أقداذ من غير تكليف

انت الذي برقه علينا كشافه

البرق والهتان جا عقبه الطيف
===================

خيط الولع

طرف جفن عيني لمكحولة العين عين ايقظت فيني من الشوق ما كان

خيط الولع خلاني اتبعك يا زين وخيطٍ جذب في خاطري حد وجدان

راح الفكر ينظم من الشعر بيتن شافه بنظم الشعر مرسوم الاعيان

شفت الحلا فيها يوصف بوصن وصف الحسن وصف يبين لها شان

يا ظالمة غظي من الطرف تكفين من قبل عين النفس تطوا بالاكفان

يا ماخذه قلبي بكفك على وين يومي معك شفق ولا ذقت سلوان

الله وأكبر لو لي معك وقتين وقتٍ تعيش بك حلو الازمان

وقتٍ نهاره ليل والعين بالعين أسهر ونزمي ما يعارض بالاجفان

أسهر بليلي والقمر وجهك الزين منور حلا يكسف حيا غادي ألوان

فيني من الوجدان واشوق حملين عسى خفوقي يشمله منك الاحسان
===================
علمتني حبك

وشلون ما اغليك

وأنت الذي علمتني حبك

يا هاجسي ... عشقي عيونك

إسأل ... وتلقى الجواب

في ناظر عيوني

تصوير لآجمل عذاب

حبك يا مفتوني

تلقي حياتي كلها لذة غرام

مهما سهر طرفي

أو جارت ظروفي

أو عشت أنا الحرمان

تلقى حياتي كلها لذه غرام

يا عذب الصفات ... يا كل الحياة

صبرك علي ... هذا قليل

مهما ترى من تضحيات

هذا قليل ... خل السهر لعيون من حبك

خل العيون اللي لها عشقي تبات

========================

صارحيني
صارحيني منهو أنا بدنيتك
منهو أنا بدنيتك....
جاوبيني إن كنت فعلاً منيتك....
إن كنت فعلاً منيتك....
ما كنت أرضى تزعلين.... وإنتي بتهدين الزعل....
ما أطيق عني تبعدين في
قربي حسيت بملل....
محرومة عيني شوفتك لا
تحرميني كلمتك....
حتى الصراحة بيننا صارت
صعيبة بدربنا....
وإن كان ودّك تبعدين صعبة
أنا أنسى حبنا....
ما يعني هذا ترجعين في دنيتي بألقى الهنا....
كلمات : ( رياض إبراهيم )
ألحان : ( خالد عبد الرحمن
=======================

صدّقيني
صدقيني قلبي يحكي لك حقيقة....
صدقيني ما أرى غيرك ملاك....
من أجل وصلك باتخذ أيّة طريقة....
ما أبالي لو طريقي لك هلاك....
بعدك ولا غيابك على نفسي ما أطيقه....
كيف أجاهد روح....
تشقى من غلاك
شرع الخطا يا زين عم الخليقة....
وإن هفا شوقي معك أبغى رضاك....
يا زمان اللوم أحرق لي وثيقة....
طيها دستور بظلمه وطاك
منهو فينا....
أو في البشر ما نشف ريقه....
كم قيل عنهم الشقي هذا وذاك....
الشك من طبعك وباحساسك رقيقه....
مقبولة عندي ولو هذا عطاك....
روحي تنادي لك بصرخة غريقه....
يوم أغرقها ليش عيني ما تراك....
كلمات : ( مخاوي الليل )
ألحان : ( خالد عبد الرحمن
======================

بلا ميعاد
فجأة طلبتني لها بلا ميعاد....
طول إنتظاري علّ حالي بسببها....
لبّيت وجيت قبالها شفتها تزداد....
روعة بصورة حسن ربي رسمها....
عيني أنا بعينها والقلوب أبعاد....
أخشى هدب عيني يلامس هدبها....
ما أقوى الحكي حينها والقلب ما أعتاد....
على لقى اللي حبّها من عرفها....
نظرة سواد عيونها هذا المنى والمراد....
لهفة شفايف طوّلت في عناقها....
كلمات : ( مخاوي الليل )
ألحان : ( خالد عبدالرحمن )
=====================

خذ ما تبي
خذ ما تبي بس أترك القلب يرتاح....
لا بالمودة عطيته لا بالصراحة خذيته....
في غايتك تغتار منك الأرواح....
صدقي خيانة جزيته يا كم بغيري نويته....
كافي علي أصبحت بالسهد فضّاح....
غصبٍ عليّ حكيته بكاني حظي وبكيته....
قل لي متى ترسم على قلبي جراح....
منك الصبر ما قويته أفقدتني ما أحتويته....
أملكت كلّ قلب الوفي ومعك مفتاح....
عقب الندم وش رأيته عن حب غيرك عميته....
من علّمك ترمي بقيعان الأرماح....
باب القتل نويته عمري بكفن حي طويته....
جذعٍ ذوى عطشان لو ترفعه طاح....
تتعب معه لو ركيته ما هو بحي لو سقيته....
لا تنتظر رجعه ولا تطري أصفاح....
ما أقول حبك وطيته ما أقول حبك نسيته....
أبعد عسى في دربك اليوم ترتاح....
أنت الذي أحتويته لا .. بالغصيبه مشيته....
كلمات : ( مخاوي الليل )
ألحان : ( خالد عبدالرحمن
========================

لأجل حبك
رجعنا بعد ما كنت .. بعيد .. وإنتي بعيده....
وأنا يا منيتي آمنت .. فراقك .. قلبي ما يطيقه
قويتي الصبر في فرقاي .. وأنا في غيبتك ما أقواه
نسيتي يوم كنتِ معاي .. والنسيان بك أتحداه
هل هو شعورك يالغريب .. أو أنا ماني لك حبيب
... ... ... ... ... ...
ثلاث سنين بنا مرّت .. ولا كنّا نحسّ بخوف
عيوني منّي تبرّت .. قليل النوم فقدها الشوف
لأجل حبّك قويت أسهر .. إلى حتى طلوع الشمس
وهذا لعيني مقدّر .. يمر اليوم مثل الأمس
مدري متى شمسك تغيب .. مدري جرحي يطيب
كلمات : ( مخاوي الليل )
ألحان : ( خالد عبدالرحمن
========================

بقايا جروح
خذني بقايا جروح .. أرجوك داويني
لا تروح الروح
كفا عذابي منك .. ليه تسقيني
ما فوق جرحي جرح .. وجروحي تاويني
وصبري فقدته بجرح
الموت له حروه .. خوفي يمسيني
يا خلّ يا مرتاح .. ليتك تواسيني
لا تنوي المرواح
ملامحي جروح .. وش منك يشفيني
ما بين عصف وريح .. الهمّ طاويني
وانت لاهي مريح
أبيك لعمري يوم .. بالوجد تعطيني
كلمات : ( مخاوي الليل )
ألحان : ( خالد عبد الرحمن
=======================

ضويتي

ضويتي بخاطري شمعة نسيت إني بوسط الناس
عيونك هلت الدمعة دلايل رهفة الإحساس
صمتك حديث عيونك همس الحكي بشفاتك
شفت الحيا من دونك مخلوق في همساتك
عيني على ما تنظره ومنك اشغلتني نظرتك
شوقي ترى ما أقدره ساقني في طاعتك
وقتٍ مضى لا يهمك انتهى مع ناسه
واللي جذبني يمّك يصعب علي قياسه
تذكّري بكرة وبعد للقا وش ننتظر
ننتظر حلو الوعد وبسعادة نستمر
كلمات : ( مخاوي الليل )
ألحان : ( خالد عبد الرحمن
======================

يا لايمتني
يا لا يمتني ما بقى لي شفاعة....
ساد الشكل وتغيرت كل الأوضاع....
ما عاد لك مني ولا حرف طاعة....
خل الفراق اللي على الوصل قطّاع....
في طيّ لحظات افترقنا بساعه....
ماني على فرقاكِ يا بنت جزّاع....
ما يمنعك خافق يعرف المناعه....
لو أن الهوى في خاطري حمل ووضاع....
أغواكِ من هو ساعيٍ بالقطاعه....
وشلون تفكيرك على الذم ينصاع....
بعتيه للهرجات وأهل الإشاعة....
لولا بني جنسك على الغيرة جياع....
للصدق في نفسي بحفظه وداعه....
وللفكر بخصال الموازين جمّاع....
أقدّم جميل العطايا باستطاعه....
قدمّت ما عندي ومنك العطا ضاع....
كلمات مخاوي الليل )
ألحان خالد عبد الرحمن
=======================

لا تناجي
لا لا تناجي كفاك نضال دع لي غرامي وجد لك أمل
لا لم أراك يوماً حفظت الوصال....
إدفع ثمن هزلك بهذا الجهل....
إجعل من الماضي ذكرى تقال....
وأعرض عن الحاضر كفاك جدل....
أنا لست أحيي مالاً بذاك الجمال....
ذهب الجمال منك أم لا يزل....
أسألك يوم غدري أجبني السؤال....
أم للغرام شرعك حب الهزَل....
لك تجدني قريباً بعيد المنال....
قلبي بهيمانه وضع ما حمل
أنصحك لا تعايش ذميم الخصال....
تغدو إلى دنيا تعاني الفشل....
ضع للغرام قدراً كفاك
إحتيال....
وأعدل بحق غيرك كما لك عدَل....
كلمات : ( مخاوي الليل )
ألحان : ( خالد عبد الرحمن
=======================

تروّعني
تروّعني لواحظ هالجميلة....
إلا سلهم ولي بالعين سلّم....
يغض الطرف عن غيري وأجي له....
وأسولف له وأعاتب وأتكلم....
صدوق الودّ لعيونه نشيله....
على كفي خفوقي له مقدّم....
أعرف الزّين وعيوني تخيله....
عسى عذب اللي ما يعطف ويرحم....
على هاك النحر شوف الجديلة....
يزمّ شفاه موقه ويتبسّم....
عديل الروح روحي له عديلة....
على صوته وجدي تِرنّم....
كلمات : ( خالد المجاهد )
ألحان : ( خالد عبد الرحمن
=====================

طرّف جفن عيني
طرّف جفن عيني لمكحولة العين....
عيني مضت فيني من الشوق ما كان
خيط الولع خلاّني أتبعك يا زين....
خيطٍ جذب في خاطري حرّ وجدان....
راح الفكر ينظم من الشعر بيتين....
شاقه بنظم الشعر مرسوم الأعيان....
شفت الحلى فيها يوصف بوصفين....
وصف الحسن ووصفٍ يبيّن لها شان....
يا ظالمة غضّي من الطّرف تكفين....
لا تودعين النفس لبيض الأكفان....
يا ماخذه بلا عطا للبعد وين....
توني معك شفق ما ذقت سِلوان....
الله وأكبر ليتني معك وقتين....
وقتٍ تعيش النفس بك حلو الأزمان....
وقتٍ نهاره ليل والعين بالعين....
أسهر ونومي ما يعارض لي أجفان....
أسهر بليلي والقمر وجهك الزين....
مِنور حلو يكسف حياء غادي ألوان....
فيني من الوجدان والشوق حملين....
عسى خفوقي يشمله منك الإحسان....
كلمات : ( مخاوي الليل )
ألحان : ( خالد عبد الرحمن
======================

دق البخت
دق البخت بابي .. من عقب طول غياب .. الزين وافاني
حمّلته عتابي .. ومهما افترقنا أحباب .. أهواه ويهواني
أدمعت عينه .. وأدمعت عيني..
كفانا من زود الفرح هلة دموع ..
عمري إبتدا لي اليوم .. ما للي فات حساب .. من عقب ما جاني....
وقلت كل اللوم .. في كلمتين عتاب .. بالطيب يلقاني
أدمعت عينه .. وأدمعت عيني..
كفانا من زود الفرح هلة دموع ..
حبيبي وأدري به .. والظن به ما خاب .. عوّد علي عاني
قدّر لي الطيبة .. وطاب الهوى له طاب .. في مرتع أحضاني
أدمعت عينه .. وأدمعت عيني..
كفانا من زود الفرح هلة دموع ..
كلمات : ( مخاوي الليل )
ألحان : ( مساعد العيسى
=====================

الله أقوى
الله أقوى لين خانتني الظروف ماهقيت الليل ما يوفي الوعد
ماتت الفرحة وأنا بعيني أشوف حارت أقداري وقلبي في جلد
لي وأنا في ظلمة الليل وقوف القمر شاهد ولا غيره أحد
وقتنا قاسي وفينا ما يرووف تسأله عيني وعينه ما ترد
لهفته لي مثل قلبي له شغوف له عنيت وأوفيت أنا له بالوعد
سلهمة عيني بها رجوى وخوف ليلنا جانا بعكس اللي نود
منوة الظامي منها الرشوف يا بخت من شافه ووافاه السعد
يا سراب ولو مسكتك بالكفوف لو شربت أظما وهي تظما بعد
.. ماهقيت الليل ما يوفي الوعد ..
كلمات : ( خالد المجاهد )
ألحان : ( خالد عبدالرحمن
====================

افراق

افراق .. افراق .. على حروة افراق .. ليلي ونهاري .. ما ينطاق
وش بيدي .. ما دام هذا اختيارك .. فوق خدي .. دمعة تقبل اعتذارك
خنت عهدي .. ورديت لك اعتبارك .. قسوة ضدي .. يا راميتني بنارك
أخشى أكره .. والقلب يرفض عطاه .. دمعة تشره .. كيف حبيبي لا قسى
طول عمره .. ما حس بقلبي وعصى .. صان قدره .. ولا مرة شكى
ما أطلبك .. ليه تردين .. مالك غلا يا مرخصتني
دنيا تتوه بها العناوين .. بدال ما نتي حضنتني
لكني بأقول لك .. مني أنا .. أشرهت عليك دمعة
افراق .
كلمات : ( مخاوي الليل )
ألحان : ( خالد عبد الرحمن
==================

فكري وروحي
فكري وروحي يمّك قريبه....
ما تبتعد عنّك ولو صرت أنا بعيد....
أشواقي لا زادت ما هي غريبة....
فرضٍ إلا غبتي أشواقي تزيد....
الوقت ما هو شيء بدون شوفك....
وأدري أن حبي حي في وسط جوفك....
يكفي إنك تحس بعذابي وشكواي....
راضي بحبك لو هو همي وبلواي....
عندي أمل بنلتقي يا حبيبة....
صدفة بتجمعنا بليّا مواعيد....
قلبي معك لا شك بياخذ نصيبة....
لقيا برضى الخاطر عسى أيامنا عيد....
أنسى الألم وانتي تنسين خوفك....
قدرك لي ما هو شوي والله ما أعوفك....
أنتي السعادة لي وانتي سبب شكواي....
وأنتي فرح ودموع ورسمات دنياي....

كلمات : ( رياض إبراهيم )
ألحان : ( خالد عبد الرحمن
=====================

لي متى
لي متى قلبي أسيرك....
لي متى عيني تهلّ
لي متى أبكي هجيرك
وأنت يمي لك محل
أرتعش الله يجيرك
قلبي اللي ما يملّ
قلبي اللي ما يملّ
يشتكي قسوة ضميرك....
كيف تخدعني وتحل
ما عطيت الحب غيرك
وأنت تجرح ما تملّ
لا تقول لي ما أبي غيرك
الكذب ما يكتمل
الكذب ما يكتمل
عاذلٍ موّت ضميرك
مبعدٍ عنه الخجل
ما له إلاّ في عشيرك
طعن وسيوفٍ تسلّ
وأنت راضي به يسيرك
كيف دربك ما يزلّ
كيف دربك ما يزلّ
يا حسافه طار طيرك
مدميٍ جرحه يهلّ
وانطفى نجمٍ ينيرك
وأنا أبي حلّ للأجل
كثّر الله ألف خيرك
تهدي الموت بعجل
تهدي الموت بعجل
كلمات : ( الأثير )
ألحان : ( عاشق
==================

تقوى الهجر
تقوى الهجر .. وش لي بقى عندك .. تدوّر لي عذر .. لا تعتذر
تقوى الهجر .. ما نجبره .. من عافنا ما ينجبر .. لا تعتذر
زاح الصبر .. لا لا تعنّى لي وتمرّ .. وتبغى الصبر .. وين الصبر
جرحي عميق .. والقلب في دمّه غريق
وتبغى الصبر .. ويلاه من وين الصبر .. مهما تقول لا تعتذر
مهما تقول .. من الأغاني والجمل .. ما يحتمل .. قلبي فدية جبر الألم
يمشي معك درب الندم .. ما يحتمل
يكفي عليه .. منك احتمل كذب وغدر .. حبك سراب .. ضيعت وقتي أتبعه
وسط الضباب .. وصوتك ينادي اسمعه .. صرت أتبعه ..
واليوم في صحراء الظما .. ترمي فؤادي وتحرقه .. ترجع تقول ..
أبعتذر .. ليه العذر
دام الهوى .. ما له على قولك عذر .. والجرح يا جرحي يداويه الصبر ..
ليه العذر ؟؟
الله كريم .. الله عليم .. هو عالمٍ بالحال .. ولا يمكن يظيم
عزاه لك .. يا قلب يا أحلى نديم .. عزّتي .. للحب لو يصبح يتيم
حبك يتيم .. وكلك ندم .. حبك يتيم
وين الندم بين السطور .. أمر العدم ماله ظهور ..
ترى هذا غرور .. هذا غرور
تمشي بطريق .. وأنا بطريق .. اللي يوديني لبعيد
عنّك يا أول رفيق .. البعد يعفيني المزيد
وين الوفى والتضحية .. وينك رفيق ..
وين الوفى والتضحية .. وينك رفيق ..
وبتجمع أوراق السنين
لا تنسى تجمع جروحي .. ودمعي .. وآهاتي معك
وقلبي بعد ما قتلته .. يا رفيقي .. ما عاد يقدر يمنعك
كل الأمر .. عاد بيديك ..
يا خلّ يا هاجر ..
ما عندك عذر
كلمات : ( الأمل المجروح )
ألحان : ( خالد عبد الرحمن )
=======================

لك خافقي
ليتك لعيني قريبه .. كان أبسهر ونومي لجفني حرام
عمري عطا وأسخي به .. ما يضيع العمر دام له مثلك غرام
أنتظر متى على الفرحة تجين .. ودنيتي في ناظري بقربك تزين
طرفي اشتكى لي شوق .. بالله وش أسوي به

ما بقى من هالعمر كثر اللي راح .. وشوفتك يا شوق تبري الجراح
عشت لك من غير إحساسي ما أقول
وبأنتظر لو غيابك لي يطول
ردي على الولهان .. لا يهون بك تعذيبه
كلمات : ( مخاوي الليل )
ألحان : ( مساعد العيسى
======================

يا شوق
ماني على فرقاك يا شوق ناوي
مير الزّمن له وقفةٍ بين الأحباب‎
يشهد على ما أقول قلبٍ شقاوي دمعٍ نثرته بان من بين الأهداب
كانك على ذبح الوفى فيني قاوي تذبح خفوق اللي يحبك ولا تاب
واللي بقى من وقتنا ما يساوي لحظة نعانيها من البعد أغراب
لا يا نجوم الليل ماني بهاوي فرقى مناة الروح ولو طالت أسباب
يا ناصحين القلب ما له مداوي غير الحبيب اللي له القلب طلاّب
كلمات : ( فهد بن خالد )
ألحان : ( خالد عبدالرحمن
===================

حقيقة
حقيقة فعلك ما يطاق ومن يستحق فينا العتب
وإن كان تنوين الفراق
سهلة عليك بلا سبب
قليل أحسّ بطيبتك
كثير منك اللوم
لا تتعبيني وش بقى
بارضى الشقا لي دوم
ما بيننا دار الزعّل
باظلمك في كل الخطا
والجد أبقى من الهزل
والتضحية أصل العطا
وشلون أبمشي بطاعتك
وانتي عليّ تقسين
إخذي القرار براحتك
ما اسألك زين أو شين
من كثر خوفي والألم
ما عاد أحس بأي خوف
سرت الخطا بليل الظَّلَم عرفت حالك سمع وشوف
إن كان لي حقٍّ .. أبيه وإن كان ما لي أنسحب
واللي تبينه ادفعيه
قلبك يبي منهو يحب
كلمات : ( مخاوي الليل )
ألحان : ( خالد عبد الرحمن
=====================

أهلاً هلا بك
أهلاً هلا بك .. يا بعد كل من لي يا أغلى من الغالين يا روح روحي
يفزّ لك قلبي .. وأرحّب وأهلّي تطيب لي قربك جميع الجروحِ
لك طلعةٍ مثل القمر يوم هلّي خلاّ سواد الليل نورٍ يلوحِ
يمّك دعاني زايد الشوق كلّي جيتك وأنا قلبي بحبك يبوحِ
تعال نحكي عن مشاعرك قل لي واحكي لك همومي وجرحي ونوحي
هاج الغرام وتلّه الود تلِّ قلبٍ قبل عرفك حياته مزوحِ
كلمات : ( سعود بن عبد الله )
ألحان : ( خالد عبد الرحمن
===================

انتظرته
انتظرته وقلبي احساسه يقول صوت خلي اليوم ما أظن أسمعه
الخبر عندي وغيبته بتطول وقتي من اليوم حسابه باجمعه
ضاق بي صدري وأدوّر له حلول في ضميري نار شوقي مولعه
عشت في دنيا أدور بها وأجول عشت فيها بضيق وعايشت السعة
ما لقيت اللي على دربي صمول كود بعض الناس وقته يمنعه
روضتي جفّت وأنا خلي سيول مبعدٍ عني وقلبي يتبعه
طبعها اللي يوصف بالطبع الخجول بين كل الناس عندي أرفعه
الغريب اللي أسولف له وأقول عن هوى نفسي كلامي أقنعه
ما يلام اللي مثل حالي ينول لو قضى دينه يساهر مدمعه
لي على الغالي وشوفاته ميول من زود شوقي لغرامي أصنعه
لو حصل لي شوفته همي يزول وقتها أنسى البشر وأجلس معه
أذكر إني بغيبته دايم أقول هو حياة القلب هو له مطمعه
فرحتي يا خالد بيوم الوصول بافرح لقلبي بهمٍّ ودّعه
كلمات : ( رياض إبراهيم )
ألحان : ( خالد عبد الرحمن
=====================

من دلّعك
من دلّعك .. خلاّك تختال عزّ الله إنه بدلاله متّعك
من صوّرك .. سبحانه اختار بالزين أحلاها صورة شرّعك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
وقتي معك .. نظرة وترحال صدفة تبيّن لي مشارف مطلعك
ما أروعك .. يا ملفت أنظار خليت كلالخلق خلفك تتبعك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
ليته معك .. وقت اللقا طال شفّيتها نفسي قبل ما أودّعك
من يمنعك .. تمشي وتختال ولا ترى بالخلق منهو يمنعك
كلمات : ( مخاوي الليل )
ألحان : ( خالد عبد الرحمن
===================

لو بكيت
لو بكيت دموع عيني ما تفيد وإن شكيت الشكوى ما فيها مسد
كل يوم يذوب في قلبي وريد أتصبّر مير ما عندي جلد
نار شوقي لك يذوب لها الحديد وانتثر دمعي على خدي بدد
دايمٍ يا شوق شوقي لك جديد وإن سألت العين لك فيها مرد
دمعتي تنبيك عن حبٍ أكيد غيرها يا روح روحي وش بعد
كان قلبي قبل عرفي لك عنيد ما يحن ولا رمى غيرك لأحد
لين طوّعته بحبك يا وحيد والمحب يطيع محبوبه وحسب
يا حبيبي غير شوفك لا ما اريد دوك طرفي طاير فيه السّهد
يا حبيبي فيك يا حلو القصيد لو كتبت الشعر في غيرك شرد
أتغنّى فيك بأشواقي نشيد بأصدق اللي قيل من بنت لولد
كلمات : ( غيوض )
ألحان : ( سمير مبروك
===================

حروف الحب
أكتب حروف الحب حبسٍ برجليك قيدٍ يقيد خطوتك لا تروحِ
إقعد معاي وإن رحت خذني مخاويك آن لا تروح إن كان قفيت روحي
ريّظ خطا رجلك شوي لغاليك خله عليك بسرّ حبه يبوحِ
يا واحدٍ مالك شبيه لك بحاليك يبسٍ بحبك من ظماها شحوحِ
أغليك واللي كوّن الكون أنا أغليك حب الغلا ماهو بمثل حب المزوحِ
يا غاليٍ دمعات عيني تناجيك هدايرٍ من فوق خدي تفوحِ
حتى وأنا في غفوة النوم أناديك وطيفك على شاشة خيالي يلوحِ
إرجع علي وضمني بين أياديك ضمة غلا تحيي بها بيت روحي
كلمات : ( غيوض )
ألحان : ( سمير مبروك
==================

يا حبنيلك
يا حبّنيلك دون كل المخاليق ياللي تساوي كل شيء بحياتي
لا شفت زولك ينجلي عني الضيق وإن غبت عن عيني تزيد عبراتي
دايم عيوني من فراقك غواريق وطلعتك ترسم بسمتي في شفاتي
الحب مفتاح القفول المغاليق وحبك دواي وفرحتي يا غناتي
أغليك وإن لي بلشه فيك بالريق يا منوتي دايم محقق مناتي
غلاك ساقه رامعي في المعاليق ولولاه عيني ما تعدت وطاتي
كلمات : ( غيوض )
ألحان : ( سمير مبروك
==================

وين انت
وين انت قبل اللي مضى سنيني يا مسعدٍ باقي حياتي بالأفراح
ما قول قبلك في حياتي ضنيني ولا نيب مع غيرك من الناس مرتاح
حتى فرحك ارهب شقاي الدفينِ ومنك السعادة بدّدت هاك الأشباح
يا غاليٍ قرة بلاماك عيني حبي وحبك من سبب ربط الأرواح
كأس الهنا تو أقضبنّه ايديني وأروى ظمأ وقتي هذاك الذي راح
والله ما لك في حياتي وزينِ برق الفرح قبلك على العين ما لاح
كلمات : ( غيوض )
ألحان : ( خالد عبدالرحمن
=================

موادع
موادع وكل خلٍّ جاك .. بيجيه وقت ويوادع
موادع وكم خلٍّ قال .. بعد فرقاه راجع .. موادع
أعدّ الوقت بحسابي ليالي وأشوف حساب غيري له ثواني
غريب الوقت في طبعه يعاند أبي أطويه ولكنه طواني
حبيبي فارق عيوني ولاجه تقلّب صورته فيني مواجع
غريب الوقت يا ليته يطاوع يمر يمكن يجي منهو موادع
دموعي تطلب عيوني نهاية وجرحي ينزف المعنى قصايد
موادع صارت بعمري حكاية وعمري ماخذ أحزاني عوايد
حبيبي يقبل وقلبي يهلّي يمد إيديه يطلبني أجي له
وإلا منّي جيته ودمعي يهلّي لقيته هاجسٍ معنى رحيله
عجايب كل هالدنيا عجايب دموع وحزن ومفارق حبايب
تسلّي خاطر المحبوب لحظة ويرجع عاشق الأحلام خايب
يروح العاشق المجروح يبكي ويشكي وقت في طبعه مخادع
صحيح الحب في الدنيا ولكن يعيب الوقت في حبه مخادع
كلمات : ( العاشق )
ألحان : ( سمير مبروك
====================

يا ظامية
يا ظامية يبس شفايفك العطش .. غير ملامحك الوله ..
وانتي وأنا شمس وقمر .. ما نلتقي لو نحتظر .. يا ظامية
أشتاق لك وانتي بعيد .. ويزيد حبي لك يزيد .. يا ظامية
أموت بعيونك أموت .. والحب يغنيه السكوت
إلى متى بسكت .. وإلى متى ببكي
يا ليت أدري قبل أموت .. يا ليت أدري قبل أموت
ودي أعيش الليل .. وأقول أحبك حيل
ودي أقول الآااه .. وانتي معي تبكين
يا ظامية ببعد .. عزمت أنا ببعد
يا ظامية ببعد .. حلفت أنا ببعد
يا ظامية يمكن بعد الهجر لقيا
كلمات : ( العاشق )
ألحان : ( سمير مبروك
====================

لا لا تهز الراس
لا لا تهز الراس وتنثر غرتك عيني يجرّحها سل لون الخضير
لون الذهب صنعه يقلد صورتك بس أعجز الصانع شعاعٍ بك يثير
لا خير في دنيا إذا ما سرّتك لا خير بأرضٍ ما تجي تحتك حرير
الجرح يا جرحي سبايب نظرتك والدمع من صدك وجفني يستجير
لو ترحم العاشق وتطفي جمرتك ولاّ تفك قيود جنحاني وأطير
كم مرةٍ روحي بالقلب طرتك تحالفوا يوفون لك حق العشير
كلمات : ( العاشق )
ألحان : ( خالد البراك
===================

فزّوا لها
فزوا لها لين أقبلت فزوا لها .. حبيبتي في حسنها من مثلها ..
لين أقبلت ريم الفلا .. في وجهها شاع الحلى
فزوا لها حبيبتي .. ومع فزّكم قولوا هلا
فزوا لها حبيبتي .. فزوا لها
غنوا لها يا أهل الطرب .. غنوا لها .. خلوا السهر يا أهل الطرب يحلى لها
خلوا الشعر لين انتثر يرجع لها .. حبيبتي كل الطرب غني لها
لين اوقفت حبيبتي .. قولوا هلا .. بوصولها تم الفرح بوصولها
واهدوا لها سلام عشق .. اهدوا لها .. من روض نجدٍ والهوى ومعشوقها
كلمات : ( العاشق )
ألحان : ( خالد عبد الرحمن
===================

كنك وكني
لا تحسب إن النور يا زين منّي وجهي ترى يعكس لك النور منّك
مثل القمر والشمس كنّك وكنّي أعكس شعاعك وأسهر الليل عنّك
مدامعي تشهد غرامك سكنّي والقلب قبل الروح والعين حنّك
أنا أعترف لك كل ما بك فتنّي لو تطلب عيوني حبيبي يجينّك
قصيدتي تو اجبه القلب فنّي نظرتك مع ضحكتك كلهم تابع لفنّك
وعسى الوفى بالحب ظنّك وظنّي وأعيش طول العمر في حسن ظنّك
كلمات : ( العاشق )
ألحان : ( خالد عبد الرحمن
===================

من يسدّ يمكانه
قرب الرحيل وخاطري منك ما طاب يا واحدٍ عندك حياتي رهانه
تدري بعله واحدٍ منك منصاب اللي بقلبه لك .. يقوله لسانه
بك طيب لو ما حط بك زين الأطياب يا غصن بان ناعمٍ به ليانه
يا ليتهم سمّوك يا زين معطاب حيث ان حبك بالضماير مكانه
كلٍ عذلني فيك عدوان وأصحاب وأقول خلوني وكلٍ وشانه
وان قيل وإلا بدّل أحباب بأحباب قلت آه .. لكن من يسد بمكانه
كلمات : ( الأمير: عبد الله الفيصل )
ألحان : ( خالد عبد الرحمن
====================

سمرت
سمرت بصحبة حروف القوافي أحمّلها تناهيدٍ خوافي
أشكّل بالحروف ألوان صورة أحرّكها من المعنى بصافي
أشيل الحرف من معنى لمعنى وأداري ما ظهر وأظهر بخافي
وإلا مني عطيت الحرف وردة بها حرفي على النجمات طافي
يقوّم كل نجمٍ من منامه أنا ما نيب أسامر نجم غافي
يجيني كل نجمٍ منه معنى ولا قد قلت للنجمات كافي
تصورني دموعٍ وابتسامه من عيونٍ تقصوت ما تشافي
ألا يا نجم يا عادي تبصّر شف بعين المحبة عين وافي
وخبرني عن علومه وحاله عسى قلبه مع الأشواق دافئ
وخبّر صاحبي عن حال خلّه ترى يمشي على الأشواك حافي
ولو ممشاي في جمرٍ يفيده مشيت بجمرها كنّه عوافي
ولكن وش يفيده لو ذبحني ومن يوصف جماله عقب قافي
كلمات : ( خالد الفيصل )
ألحان : ( مساعد العيسى
===================

دقات قلبي
دقات قلبي .. من عناي عابثت بي تزود بين الثانية والدقيقة
راحت بي أفكاري بعيدٍ وجت بي وأهداب عيني في دموعي غريقة
أكتب وتقرأ ريشة العود كتبي شعري سلس ينساب على السليقة
مشاعري يا شوق .. يمّك جرت بي من مرهف إحساسي بيوتٍ رقيقة
أحنّ وأشواق الغرام اعصفت بي وقلبي فراقك .. ساعةٍ ما يطيقه
محبتك يا روح روحي .. سطت بي والدمع في عيني من أجلك ذريقه
كلمات : ( غيوض )
ألحان : ( خالد عبد الرحمن)
=====================

سلمولي
سلمولي على الغالي سلامٍ كثير وأخبروه إني أسهر لين يبدأ الصباح
دمعة العين عقبه بالمحاجر تحير ما تجيه عيوني كود عند المراح
ليت لي يا هوا بالي جناحٍ وأطير البلى إني عليك أكلف بليّا جناح
حارب النوم عيني ما يطب النظير من سبايب غرامك جوهر العقل راح
شالك الزين عيني يوم مالك حشير والله اللي بلاني بك بليّا صلاح
كنّ وجهك قمر خمسة عشر مستدير بيت منه بلغ بك غايته واستراح
صدّ عني ترى عينك سهمها خطير ما خبرت أحد قبلك عيونه رماح
مثلما كنت بأقدامك تدوس الحرير أنت يا زين بأقدامك تدوس الملاح
كلمات : ( الأمير : سعود بن محمد )
ألحان : ( خالد عبد الرحمن )
=====================

صمت البوح
منك وعليك الهم من وين ما أروح يمشي معي يا شاغلي مثل ظلّي
أنا حياتي بالهوى كلها نوح
أشرب ظنوني همّ وأقول علّي
أغلى الجروح اللي بها منك مجروح الله يا حبي لجرح التغلّي
لي في عذاب الحب رحمة ومصلوح عذابك أرحم من نعيمٍ مولي
حبك عذاب الروح ويونّس الروح مستوليٍ حبك على كل كلّي
أصمت ويظهر منك في صمتي البوح ملامحي منها جليسي فطن لي
كلمات : ( السامر )
ألحان : ( خالد عبد الرحمن)
=====================

في غربتي
في غربتي تغرّب النور عن عيني وش حاجتي في نور عينٍ غاب غاليها
عمر السفر يا نظر عيني قضى فيني نفسي على ما تعاف أمر الله حاديها
يمّك حبيبي عظيم الشوق يدعيني يسري بعروقي كما تسري الدما فيها
علي خطرها حياتي يا معنّيني بعدك عطبها وشوفك حيل يشفيها
أخاوي الليل وهاجس ليلي يخاويني يمّك سرابي داعي الذكرى بحاليها
أقضي بدنيا لعيني شوف رمشيني إلا متى عيني على شوفك تمنيّها
كلمات : ( مخاوي الليل )
ألحان : ( خالد عبد الرحمن)
======================

ليل التجافي
آاه .. من ليل التجافي ما أطوله ليلة العاشق ثوانيها ليال
من يقول الشمس باكر مقبله كل شمسٍ مالها وجهك ظلال
أسألك باللي أخذ منك الوله حطّه بصدري وأعطاك الجمال
حاكني لأجل الليالي الأوّله آاه .. أنا بموت من ذلّ السؤال
هو صحيح إنّك حبيبي اللي بداه واستوى عنده فراقي والوصال
كل جرحٍ غير جرحك بأقبله كل ظلمٍ غير ظلمك لي عدال
كلمات : ( الأمير : بدر بن عبد المحسن )
ألحان : ( خالد عبد الرحمن)
====================

تذكار
تذكار عيشي على التذكار وإن كان يحصل لك تناسيها
بفراق تالي انتهت الأخبار عشرة حياتي اليوم ماضيها
لا تحسبي سرّك من الأسرار اللي على الجنسين تفشيها
منك الخطايا انتهت بأعذار وعيونك النكران معميها
قلبك من أحداث الفشل محتار تستخسري خطوة مشيتيها
ما يهتني منه غريب الدار مثلك غريبة وسط أهاليها
وأنا اللي فيني من الجروح كثار لا أنتي ولا غيرك يداويها
الله حسيبك كيف قلبك صار باع المحبة وأشترى فيها
صرنا على هاذي السوايا كبار قبلك عذارى ما مشوا فيها
هل هي عطش هل هي تسالي صغار هاذي السوايا من يسوّيها
كلمات : ( مخاوي الليل )
ألحان : ( خالد عبد الرحمن
=================

يا عذابي
يا عذابي .. كيف أنا بأقوى عذابك .. لا صار في بعدك عذابي .. وفي قربك عذابي
يا شبابي .. زينة أيامي شبابك .. يكفي حياتي حسابك ..ونسيانك حسابي
ما تصدق لو أقول أنك حياتي في كل شئ .. سمعي وشوفي أنت .. دمي وإحساسي
باسم الهوى لازلت .. فكري وهوجاسي .. وتدري علي بعدك عذابي .. وفي قربك عذابي
يا حب .. مالي فيك غير الشقا .. يا حب .. أخذ من حياتي ما بقى
عشته بإحساسي ولا به شيء .. يبدّل شعوري .. حبك جرى بدمي وذاب
كلمات : ( مخاوي الليل )
الحان : ( خالد عبد الرحمن )
===================

ودي تشوف الهم
ودي تشوف الهم وشلون سوّى بحال من حبك على غير مصلوح
جرحتني جرحٍ جديدٍ تلوى على خفوقٍ منك بالحيل مجروح
سويت فيني شئ ما ينتسوى وأقول يا سيد المماليح مسموح
ليتك بزلاتك عليّا تروى يوم أن حبي لك من الروح للروح
أن كان حبل وصالنا ما تقوّى فالله يعين عيون " سامر" على النوح
لا يا بعد من جابوا آدم وحواء خطاك مهما صار منسي ومدموح
كلمات : ( السامر )
ألحان : ( صالح الشهري )
===================

العطا

العطا .. ما تبادلنا العطا .. والخطا .. لا حشى ما أخطي عليك
إيه سطا .. جرحك بإحساسي سطا .. يا عطا .. أول عطا منك الخطا
أحبك لو تجافيني .. على كل الخطا مسامح .. أحبك يا نظر عيني ورضاك ألزم
ولكني فقير الحظ
أنا لك أكثري تجريح ترى حبك .. بيشفع لك .. أحبك
ذوّب خفوقي الشوق .. وأنتي معي يا شوق .. يا أحلى الحياء والذوق
طعم السعادة غير
لك خفوقي اشتقى ثم اهتنا بك .. وفي عروقي دمي الجاري اغتذى بك
ولاح شوقي في سما كل البشر .. غير زولك ما ملأ أحد النظر
جدّدي فيني حياتي باللقا
كلمات : ( مخاوي الليل )
ألحان : ( خالد عبد الرحمن )
===================

هاتيها
هاتيها .. روحي خذيتيها .. يا مايقة بالزين
لمتيها .. يومٍ ملكتيها كل الملأ دارين
قاريها .. من سيرة العشاق .. إنتي وأنا اثنين
يا فيها .. شهد العسل والزين .. مياسة وتدرين
يا أحلى قصيدي .. من غيرك بعد .. يا حبي الحقيقي .. يا عز الطلب
تمكّن وريدي .. وبالقلب انكتب .. اسمك أنت سيدي .. وأنت اللي أحب
ينتشي من يسمع أبيات الغرام .. ما يجر الآااه من قلبه خلي
عمري اللي به غدا حبك وسام .. حبي اللي قام يوم صرت لي
كلمات : ( خالد المجاهد )
ألحان : ( خالد عبد الرحمن )
=================

آمر تدلّل
حبي لك أكبر من جميع التواصيف حبي لك أكبر من كلامٍ يقالِ
غلاي لك صافي ولا فيه تزييف أصفى من المي القري الزلالِ
الحب ما بين القلوب المواليف سعادةٍ ما بين غالي وغالي
إن غبت جابك في حلى نومي الطيف وإن شفت زولك كل شيءٍ صفا لي
من غيرك الأيام يا صاحبي صيف إنت الربيع اللي بنبته زهال
دايم وأنا أمشي لك حبيبي على الكيف آمر تدلل لك عليّ الدلال
كلمات : ( غيوض )
ألحان : ( خالد عبد الرحمن )
==================

يا مهاجرة
يا مهاجرة باحساس .. أغلى من الروح ..
ودعتها ذكراك .. على أمل لقياك..
وعشقتها ديرة .. ديرة .. يومٍ وطتها خطاك
وجدي على نظرة .. يا مهاجرة باحساس ..
أشري بها عمري .. وأنسى حديث الناس
يوم إنّك أقفيتي .. من في الهوى لايم .. أقدر أطيع أمره
مني رسالة حرف .. شوقي لها معنى ..
دنياي أنا صورة .. وجهك ملامحها
ولازلت أبحكي لك .. يا مبعدة عني ..
ومناي أنا أحكي لك .. يا مبعدة عني
بشوقي أسولف لك .. بشوقي أسولف لك ..
أدري حياتي هم .. تعبت أبا أوصل لك ..
وهمي تراه انتي .. يا مهاجرة باحساس
يا مهاجرة غبتي وأخذتيني رقيق احساس
والروح في وصفك لا ما تعرف اليأس
عشتك معاي أيام .. يا كل تفكيري
ليلة قمرها انتي .. ليلة قمرها انتي
كلمات : ( مخاوي الليل )
ألحان : ( خالد عبد الرحمن )
======================

[عبدالحكيم]

اقتباس وشلون ما اغليك وأنت الذي علمتني حبك يا هاجسي ... عشقي عيونك إسأل ... وتلقى الجواب في ناظر عيوني تصوير لآجمل عذاب حبك يا مفتوني تلقي حياتي كلها لذة غرام مهما سهر طرفي أو جارت ظروفي أو عشت أنا الحرمان تلقى حياتي كلها لذه غرام يا عذب الصفات ... يا كل الحياة صبرك علي ... هذا قليل مهما ترى من تضحيات هذا قليل ... خل السهر لعيون من حبك خل العيون اللي لها عشقي تبات

كل الشكر يانوني

وعلى الخير دووم

[نوني الامير]

هلا بك ..

شاكره مرورك ومنور الصفحه ,,

خالد غني عن التعريف بطريقة إنتقائة لا أغانيه وكلماته الشعريه ..

هذا الجزء الثاني ..منها ...



[bdr]__[/bdr]

من نشدني
ودّي أشبع منك شوف وما حصل لي كل ما ناظرتني ضاعت علومي
في عيونك للغلا حبٍ يهلي ناظر لحبك على خدي وسومي
طحت في حب العيون السود كلي ومن عثر في رمش عينك ما يقومي
خدرةٍ تشرب ظما حسنك الفضا اللي كنها في صحوةٍ من عقب نومي
إنشرح صدري بشوفك واسفهلّي خافقٍ ماله على وصلك سلومي
من نشدني قلت أنا مجروح خلّي في حياةٍ للخلايق ما تدومِ
كلمات : ( السامر )
ألحان : ( خالد عبد الرحمن )
====================

بأنساك
بأنساك لأني لك .. ألبس ملبس النسيان
ما أبغاك لأني الآن .. أرفض عيشة الحرمان
ما أبغاك يكفيني تعب .. ما أبغاك لو إنك ذهب
كانك قدرت تجمع سنيني اللي مضت ..
كانك قدرت تسقيها روحي اللي ضمت
حتى لو إنك قدرت .. حتى لو إنك قدرت
لا تطري الرجعة على لسانك أبد
وما أظن لي قلبٍ بيرقص لك طرب
ولا عاد لي نفسٍ تناديلك محب
حبك رماد .. حبك رماد .. حبك ذرى ذاك المهب
حبك رميته واتبعه .. حبك طويته وانتهى
بأودعك على أمل أنساك .. ويا ليتني صدفة أبد ما ألقاك
بأنساك وأنسى ما مضى .. وبشوف بعيوني الفرح
بأنسى الندم وجرح الهوى .. علّه يطيب قلب انجرح
ثغري لقى الضحكة ونيس .. من قلبي علمني الصبر
حاضر حياتي لك يقيس .. كيف أكثر بالغدر
كلمات : ( شيمه )
ألحان : ( خالد عبد الرحمن )
====================

بادلي قلبي
صدقيني لو أبيّن لك غلاك ما تصدق اذنك اللي تسمعه
طال عمري أو قصر محدٍ سواك يفرح بشوقٍ فؤادي يجمعه
بادلي قلبي شعوره في هواك حسّسيه إنك معه يا مطمعه
ما اعتقد إن فيه بالدنيا ملاك تشبه لزولك تصور بأجمعه
حار تفكير المولع في رضاك مستريح البال لا صرتي معه
من سبب صدّك معرض للهلاك ناجي دموعٍ عيوني تدمعه
كلمات : ( مجازف )
ألحان : ( خالد عبدالرحمن )
==================

خبّروه
خبروه إني على وصله حييت وإن تفارقنا ترى موتي دنا
لي حبيبٍ يوم روّح ما سليت يعلم الله توي ما ذقت العنا
عبرتي هلّيتها حزن وبكيت يا ردى عمر الحسوفه ما جنا
ذقت من دنيا حبيبي وما ارتويت جنة الدنيا حبيبي والمنى
عشت بأحلام الهوى ليل وبنيت كل آمالي تداركها الفنى
في حياتي ما ذكرت إني شكيت في هوانا ضحكت الدنيا لنا
لا حياةٍ عقب محبوبي رأيت والممات أرحم ولا فرقى السنا
هو سنا شمسي وغيره ما هقيت يفرح بوصلي ولو موته دنا
كلمات : ( مخاوي الليل )
ألحان : ( خالد عبدالرحمن )
===================

الصدّ
والله لأجازي راعي الصد بالصد وأصد عنه وكنه ماهو بموجود
أول معه أمشي إلى أبعد الحد وأعطيه وفا وإخلاص ماهو بمحدود
لكن لقيته ما يبادلني الود يجزي العطا مني بنكران وجحود
بابٍ فتح بهموم واليوم ينرد ما في بقايا الأمس يا وقت لي زود
وقفت في وجه الهوى وقفة الند أبقى وعز النفس ماهو بمفقود
ظويت حلمٍ فات في راحة اليد ترك دربٍ كان مفروش بورود
درسٍ وعاه القلب من صفعة الخد
العذر ماهو بس بأيامنا السود
كلمات : ( أثيل )
ألحان : ( خالد عبدالرحمن )
=================

لون باهت
الشمس غابت والمدينة اظلمت..والوردلونه صار ماهو لونه
باهت يحير كل عين همت..فيه وعبيره بنته مسجونه
وانا حزين والهموم التمت..والحزن جند لي كبار شجونه
ان جيت ابفرح فرحتي ماتمت..وان جيت ابنسى ذكرتني طعونه
هذا زماني صار بي يتشمت..يلعب بي وانا راضي بكل جنونه
صفحات حبي في الغرام اقدمت.. فوق الرفوف وبالعنا مشحونه
فيه المحبة والوفا قد ضمت..للغالي الي اعشقه واصونه
يمكن عيون شافته ولاسمت..الله يخذل حاسدي وعيونه
================

مثل العسل
مثل العسل وسط الضماير غلاكم..وانتوا عسل كل الليالي والايام
جر القلم بالشوق خطه جداكم..حبره محبه وصورتك فكر والهام
نوفي ولكن مانوصل وفاكم..الكم وفا ومنك الوفا ياخذ احكام
مزن بروقه لاضيات بهواكم..نجم فريد بلمعته وسط الاجرام
نقشت انا ودي بصفحة سماكم.. والدم بقلبي صارت تخط الاقلام
فكري سرى بلهفه وغيومه تباكم..تمطر عليكم اطيب حروف وانغام
لاعاش شعر في حروفه جفاكم..لاعاش عمر ماقضى بحبك اعوام
==============

انتي شروق
انتي شروق اول ضحى طلعة الشمس..والشمس بنت مرحلين الاماسي
عفي وانا رحبت من خاطر انحمس..موجة فرح طافت حدود القياسي
بين امس متعب كلما مر بالامس..واليوم ناسي حالة الامس ناسي
قلبي بغيابك بالنزى دوله الحمس..جيتي وقند ريحة الهيل راسي
وبين الثرى والغيم عن خطوتك رمس.. اعرف وجودك يوم تندي الرواسي
القى الندى بالنخل لو تهمسي همس..بالروض دارك يرسله قلبي ماسي
شريان قلبي في بحرك انغمس غمس..سباح لكن ضيعته المراسي
يانور ماحد في الهوى يلمسك لمس..روحي لمسته واشتعل بي حماسي
====================

للوعد جيتك وفي 000000 كيف معايا تخلفي
ما احتسبتي لما بعد 000000 كيف يصبح موقفي
العذر مره يجوز 000000 وادري ظروفك ما تحوز
ما اقتنع بيت مرد 000000 وهذا ما لا تعرفي
لي حق ازعل عليك 00000 حلو العتب مني اليك
واقول ما غيرك احد 000000 وشوف بعينك مذرفي
==================

لا تحسبني في البعد بنسى غلاك 0000 لا والذي له النفس مردوده
دايم بوسط الليل بالحلم القاك 0000 وياما تمنيت الحلم تصدق شهوده
اخفي دموع العين لا حل طرياك 0000 فكري على ذكراك قلبي يقوده
قلباً يداريك ما ظن يخفاك 0000 قلباً بحبك يوم يثبت وجوده
غلطان من بالهوى يصبر على جفاك 0000 مسكين من بالهوى ينوي صدوده
اخشى عليك من القدر لا صرت وياك 0000 واخشى عليك من البشر ناس حسوده
اخذ بشورك وبمشي على ماطاك 0000 واصبر على قلباً يمل جهوده
يالله ان برجيك تمنح عطاياك 0000 ابشوف خلاً له النفس مشدوده
====================

ليتك لعيني قريبه 000 كان بالسهر ونومي لجفني حرام
قلبي عطا تصخيبه 000 ما يضيع العمر دامك له غرام
انتظر متى على الفرحة تجين 000 ودنيتي في ناظري قربك تزين
طرفي اشتقاني شوق 00 بالله شسويبه
ما بقى من هالعمر كثر اللي راح 000 شوفتك يا شوق تبلي الجراح
لك خافقي شراي 00 بموانسك تطريبه
عشتلك وغير احساسي ما قول 000 بنتظر لو غيابك لي يطول
رد على الولهان 00 لا يهونبك تعذيبه
ليتك لعيني قريبه 000 كان بالسهر ونومي لجفني حرام
قلبي عطا تصخيبه 000 ما يضيع العمر دامك له غرام

=====================================
لو جمعت ايام عمري من فرح 00000 ما تساوي لحظة من وقتي معك
================================

حدي نظر 00 حدي نظر
لو نويت اكثر 00 حدي نظر
الله امر 00
لعيونك اسهر 00 الله امر
واجهت عيني ملاك الحسن في حيره
ونعقد حرفي وخان الوصف تعبيره
قسمتي لك 00 قسمتي لك يا قمر
==================

الحزن الاكيد
قف وناظر دمعتي يوم ادرجت . . . يوم شفتك ناوي ترحل بعيد
يوم كلّمتك وصديت اخرجت . . . أذهلتني دمعة الحزن الأكيد
كلمتينٍ كنت أبا قول أمرجت . . . دمعتينٍ سكرن حبل الوريد
ولا عليها لوم بالشوق ادمجت . . . ما تريدونه على ما كنت أريد
ولو تقول أعداك نفسك ما نجت . . . قل نعم شوقي على شوقه يزيد
الحبايب عن دواخلها رجت . . . ترجمان إحساسها صار النشيد
عن خفايا في دواخلها لجت . . . وكونت بين اثنينك بالرصيد
ولا لغير الله بالشدة رجت . . . يجمع اللامة ويمحى كل كيد
كلمات : غيوض
ألحان : خالد عبد الرحمن
=============

زليت
زليت وابن آدم معرض للخطا .. زليت وبحالة غضب جرحي سطا
استسمحك وأقرأ بعيونك لي عتب .. وش في يدي أعفيك عن هذا الغضب .. ليه العجب ؟
أنا بشر أخطي وسبحان اللي كامل بالعطا .. زليت
قبل الوداع .. وآخر وداع .. إسمع كلامي وافهمه
قبل الوداع .. وآخر وداع .. راجع سطور الناس بعمر الزمن
من فينا ما داس الخطا .. من فينا ؟؟
من فينا كامل بالعطا .. من فينا ؟؟
أنا بشر أخطي وسبحان اللي كامل بالعطا .. زليت
إصبر علي .. إصبر علي .. وادمح خطاي
إصبر علي .. إصبر علي .. وإن ما قوى صبرك رضاي
أنا بهواي مجروح من يصبر علي
هجرك ألم .. أقولها وأقسم قسم
متى الظفر .. يطلع يا عمري من اللحم
أنا بشر أخطي وسبحان اللي كامل بالعطا .. زليت
كلمات : محمد الخضيري
ألحان : سمير مبروك
====================

حالمه
حالمه وابعاد تفكيرك خيال ... في هجير الشمس ماتلقين فيّ
يوم عشتي من حياتي في دلال ... تحسبين انك ملكتي كل حي
لو تندمتي وناديتي تعال ... ماتغير صرخةاحساسك عليّ
كيف؟ وانتي للكبر صرتي مثال ... وانطويتي في دنيتي احلام طي
غرك احساسي وتحقيق المحال ... لبغيتي شي خذتي كل شي
الغرور يحطم جسور الوصال ... يعمي عيونك ترى عن كل ضي
الغلا له حد يا بنت الحلال ... خفّفي من كبرك الزايد شوي
كلما ت فهد السحاري
ألحان مساعد العيسى
==============

كابر
كابر..قد ماتكابر....انا معك متحمل وصابر
واعرفك اكثر من احساسي تجاهك....وانت خابر
ان حبك لي كبير....وقد ماتخفيه ظاهر
ياللي جروحك مالها الا انا
جرحك وانا اللي احمله....جرحك وانا اللي ادمله
واعرف ان البعد ماحطم طموح...واعرفك ياسيدي كلك سموح
لاتكابر
ياللي الحياة بدونك اعذبها مرار.....وانا على الصمت مالي اختيار
وتبي حقيقة واقعي....باصبر معاك..وباعيش كل الوقت راجي بانتظار
ياجرح طاهر كابر.
=============

في غربتي

في غربتي تغرب النور عن عيني

وش حاجتي في نور عين غاب غاليها

أمر السفر يا نظر عيني قضى فين

نفسي على ما تعاف امر الله حاديها

يمك حبيبي عظيم الشوق يدعيني

يسرى بعروقي كما تسرى الدما فيها

على خطرها حياتي يا معنيني

بعدك عطبها وشوفك حيل يشفيها

أخاوي الليل وهاجس ليل يخاويني

يمك سرابي داعي الذكرى بحاليها

أقضي بدنيا لعيني شوفها مشيني

إلى متى عيني على شوفك تمنيها
===================

ودي تشوف الهم
ودي تشوف الهم وش لون سوى
في حال من حبّك على غير مصلوح

جرحتني جرح جديدٍ تلوّى
على خفوقٍ منك بالحيل مجروح

وسويت بي شيٍ ما ينتسوّى
وأقول يا سيد المماليح مسموح

ليتك بزلاتك علي تروّى
يوم ان حبي لك من الروح للروح

إن كان حبل وصالنا ماتقوّى
الله يعين عيون (سامر) على النوح

لا يا بعد من جابواآدم وحوّا
خطاك مهما صار منسي ومدموح

ليتك دخلت بداخل القلب..جوّا
حتى تشوف بعينك الجرح ..وتروح
==================

صبر ايوب
تحملت اكون غلطان.... وانا اللي معاي الحق
تحملت اكون الي ظلم نفسه وهو ساكت

****
تجمل خفوقي حيل تسلح صبر ايوب
على كل ماقد جاك جميل الصبر عذروب

****
انا العمر وانت الوقت على هل الامر مضلوم
جفا العمر والا انت عذاب علي مقسوم

*****
====================
لوعتي فيك
لوعتي فيك لوعه مالها من مثيل
جدد الوقت جرحي بين يوم وليله
اه ياحظ جدلي لو بشي قليل
ماخبرتك كريم مير مافيك حيله
حملي اللي اشيله فوق متني ثقيل
كل ماجيت احطه عارضتني جميله
ليتها عن هوانا تنتحي للبديل
كود حالك حبيبي يمي يطلق سبيله
من غلاك افتخر بك واعمل المستحيل
لو اعاند حياتي خل يعشق خليله
ماعرفت المذله لا ولا انت ذليل
عزت النفس فينا ياحبيبي حصيله
سالت دموع عينك وانا دمعي يسيل
حزني اللي غلبني والليالي طويله
وقتي اللي طلبته من واثره بخيل
شح وقتي ودبر ماعطاني قليله
====================

[الدووووخي]

شاعر كبير ابو نايف مشكووره نوني ’’’’

[الدر المكنون]

قصائد جميله

بجمال حضورك

[الجوووري]

:
.



كل قصيدة اروع من الاخرى



خالد .. كان ومازال يكتب ويتغنى بكلماته بـ احساس


وهذا سر جمالهـا

[ناصر الزعبي]

يعطيك العافية

[!!" الـ غ ـلآ "!!]

مبدع ابو ناايف



تسلمين ياغلآآآآآآتي ..

[أبوســـــاره]

أبو نايف يستاهل وأكثر
مشكوره على القصايد الجميله

[نوني الامير]

أبو نايف متألق وانتم نورتوني

لي عودة بالباقي