ღ مَ ـخِتارُات .. مِنْ قَصآ‘ئَدِ الَشاَعرهِـ / غَ ـيوٍوٍضَ .! ღ

[!!" الـ غ ـلآ "!!]

سـاعـة وداعـك

يـامن وداعه كنّه موادع الروح

لو هو بكيفي عنك ما اروح ساعه

ساعة وداعك دمع الأعيان مسفوح

منك وعليك من المحاجر ضياعـه

الحب يجبر يا حبيبـي على البوح

والشوق يفقد في القلوب المناعه

ألعي كما تلعي الحمامه على الدوح

ولا ألوم قلبٍ ما ضرى بالقطاعـه

سافرت قلبـي بين الأضلاع مجروح

يـا غـاليٍ لرضاه سـمـعٍ وطاعـه

إن غبت انشفت عيوني على النوح

مـن حيث والله ما تحمـل وداعـه







ثـورة الـخـوف

ثـارت علي همـوم نفسـي وهـاجـت

واوجست وسـط القلب خوفٍ بأثر خوف

والأرض غبرا في عيونـي وضـاقـت

معاد أقـدي بالنـظر مـدة الشـوف

كنّـي بطـوفـان والأمـواج مـاجـت

ريحـٍ أواجهّـا .. وريـحٍ بهـا خـوف

ودمـوع عينـي عاسـرتني وراجـت

يـاليتهـا رقّـت لهـالحـال وتـروف

تعثّـرت أقـدام رجلـي وداجـت

واشـوف وجه الجـو عكـرٍ ومكسوف

والـنـفـس للـرحـمـن خـوفٍ تـلاجـت

رغـبه .. ورهـبه .. ساقهـا خـوف وشفـوف






دقـات قلبـي

دقات قلبـي من عناي أعبثت بـي

تـزود بيـن الثانيـه والدقيـقـه

راحت بـي أفكاري بعيدٍ وجت بـي

واهداب عينـي في دموعي غريقـه

أكتب وتقرا ريشة العود كتبـي

شعري سلس ينساب على السليقـه

مشاعري يا شوق يمـّك جرت بـي

من مرهف احساسي بيوتٍ رقيقـه

أحنّ وأشواق الغرام عصفت بـي

وقلبـي فراقك ساعةٍ ما يطيقـه

محبتك يـا روح روحي سطت بـي

والدمع في عيني من أجلك قريقـه






راحـات بـالـي


أنـا عرفـت الحـب يـومٍ عرفتـك

ومن قبل أعرفك والهوى ما صفـا لي

أحلف برب البيت مـاشـفـت مثلك

إنتـه فـريد النـوع بـأول وتالـي

ما ينحسب عمري ومافـات قبلك

وكل الدقايق ضايعه في خيالـي

ومن يوم ضحكت لي أسارير وجهك

استبشرت دنيـاي يـا راس مالـي

أكتب حروف الحب يـا شوق لجلك

والله مـا غيرك على القلب غالـي

يـا غالي قلبـي يـحـنّ وقرب لك

وقربك هوى قلبـي وراحات بالـي





ياحبني لك

ياحبني لك دون المخاليق
ياللي تساوي كل شيء بحياتي

لا شفت زولك ينجلي عني الضيق
وان غبت عن عيني تزيد عبراتي

دايم عيوني من فراقك غواريق
وطلعتك ترسم بسمتي في شفاتي

الحب مفتاح القفول المغاليق
وحبك دواي وفرحتي يا غناتي

اغليك والي بل اشافيك بالريق
يا منوتي دايم محقق مناتي

اغلاك ساقة رامعي في المعاليق
ولولاه عيني ماتعدت وطاتي





غـــيـــوض

[~أصداف~]

.
.



غيّــــوض



أميرة للأبداع ..


.
.


أنتقاااء مميز ..


دائماً مبدعه ..


.
.


لكِ ودّي ..

[الدر المكنون]

جميل هو اختيارك



شكرا لك

[!!" الـ غ ـلآ "!!]

ياهلا وغلا


امونتي


تسلمين قلبي


لا عدمتك ..

[!!" الـ غ ـلآ "!!]

ياهلا بك


الدر المكنون


لا عدمتك قلبي

[الجوووري]

غيوض..

شاعره .. مبدعه وراائعه


صح السانها
وشكراً للاختيار الراائع غاليتي.

[!!" الـ غ ـلآ "!!]

:
.


ياهلا بك

الجووري

تسلمين غلاتي

لا عدمتك