أنا طفولتي هاديه نوعا ما ,,, وما تخلى من المغامرات ومنها.....~
امي كانت دايم توصيني في بداية دراستي في المرحله الابتدائيه الاولى وتقول ان البنت الشاطره تقعد قدام والبنت الكسلانه تقعد ورى>>طبعا افهم من الكلام اني لازم اقعد الاولى عشان اصير ممتازه....~ ودخلت المعلومه براسي 
وأول يوم قبل لا اطلع للسياره وتوصيني امي وتقولي لا تنسين اقعدي أول وحده ورحت للمدرسه وكلامها يرن في اذني
قالولنا المدرسات يلا يا بنات بسرعه روحوا على فصولكم ...~ ورحت اركض اركض بسرعه واقعد أول وحده ومن زود الحرص جبت معي حبل في الشنطه واربط الكرسي بالطاوله واقعد مبسوطه ومرتاحه إني نفذت وصيت أمي...~ وشوي وتجي مدرسه وتوقف على الباب وتقول
يلا يا بنات كل وحده تاخذ كرسيها ,وتروح على الفصل اللي جنبكم وكانت الصاعقه...~ويروحون بنات الفصل كلهم وانا قاعده افكك العقد والتربيط اللي سويته >>> من يومي وأنا سنعه
وجتني المدرسه وقالتلي وش قاعده تسوين قلت افك الحبل وقعدت تضحك وساعدتني ورحت للفصل وياليتني مارحت
وشفت المنظر اللي ما كنت ابي اشوفه مافي الا مكان واحد وورىودخلت الفصل مطأطأه رأسي ودموعي على خدي والحبل في يدي
وقعدت في الاخير ورجعت للبيت وانا اجر حبال الخيبه ورائي
وأفكر وش اقول لامي >>>وحده باااااااره من صغرها
هذي احدى مغامراتي ومبين بسم الله علي >>>الذكاء الخارق>>>هع
المواضيع المتشابهه
العرض العادي
