المرور ممنوع المرور

[مابه جديد]

أنا بس أبي أعلق على نقطة أنهم يمشون اللي يعرفونه وغيره ينشبوله .. أخبر قد مرة وأنا مار على 25 إلا في واحد قاعد يفحط عند صيدلية الدواء اللي بأول الشارع وأشوف دورية جاية منطلقة من بعييييييد ويكبس للي يفحط .. أنا إنبسطت بحكم أن التفحيط يرفع ضغطي

طبعا هج اللي يفحط يوم تقرب الدورية طلع هالتكبس والبواري قاعدين يحييون فيها اللي يفحط لانه خويهم !!!!!!!!!!!

من وقتها وأنا دايم أقول أن رايي بغض النظر هو صح ولا لأ .. بس المفروض وظايف وزارة الداخلية تفصل الموظف عن مدينته ومعارفه عشان يتم التعامل بسواسية وأمن الدولة وثقافة شعبها يتمون بخير


يعطيك العافية عالموضوع المهم وأتمنى كل موظف بشي يخص الداخلية لا شاف هالموضوع يفكر فيه شوي بس !

[BoxeR]

الاخ // راضي الشمري ..:
هل استفسرت او سألت اي شخص في المرور عن صحة المخالفة ... هل الدوران المتكرر مخالفه ..؟؟
اذا لم يكن في سوق مثلا نسائي ... ام انها مخالفة مستقصدة فقط ..؟؟ واذا تأكدت انها مستقصدة . لك الحق ان تشتكي .
ويقال ان هناك رقم للشكاوي على اي موظف بالداخليه (( عسكري )) يخطئ في حق مواطن ..
والرقم هو حسب معلوماتي .. 991
تحياتي

[راعي المدينه]

اقتباس المشاركة الأصلية كتبت بواسطة سهم المنايا الله يعينك ياراضي لكن ياراعي المدينة ألم أقل لك بأنك تتلقط السلبيات بالموضوع وتسيغها كما تحلوا لك ... كيف خان الأمانة ؟؟؟؟ اليست المخالفة من الأساس ظلم .... اليس من خان الأمانة رجل المرور فالبداية... عندما ظلم الأخ راضي بأعطائة مخالفة ,,,, الا تميز بين الحق والباطل .... دائما ردودك ياراعي المدينة لا تهدف الى شي وشكرا لك

وش دراك انها ظلم ؟ ليش ما يكون رجل المررو على حق؟ انت استمعت لطرف واحد وهو الأخ راضي فقط ولم تسمع وجهة النظر الأخرى؟
اما يخص صديقه الذي شطب المخالفه فهل سيصدق كل مظلوم ويشطب مخالفته ؟ ام يكتفي بالمعارف ؟ وهل ما قام به من ضمن صلاحياته ؟؟!!!
اتركنا من الإنجراف وراء العاطفه؟ اما اتهامك لى بأنني لا اميز بين الحق والباطل ..فجزاك الله خير ..اما قولك ان ردودي لا تهدف لشيء ..هذا حكم واحد من القراء احترم وجهة نظرك ...

ساااااااااااامحونا

[فهدالخرس]

الاخ / راضي الشمري ..

مساك الله بالخير والراضا ..

كلامك صحيح 100% وانا تقريبا يوميا امر على شارع 25 واشوف الدوريات واقفين يسولوفون ..

واهل الدداسن والجيوب الي مركبين اصوات يمرون ولا عليهم اي شي ..

لا وياخذ الشارع طول بعرض ولا احد يكلمه ..

وانا ابي اسال هل الصوت العالي للسياره عليه مخالفه او حجز ؟؟

لاني قبل كم سنه رحت للبر على سيارتي وضربت لي حفره وانشق الشكمان وطلع له صوت عالي ..

ويومها ما رجعت للبيت الا متاخر ..

وثاني يوم رحت للصناعيه ابصلحه وانا بطريقي وقفني راعي دوريه ..

وطلب اثباتي وقعد يقول ليش سيارتك صوتها عالي تراك ازعجت الناس ؟؟

قعدت اظحك ..

وقلت له انا رايح اصلحه واذا مانت مصدقني الحقني للورشه وشوف ..

وفعلا لحقني ويوم وقفت عند الورشه مشى ..

والحين هذولا الي مركبين اصوات ويدورون بالاحياء السكنيه وما احد يكلمهم ؟؟

ليش ؟؟


ابغا جواااااااااب ..


سامحوني ع الاطاله ..


اخوووكم ..

((الخرس))..

[اتحادي]

اخوي ترى بعد صارت معي وتهاوشت معهم ودوني المركز واشتكيتهم لاداراة الرياض ولا شفنا شي تغير