مدينه الخفجى الترفيهيه؟؟هههههههه

[طرثوث]

وش راي الاخ الحبيب شذى العبير نوأد بناتنا ونذبحهم ونخلص من همهم ؟؟؟ ليش يا حبيبي ... ليش با قلبي ... يعني ما يكفي بناتنا مدارس عباره عن مستودعات وكونتينرات وحاويات ... ما يكفيهم كليه زباله ... ما يكفيهم حبس بهالبيوت ... ما عندهم الا هالمتنفس الوحيد يلتقون بصديقاتهم ... وتضخيم الامور ترى يجر مصايب اكبر ... لا مسترجلات ولا هم يحزنون ووحدوا الله ................. والله يصلح بنات المسلمين .

[تفاحة القلب]

السلام عليكم
انا من البنات الي دايم اروح المنتزه
والله بصراحه اني احمد ربي وابوس يدي
وجه وقفى على انو صار في مكان في الخفجي
اجتمع فيه مع صديقاتي
والله العضيم اني اتفق مع صديقاتي
ونطلع وانواااع الفله ولاعمر وحده منا
لبست لبس مو محترم ولاسوينا شي غلط
لان المحترم محترم ومافي داعي اقعد
اطالع فلانه وش مسويه ولا علانه وش لابسه
لاني ماراح اغير العالم انا
لاوالله انا طالعه استانس واوسع صدري
وكل يوم قاعده تتطور اخر مره رحت فتحت محلات
وركبو العاب جديده وخطوة الالف ميل تبدأ بخطوه

على العموم انا ما اقول انها الحكير ولا البراجون
بس والله على الاقل في النهاية
مكان اقابل فيه صديقاااتي
وفي النهاااية بعد احنا في الخفجي
يعني مدوو رجولكم على قد لحاااافكم

شااااكرة روووعة الطرح

[سمح المحيا]

اقتباس المشاركة الأصلية كتبت بواسطة تفاحة القلب السلام عليكم انا من البنات الي دايم اروح المنتزه والله بصراحه اني احمد ربي وابوس يدي وجه وقفى على انو صار في مكان في الخفجي اجتمع فيه مع صديقاتي والله العضيم اني اتفق مع صديقاتي ونطلع وانواااع الفله ولاعمر وحده منا لبست لبس مو محترم ولاسوينا شي غلط لان المحترم محترم ومافي داعي اقعد اطالع فلانه وش مسويه ولا علانه وش لابسه لاني ماراح اغير العالم انا لاوالله انا طالعه استانس واوسع صدري وكل يوم قاعده تتطور اخر مره رحت فتحت محلات وركبو العاب جديده وخطوة الالف ميل تبدأ بخطوه على العموم انا ما اقول انها الحكير ولا البراجون بس والله على الاقل في النهاية مكان اقابل فيه صديقاااتي وفي النهاااية بعد احنا في الخفجي يعني مدوو رجولكم على قد لحاااافكم شااااكرة روووعة الطرح

احياك يا تفاحه القلب على هالكلام..

ويا ليت بعض الناس يسوي مثلك..


يخلي الترفيه مكان للاجتماع مع صديقاته..

ويطلعون من جو البيت وجو المدرسه او الكليه..

وما يتعب نفسه ولسانه بالحش في هاذي ولا في هاذي..

[شذى العبير]

اقتباس المشاركة الأصلية كتبت بواسطة طرثوث وش راي الاخ الحبيب شذى العبير نوأد بناتنا ونذبحهم ونخلص من همهم ؟؟؟ ليش يا حبيبي ... ليش با قلبي ... يعني ما يكفي بناتنا مدارس عباره عن مستودعات وكونتينرات وحاويات ... ما يكفيهم كليه زباله ... ما يكفيهم حبس بهالبيوت ... ما عندهم الا هالمتنفس الوحيد يلتقون بصديقاتهم ... وتضخيم الامور ترى يجر مصايب اكبر ... لا مسترجلات ولا هم يحزنون ووحدوا الله ................. والله يصلح بنات المسلمين .

انا موب ولد بعدين انا بنت ودايم اتمشى مع ابوي الله يخليه لي يارب وماقصر معي والله واخواني والله يمشوني والله بدون ماروح لهلمتنزه
ويا الله لك الحمد والشكر


وش فيكم قلبتو علي خلاص مراح اتناقش معكم قطو بناتكم بالي تبون ولا تنسون تمكيجونهم وتكشخونهم عشان اذا انتشرت صورهم بالنت صارو حلوات ويقولون لكم الناس اهب يذا الوجيه هذي بنت فلان وش ذا الجمال لووووووووول لالا خلاص انسوني وطلعوني من السالفه انسحب ...

[طرثوث]

خلاص يا بنيتي يا شذى خلاص لا تزعلين ... حقك علينا .

[سمح المحيا]

اقتباس وش فيكم قلبتو علي خلاص مراح اتناقش معكم قطو بناتكم بالي تبون ولا تنسون تمكيجونهم وتكشخونهم عشان اذا انتشرت صورهم بالنت صارو حلوات ويقولون لكم الناس اهب يذا الوجيه هذي بنت فلان وش ذا الجمال :d لووووووووول لالا خلاص انسوني وطلعوني من السالفه انسحب ...

اختي شذى حنا ما نتكلم عن البنات وعن مكياجهم

هالامور اللي داخل البيت حنا مالنا شغل فيها..

كل شخص حر بتصرفاته بس بحدود المعقول..

حنا نتكلم عن المدينه الالعاب وعن طرق تطويرها..

[مرعيد]

يا جماعة كم مرة قلنالكم الحبيب طرثوووووووووووووث خلوه لقسم اللطميات فقط.
خل العالم تتنفس ياخي , عطهم فرصة , ليش ماتتقبل الرأي الآخر
متى تتعلم!!!!!!!!!!!

[طرثوث]

مبروم على مبروووووووم يا سي مرعيد أفندي !!!!!

[ضرمان العجمي]

الحمدلله وحده والصلاة والسلام على من لانبي بعده وبعد
ياجماعة نحن بمنتدى الرائدية ولسنا ببرنامج الأتجاه المعاكس 000 أرى إن الموضوع حصل فيه توتر بالأعصاب 000 ترى عصير الليمون يهدي الأعصاب ويعدل المزاج 000 وبعدين ليه 000 ليه 000 عفوا 000 لماذا خرجنا عن صلب الموضوع إلى مواضيع أخرى جانبية غير مهمة وتصفية حسابات بين السيد المبدع دائما طرثوث وبقية الزملاء 000 ياإخواني وأخواتي الموضوع الرئيسي هو المدينة الترفيهية وسلبياتها؟ وهنا 000 هنا مربط الفرس 000 أود التركيز من الجميع والإجابة على هاذين السؤالين وسنصل لنتيجة إيجابية بإذن الله :
السؤال الأول: عدد أو عددي إيجابيات المدينة الترفيهية بالخفجي؟ بكل أمانة وحيادية ومصداقية !!!!
السؤال الثاني: لو تغيرت إدارة المدينة أو بالأصح لوتغير مالك المدينة؟ ماذا تتوقع أن يحدث من جديد؟
إخواني وأخواتي أرجو المشاركة من الجميع والإجابة بكل أمانة لأن هذه الإجابة سوف تضع نقاطا كثيرة على الحروف وستساهم بالحل بتوفيق الله تبارك وتعالى وأشكر الجميع مقدما على تعاونهم المسبق والمتوقع000 محبكم00

[مراقب الخفجي]

ماأقول اله حسبي الله ونعم الوكيل حرام عليكم ،،،، من المفروض أن يكون في الخفجي اكبر مدينه ترفهية ومجمعات تجارية لانه منطقة سياحية وين المسؤلين وين تجار الخفجي ،،،،،،،
حسبي الله ونعم الوكيل .. منطقة سياحيه مافيه ولامجمع وش رأيكم مهو ضلم لاهالي الخفجي ،،،،،،،،،،،،،