جوازات الخفجي والتأخير

[عافك الخاطررررر]

بصراحه جوازات الخفجي بعض المرات تجيب المرض ليش مادري
وبعدين فيه شغله من غير الكباين الثمانيه العالم اذا تعدت الكباين الثمانيه شوف الزحمه وتطبيق الحريم والطريييييييييق ضيق مو مثل جوازات الكويت كان كل واحد له شارع وكبينه هههههههههههههه
ليش مايوسعون الطريق مثل جوازات الكويت
بس باقي ماطلعت حرتي بهم ههههههههههههههه
وكل مااجي الواحد نفسه براس خشمه طبعا بعضهم مو كلهم تلقاه معصب وماله خلق لاحد وشوي ويطفي اللمبه الخضرا ويطلع من الكبينه وشطف الناس وولع الكبينه اللي بجنبوه اكيد راح تقولون غريبه بس انه صارت قدام والعالم ركض على الكبينه الثانيه
شكرا على الموضوع وماقصرت

[ابوياسرالدحيلان]

[align=center]لاتعليق
لاتعليق[/align]

[naif alsahli]

انا أشوف والله العكس ... انا يوميا اروح للكويت تقريبا ... والتأخير دائما في الكويت .. والسبب قله في الموظفين سوا كانوا في الدخول او الخروج من والى المركز الكويتي فقط أما المركز السعودي ولله الحمد فيه تغيير كبير وتحسن ملحووووظ
تحياتي

[mo7mmd]

[align=center]
الجوازات السعودية
بأيام العساف كان هناك انضباطية بين الموظفين
اما الآن هناك تساهل ، وتشوفهم متجمعين بالكبينه ومايفتحون الا غرفة واحده ومرات شباك واحد فقط ( لا أتكلم بيوم الزحمه ، كالعطل السابقه )
اللي يروح الصباح يشوف قلة الحياء من الموظفين بخصوص المدرسات السعوديات ........الله يكون بعونهن


الجوازات الكويتية
الخصها بأنها جوازات اذا اشتهيت اخلص العالم بدقيقه ( خلصتهم )
كمبيوترات وسيرفرات بطيئة جداً ودائما تعلق



الله يكون بعون الجميع
[/align]

[الواصل2000]

بسم الله الرحمن الرحيم

الحق يقال بشهادة زملاء كويتيين يعملو في ارامكو لا عمال الخليج

معاملة الجوازات السعودية افضل مليون مرة من جوازات الكويت

ظلم الناس حرام هذي شهادة نعتز فيها

و الله مالي و لا قريب يعمل بجوازات الخفجي بس الحق يقال

انا ممن يذهب للكويت ما عمري تاخرت بجوازاتنا اتاخر بجوازات الكويت صح

[دانة الغيد]

تتكلم عن جوازات الخفجي بس..
يا اخي كل منافذ السعوديه قمه في البطئ والبدائيه رح شف منفذ الرقعي .. وصاخه وهمجيه غير التعامل المتعجرف كنك تشحذهم من حلالهم والبطئ الشديد والكباين المسكره .. والي تطبق وحده وماتعرف تفك الخط..وتكرمون الحمامات تدوخ من وصاختها ومدخل التطبيق ماتشوفه من كثر الكتابات الي على الجدران..
اما منفذ الكويت استقبال مريح وسرعه بالتخليص ومكانهم نظيف..
يكفي انه العاملات لابسات زي العمل الرسمي مو وحده طااااقه المكياج وعلك وشكبره وولدها بحظنها وتلفزيونها وراها يشوش وتقعد سنه تتهجى الاسم.

الله المستعان بس..

[أبوماجد]

[align=center]بصراحه مو كل الموظفين

هناك نوعيه منهم تعطل العالم

ونقطه وحيده دايم اشوفها في كباين الدخول والخروج للجوازات

تلاقيهم متجمعين في كبينه ودق حنك وقهوه وتبادل بلوتوث وضحك

تقول قاعدين في ديوانيه مو في عمل والعالم مطوبره على كبينه وحده بس

ليه التكاسل هذا .... لكن مانقول الا الله يصلح الحال

تقبل مروري [/align]

[كدوش]

بنت الخفجي.. بس ابي اقوولك كلمه انتي رحتي خميس وجمعه.. ولا لاتروحين بعيد تعالي الجمعه هذي شوفي الزحمه علا اصولها >>فبراير>> انتي اذا رحتي لاحضي علاجوازات السعوديه والكويت راح تلقين الفرق... تحياتي

[ولد الولد]

للاسف أحنا العرب تحكمنا المزاجيه وليس الاخلاص بالعمل وحب العمل

يعني الموظف يشتغل على حسب المزاج والمسؤلين في مكاتبهم

لا يوجود متابعه للعمل ولا للموظفين ....

والصراحه الظباط اللي في المنفذ كلهم بدون استثناء متقاعسين في

اداء عملهم .. مخيمين في مكاتبهم .. الواجب يطلع ويراقب وياخذ لفه

في الساحه أحسن له من الجلسه طول اليوم في المكتب

ياجماعه تطورو تكفون يجي الضابط جديد ومايغير شي,, يا اخي انت

مسؤل اعمل شي ينفع الناس وينفعك بدل مو قاعدين بس تنافخون

وتفردون عضلاتكم وتتلفظو بألفاظ غير لائقه على بعض المسافرين العرب

اللهم ولي على المسلمين خيارهم وأصرف عنهم شرارهم

[ابو فهد 77]

الحقيقه والحق يقال التاخير من تسجيل الجمارك وليس من الجوازات

لان الجمارك يداوم موظف واحد فقط بكبينه واحده حتى بالايام التي

فيها زحمه وكان كامرات المدير لاترصد هذا الامر . علما والحق يقال

بانه من افضل المدراء الذين مروا بالجمارك