مجلس ابوسلطان

[ابو سلطان]

السلام عليكم ورحمة الله وبركاته

كنت احب الشباتي وبالذات علي الفطور

واحب اغمس الشباتي في كوب الشاهي والحليب واكله بشراها

ويازين شباتي مطعم اسمه سبحان الله

وكافتيريا حنان

قمه في المذاق

بس البنغاليه اللي بكافتريا حنان خربوها بالحيل من بعد سالفة العجين

[ابو سلطان]

السلام عليكم ورحمة الله وبركاته

اتذكر عند تغير كفرات السيارة كنا نوديها للبنشرجي وكان يحط عتلة داخل الكفر وعتله من الجهة الثانيه ومعاة مطرقه كبيرة وكان يطق العتله ليما يخرج الكفر

وبعدين تطورت الحاله وجابوا مكينة تغير الكفرات اللي اعجبني دوران الكفر ونزع التاير من الجنط بدون عناء

[ابو سلطان]

السلام عليكم ورحمة الله وبركاته

وقت الاعراس ماكان فية صالات

كان عبارة عن خيمه صغيره وزوالي نفرشها بالشارع

وهذه الزوالي متسلفينها من الجيران والاباريق من فلان والقدور من علان

وبعد الزواج نقوم باعادة الاغراض والزوالي الي اصحابها

وكان عندنا اشهر طباخ وهو من اهل الحجاز وكانوا يسمونه ابوسعود

وكان يعجبني اضاءة اللمبات الحمراء والزرقاء والصفراء الكثيره اللي تغطي الحفل دير مادار

[ابو سلطان]

السلام عليكم ورحمة الله وبركاته

اتذكر اول متوسط لاني بديت اتعلم انقليزي وكان استاذي هو الاستاذ ابراهيم تهتموني حفظه الله

وبدء معانا بالحروف الانقليزيه وايام الاسبوع والارقام

والحمد لله كان التاسيس متين وقوي

الله يحفظك ياستاذي ابومحمد

[ابو سلطان]

السلام عليكم ورحمة الله وبركاته

اول فاكهه اكلتها واتذكرها هي الرمان

مدري ليش حبيت اكلها وبعدين صار الامر عادي

لكن فاكهتي المفضله هي حبحب الوادي والكمثرى وبرشومي الطائف ومشمش الشام

والحمد لله علي النعمه مااحب اكل الكيوي والخوخ والخربز

[ابو سلطان]

السلام عليكم ورحمة الله وبركاته

تصدقون ان الخفجي موقعها فريد

ليش لان فيها البر والبحر

ان بغيت البحر فشواطي الخفجي انظف شواطي طبيعيه علي الخليج العربي وايضا غير مزدحم وفي بعض الاماكن لايوجد احد سواك يعني تاخذ راحتك علشان تستمتع بالبحر

هذا بالصيف

اما بالشتاء والربيع فبر الخفجي من احسن الاماكن اللي بالمنطقه لانه سهل ومنبسط ونظيف وخصوصا اذا تعمقت جهة غرب الخفجي

[ابو سلطان]

السلام عليكم ورحمة الله وبركاته

والله العظيم يالربع اني اجد شعور غريب ولذة فريده وغريبه وعجيبه لما اكون في صحن الحرم بجوار الكعبه المشرفه

لا ادري لماذا

انا ادخل مكه والامر عادي واصل للساحات الخارجيه والامر عادي وادخل الحرم والامر عادي
بس لما تطاء قدمي الصحن الابيض اللي حول الكعبه واري الكعبه فاني احس بامان ولذه وراحة بال عجيبه غريبه

[ابو سلطان]

السلام عليكم ورحمة الله وبركاته

تصدقون اني اعشق الماء واحافظ عليه ولا احب ان ابذره لانه نعمة لاتقدر بثمن

اتخيل العالم بدون ماء او لولا التحليه وش بتسوي الناس

لا ابار ماء ونهر جاري ولاعيون ولابحيرات عذبه عندنا ولا امطار غزيره

الله راحمنا بماء التحليه

انا استغني عن اي شي مثل الكهرباء والسيارة والجوال والانترنت بس الماء لا ثم لا ثم لا اقدر استغني عنه لحظه واحده

والله اني انقهر لما شوف الناس تبذر بالماء وتهدره بالشوارع ولايحافظون عليه ولايقدرون قيمته

لان الماء كل شي

والحمد لله علي نعمة الماء

[ابو سلطان]

السلام عليكم ورحمة الله وبركاته

اتذكر اني صمت رمضان اول مره وانا عمري عشر سنوات

كان رمضان يجينا بالصيف

كنت احب السمبوسه والشوربه والتطلي واللقيمات واحب اشرب ماء كثير

واحب الفيمتو

كنا بعد صلاة التراويح اتجمع انا وعيال الحارة ونلعب العابنا الشعبيه حتي منتصف الليل وبعدين اروح للبيت واكل بقايا الفطور

وكنا بعد صلاة الفجر نلعب كرة طائره حتي الصباح وبعدها اروح للبيت

[ابو سلطان]

السلام عليكم ورحمة الله وبركاته

يوم كنا صغار كان ولد جيرانا يربي حمام ويستانس عليه

وكان يشرح لنا عن انواع الحمام

ويقول هذا حمام قلابي وهذا حمام حساوي وهذا حمام بصراوي

علي العموم انا ماكنت احب الحمام ولازلت اكرة الحمام

وبالذات لما يربي الواحد الحمام بوسط الحارة

لان الحمام يوسخ المكان اللي يسكن فيه