أقسَى المِشَآعِر إذآ حسيّتْ " بالوُحدَه "والنآس وآجِدّ ولگِنْ وَحدِگّ [ تعَآنِيّ ] ..

[نور الإسلام]

صباح الخير


لكل من زار مدونتي







بالعافية

[نور الإسلام]

والله يا الربع

إني كل ما أكتب كمالة القصة


يا إما يجيني شغل و أطلع من المنتدى

ولا تكون نفسيتي مو ذاك الزود


فعشان كذا ما كتبت القصة


لكن إن شاء الله الفجر إذا روقت أبشروا

[نور الإسلام]

تصبحون ع خير حبايبي

[نور الإسلام]

السلام عليكم ورحمة الله وبركاته



مساء الخيرات حبايبي

والله مشتاق لكم

معليش ع التأخير في إكمال القصة


لأن النت إنقطع عندنا له إسبوع

تشوفون المنتدى مظلم من دوني

و أنا الحين شابك من كافيه

وأبي أطلع شوي


لكن أبشروا أبي أنشب لكم إذا جا أخوي من الربع الخالي


لأنه يدرس هناك إذا جا أبشروا بعزكم


أختنا /

شمس الوله

أشكرك ع حسن كلامك وذوقك العالي

[نور الإسلام]

تصبحون ع خير حبايبي

[نور الإسلام]

يوووووووووووووووووووو



يا قدم مدونتي


مغبرررررره

يبيلي وقت أنظف فيها >> امقس




يوم الخميس جا نسيبي من الرياض


وجاب معه لبن غنم ( صبوح ) مثل ما يقول ابوي



خلصته عليهم

كل شوي و أنا مدخل راسي بالثلاجة

خخخخخخخخخخخ

[نور الإسلام]

السلام عليكم ورحمة الله وبركاته



اسمعوا زواري


أنا الحين دااااااااااااايخ أبي أنام


تخبرون توني جاي وسوالف مع أمي

و أخوي جاي من الإمارات وأصفق بنته

الوكاد راسي بينفجر

أبي أناااااااااااااااااااااااااااااااااااااااااام

بكره إن شاء الله

أقولكم تفاصيل رحلتي السعيدة


يالله حبايبي كل واحد يفرش أسنانه

وينخمد وينام

وراكم صلاة فجر

[نور الإسلام]

السلام عليكم ورحمة الله وبركاته


مساء الخيرات ...... //

حبايبي .. رحلتي إلى الحج .. كالتالي :

صراحة ما كنت ناوي أحج السنة هذي .. !!!

بس قالي واحد من أخوياي فيه حملة طالعة من القصيم ..

ببلاش حملة شبابية .. للي ما أسقط فرضه << يعني (( ما حج ))

حمسني وقال أبشر بالخير ورفع فيني ..

رجعت البيت

طبعاً الكلام هذا كنا بالمخيم ..

وأقول لأمي

بس ما كانت متحمسه أمي ..

وما تبيني أروح تقول : تعب يا وليدي .. وزحمه ...

خلها بعدين ..

يا لبى قلبها خايفه علي

حاولت حاولت فيها أترجاها يمكن اسبوع ..

آخر شي قالت العلم الوكاد عند أبوك أنا ما بيدي شي ..

بعد الغدا لقيت أمي و أخوي الكبير جالسين بالمجلس يشربون شاي

قلت الموضوع لهم و آخر شي قلت لأخوي الكبير :

أبيك اتوسط لي عند أبوي .... !!!!

قال اسمع السنة الجاية أبي أحج أنا و أمي وزوجتي ...

حج معنا السنة الجاية ...

قلت يا بعد قلبي أنا ما صدقت إنها تيسرت لي

قام يراوغ وعنفص معي ...

موعدك بالمستشفى وبعض مراجعاتك لازم نسويها بالعطله ..

قلت تبى تزين الأمور ...

الوكاد يأست منه ...

و أكلم أبوي بنفسي ....

طبعاً أبوي بالبر ما يجي إلا يوم بالشهر ياخذ الراتب من الكويت ويرجع للبر

عاد غير الجيات الإستثنائية ... !!!

ظبطت لي كلام ودعيت الله سبحانه وتعالى قبل كل شي

والحمد لله قالي خلاص ما تشوف شر روح عادي

يوم قالها والله كأني مبشر بالجنة

وأكلم خويي قال : الكرسي راح عليك

بغيت أسطره يوم قالي كذا

الوكاد اقتنعت ...

طبعاً قبل قالت لي اختي الله يوفقها :

أحمد << اللي هو زوجها (( نسيبي ))

يبي يحج هو وصالح وناصر ومبارك

صالح / ولد عمتي .

ناصر / من جماعتنا .

مبارك / ولد عمي .

طبعاً كلهم من الكويت ... // ....

قلت لها يا ...... هذولي كبار وماهم بحولي بالعمر

وما بيني وبينهم ميانة ....

وحملتي فيها أخويايي وناس أعرفهم

الوكاد راحت علمت زوجها من وراي ...

ودق علي نسيبي وقالي اسمع يا أبو عابد

السيارة مو سيارتي سيارة ناصر

أبشوفهم و أرد لك خبر

قلت خلاص ما في مشكله .....


طبعاً كل هذا و أنا ما ودي أروح ....

واتصل علي الخميس وقال خلاص الجمعة نبي نمشي

والله يا طوال الأعمار و تجهز شنطتي أمي فديتها .....

جا الجمعة بعد المغرب جا نسيبي نزل اختي

وراح لمحل الجوالات

صليت العشاء بجامع ضرمان العجمي عند الشيخ // سعود جمعان .

و رجعت بسرررعة

إلا ينتظروني بالمجلس

والله وأقهويهم و أخبار علوم

بعدين مشينا الساعة 8 بالليل

ع جيب باترول (( نيسان ))

وكان ضيق شوي و أرقد ع طوووول طبعاً أنا دجاجة بالسفر ع طوووووول أنام أول ما أركب السيارة

ما قمت إلا الساعة 12 ونص بالليل وكنا بمحطة ما أدري وينها

وننزل الأغراض اللي بالمرتبة الأخيرة

وحطيناها فوق السلة و أسحبها نووووووومة ورا لحالي متوسع

ما قمت إلا الفجر قديديم الطايف بــ 200 كلم

وندخل الطايف الساعة 7 الصباح

وندور شقة ما لقينا بعد ما حوسنا لقينا شقة أول ما دخلناها أذن الظهر

وصلينا وأحلا نوووووووووووووومة ع السرير للحالي

عاد أكمل لكم باقي الفلم بكره


لأني ودي أحوس بالمنتدى

[نور الإسلام]

شباب ... **

ما ودي أطول عليكم


بس أبي أقولكم أول ما دخلنا عرفة

طبعاً حنا عنوان حملتنا (( حملة أبو صلوح ، ترد الروح ))

لأن أمير الرحلة هو صالح

دخلنا قطوع ومن بين الجبال

لقينا صاحب السمو الأمير / خالد الفيصل حفظه الله


مسكر كل المداخل

بعقوم وصبات

والشرطة ما لين المكان

الوكاد صفطنا وسوينا قهوتنا وشاهينا

يوم جت الساعة 10،30 دخلنا عرفة مشي ع الأقدام

دخلنا عرفة ومشينا مشي ما قد مشيته في حياتي

بس سبحان الله صدق اللي يقول التعب منسي

بنص عرفة لقينا شبك والحجاج زحمة عنده

أثراهم شاقين الشبك وينقزون من عنده عشان بيروحون لجبل الرحمة

ونقزنا معه

ومشينا مشوار ثم يوم وصلنا عند الجبل تقسمنا

أنا و أحمد (( نسيبي )) ومبارك مع بعض ، وصالح وناصر مع بعض

جينا نبي نركب الجبل

فتش مبارك حزامه يبي يطلع جواله Nأو E72 فتش حزامه ما لقا الجوال

ثم الذكي وش قال

أبي أروح أدور جوالي يمكن ألقاه

نقوله يا مبارك منت بلاقيه

الجوال راح خلاص انساه ادع ربك يا مسلم

تنح شوي مبارك قال خلاص أبي أروح لحالي

هو تعبان إذا ضربته الشمس يغمى عليه كان ضارب كيماوي قبل

الوكاد قال أحمد نبي نروح معك

ونزلنا من الجبل

بغيت أطيح أنا لولا الله ثم نسيبي كان ما لقيتوني أكتب الحين

مسكني مع يدي وزلقت مره ثانية

بالعلة نزلنا

الوكاد

زحمة بالعله طلعنا من بينهم وقمنا ندور مكانا اللي جينا معه

فرينا عرفة فر

ما لقينا شي

وحنا ماشين دعس أحمد ع فرشة واحد من تركيا

وكان التركي يصلي ويقطع صلاته ويركض ويضرب أحمد مع كتفه ضربه قوية

أنا انصدمت توقعت أحمد يصفقه

لأن أحمد يلعب كرتيل

وقام يصيح التركي ويقول الفرشة الفرشة ويأشر معصب

بغا يصفقه أحمد بس مسك نفسه ومشا

الوكاد أنا كنت وراه بمسافة ومريت من قدام التركي ويقزني يبيني أدعس الفرشة عشان بيصفقني

ويوم تعديته كمل صلاته

قلت خووووووش صلاة

الحين أحمد قفلت معه ونفس


ثم رجعنا للجبل

جحدنا جوال مبارك

وزادت الزحمه ع الجبل

وجلسنا بالشمس ندعي بس والله ما عطوني جوي

شمس وحر وعطش وجوعااااااان و أنا أدعي وجنبي مبارك وأحمد

ورشاشات الماي تنقط ع ظهري

الماي باااااااارد

وقام أحمد وغطانا بحرامه

هو رجال كبير وحنا أصغر منه

استحينا منه وقلنا اجلس يا أحمد قال لا أبي اظللكم

بالعلة جلس بعد محاولات

قلنا نبي ندور مكان ثاني

وفرينا عرفة فر

جلينا بين باصين بالظل

طبعاً بلغنا من التعب مبلغه

وعطينا أحمد فلوس وراح جاب لنا 3 عصير منجا و3 ماي


شربناها

ومن بعدها تشاورنا قلنا نبي نروح عند باب عرفة عشان ننفر أول الناس

قلنا OK ومشينا من آخر عرفة

متجهين عند مخيم لأتراك

و ضيعنا المخيم

طبعاً الوقت هذا بعد العصر مباشرة

سأل أحمد شرطي قال وين مخيم الأتراك ....؟؟


قال الشرطي : تمشي طوالي تلقا تركيا كووووووووولها ع يدك اليمين

قال أحمد يعطيك العافية

بعدين ناداه الشرطي قال أنت تركي ؟؟

ولد عمي أحمد كأنه ماليزي ولابس طاقية ماليزيين

قال لا مو تركي

قال طيب ليه تسأل ويأشر علي قال لا بس التركي هذاك ضايع ونبي نوديه لمخيمهم

قال الشرطي ايه يا بويا قول كذا

أنا اللي يشوفنيكأني تركي

عيوني خضر و أشقر

ووقتها كنت محتر ووجهي محمر

رحنا لمخيم الأتراك وجلسنا عند البوابة

وجانا صالح وناصر

وقتها كنت أبي دورة المياه أجلكم الله


جيت عند السكرتي اللي عند باب مخيم الأتراك قلت ما عليك أمر أبي دورة المياه قال خلاص ودخلني

يوم جيت أبي أطلع

لقيت كل الأتراك متجمعين عند الباب يبون يطلعون

أمشي من بينهم يحسبوني تركي

يكلموني تركي و أنا ما أدري وش يقولون

سويت نفسي أطرم

يوم وصلت عند الباب وجيت أبي أطلع


يرجعوني قصدهم ما جا وقت المغرب

والباص ما جا

ما رديت عليهم

جيت عند السكرتي إلا مو اللي دخلني واحد ثاني

قلت افتح الباب أبي أطلع


قال تو للحين باصكم ما جا قلت أنا مو من المخيم ماني تركي

قال أنت منت تركي !!!!!!!!!!؟؟

متعجب ومستغرب


قلت ايه

قال والله ؟؟؟؟

قلت يا ابن الحلال أنا سعودي علامك أنت

قال آسف والله أحسبك تركي وفتح لي الباب

عاد يوم جا وقت المغرب طلعنا

ورحنا لسيارتنا

وتكينا شوي وفرشنا فرشتنا وسوينا قهوة و ريحنا شوي

طبعاً صالح راح يبي يجيب أخوي ماجد وصديقه راضي الشمري

وبالعله لقاهم

جانا وهو معصب وركبنا الجيب

ماجد و أحمد ركبوا فوق بسلة الجيب

و حنا بالمراتب داخل

ولقينا زحممممممممة سيارات ما شفتها بحياتي

ومرت من عندنا والله إني حاسبها 16 باص كبيييييير شرطة

وسيارات الطوارئ حقت الحكومة

والله أشكالهم تخرع

الوكاد طولنا وحنا واقفين

ونطمر الرصيف ونصفط ع الشارع الثاني

ونمشي ع رجولنا لعرفة

مشينا ومشينا

فالبداية كنا نسولف

آخر شي يوم طال الممشا وتعبنا

كل واحد معصب وقافلة معه وساكتين

يوم شفت أنوار المجازر اللي لونها أبيض

كأني مبشر بالجنة استانست أحسبها مزدلفة


يوم جيناها إلا ما حولك مزدلفة

ساعتين وحنا نمشي ع رجولنا

أول ما وصلنا مزدلفة وتعديت اللوحة حقت مزدلفة

ع طوووووووول ع الشارع

فرشنا الفرشة وصلينا العشاء

وسحبتها نووووووومة

أول ما دخلني النوم

جا عسكري قال يا حاج أنت وياه ارجعوا ورا عن الشارع

وياكله ناصر قال وين تبينا نروح نطير يعني

مافي مكان ورانا كله ناس

قال الشرطي خلاص


طيب دقايق أبي أفطر مع أمي و أكمل بعد الفطور

[نور الإسلام]

اليوم يالربع


عندنا تمايم

أخوي جاه ولد قبل 18 يوم

وسماه بدر

عاد اليوم يوم الكرف العالمي مثل ما يقولون

جيت الظهر من المخيم لقيت أبوي و أخواني يتغدون بالمجلس

وعاين إلا المدات الحمر جايبها أبوي الله يطول بعمره

وراصها بالمجلس

صاير مجلس شيخ

والله لحقت ع آخر الغدا ونص كوب لبن مخلوط

بعد العصر ع طوووووووووول تروشت و جلست بالصالة أكتب وش صار لي اليوم


اسمع أصوات عند الدرج إلا أبوي شبه معصب

و اخواني يشيلون الأغراض

خضره و أغراض وااااااجد

والله و أنا أكتب الرد بمدونتي ويطفي أخوي النت علي

و أروح للمجلس إلأا ولد عمي جاي من الكويت

و أسلم عليه وسوااااااالف و أهمز = أدلك= أفرك

أبوي

و أوديشماغي للكواي تخبرون لازم أكشخ

و أجيه قبل المغرب و آخذ الشماغ

إلا مخربه علي ما كواه زين وخرب النشا علي بغيت أصفقه قهرني

و أصلي المغرب

و أعود للبيت ماصار شي بعد المغرب

بعد العشاء جا عمي من الكويت وسوالف وضحك

بعدها جا نسيبي وعيال عمي الثاني

خصوصا و إن ولد عمي عسكري توه جاي من جيزان

وع العشاء بعد ما قاموا الشيبان


أنواع السوالف اللي يحبها قلبك

يسولف ععن جيزان و عساكر (( جمع عسكري)) جيزان

ويوم رجعت للمجلس مشا عمي اللي بالخفجي هو و2 من عياله

أبوي قال أبي أروح للبر

بقوا عيال عمي الكويتيين وعمي

هسترنا معهم

وخربوها قالوا نبي ورقة (( بلوت ))

حاولنا فيهم أنا و2 من اخواني ونسيبي

وكرشونا

أول ما بدو تهاوشوا 2 من اخواني يلعبون وتخالفوا واحد خرب ع الثاني

وقطوا الورق وطلعوا


قلنا الله أكبر شتتهم الله


ثم دخلنا داخل تخبرون زحمة حريم

نادينا عماتي الكويتييات وسلمنا عليهن و ضحكنا

ثم دخلت بقسم أمي بالبيت

وسولفت مع اختي توها جايه من الكويت

بعدها رحت أجيب أغراض من البقالة 6 حبات تايد 6 حبات زبادي 6 حبات حليب بوني

كنت أبي أوميلا بس ما لقيت


ثم جلست أكتب لكم القصة


بالله وش رايكم فيني مو ونيس

أطلق من مدوناتكم كلها << مبين بقووووووة


لا أمزح لاتواخذوني مستانس حديييييي