:
:
للامانه
وبكل حياد مبروك التعادل , بجد اقولها بحرقه , النصر ماهو ند للهلال لا في البطولات ولا في الديربيات
واللي شفته اليوم نجران يلاعب الهلال , تضييع وقت , فريق مليان ثغرات , دفاع رايح فيها وبلا اظهره , وسط
ميت وكل شغله يبعد الكوره الي نص الملعب , ابي اشوف هجمه منسقه وفيها لعب ما لقيت , كل لاعب يمسك
الكوره ويسحب واذا توهق مرر لخويه وليتها توصل كلها نكب على الفريق , نجوم اللقاء العنزي وريان فقط ..
خط الدفاع .. مافيه احد يفتح النفس كلهم كديش من الدوخي المنتهي الي عيد الكارثه الي ماكين البطي والنكبه
والي عبدالغني اللي فاقد نص لياقته ولعبه المعروف , بجد ابي القى واحد اثق فيه ما لقيت علشان كذا ما وثقت
في الاحتفاظ على هدف النصر وتعزيزه , اكثر ما قهرني ان الشوط الثاني كله على مرمى النصر .. اعوذ بالله
خط الوسط المحاور ضايعين .. بتري اقسم بالله كارثه وحرام اعتبره اجنبي لا تمريرات ولا قطعات لاعب نقص
على الفريق , غالب وش تحس به انت ولاعبك تمريرات مقطوعه وخشونه في اللعب هذا غير الاحتفاظ بالكره
حتى يقطعونها منه , الزيلعي كان افضل السيئين , فيقاروا لاتعليق ترا يعتبر اجنبي الحين .. استغفرالله يارب
القحطاني .. صح انه ما قدم شي لكن ما كان سيء مره .. ريان الافضل
:
:
سؤال يدور في ذهني .. الي الان فيه احد متفائل ان النصر ياخذ بطوله .. !!
على اللي اشوفه مستحيل ياخذ النصر بطوله , اصلن مقومات فريق البطوله ماهي موجوده في النصر
لا دفاع قوي ولا وسط قوي ولا هجوم قوي , فريق يتقدم ولا يعرف يحافظ على النتيجه , فريق يخسر
من اردى الفرق , فريق من بدا الموسم ما قدم مباراة كامله عليها المستوى والاداء , اصلن مقومات الفريق
الكامل ماهي موجود في النصر مثلآ .. دفاع متماسك ومنضبط , وسط قوي وفعال , هجوم سريع وفتاك
اجانب على مستوا عالي وقوي , كلها لاتوجد في النصر .. احمدو ربكم على مركز مؤهل لدوري ابطال اسيا
:
:
اذا كان الرئيس يبي الجمهور يرضى عليه حتى نهاية الموسم فعليه
1 )- تغيير جميع الاجانب
2 ) - جلب ظهير ايمن محلي
3 ) - وجلب مهاجم اجنبي سريع
4 ) - تغيير زينغا المفلس وجلب مدرب متمرس
:
:
اما مسئلة الاستمرار على زينغا وتغيير 2 من الاجانب وابقى اثنين اللي هم فيقارو وبتري
فلا تتوقع النجاح والحصول على بطوله او تقديم مستوى مميز في دوري ابطال اسيـا
على الرئيس تغيير جميع الاجانب اذا ما اراد تقديم مستوى بطل والمنافسه على جميع البطولات
اما بقى زينغا وتغيير اسمين من الاجانب فسوف ينهي الدوري النصر بمركز رابع او ثالث وبلا بطوله
فيصل بن تركي .. عليك شغل كبير يا انك تكون قد المسئوليه ولا ترا الجمهور بينسى كل شي سويته
الجمهور تعب صبر ووعود واحلام , يبي شغل يبي فريق يحترق داخل الملعب , يبي روح ما تموت
يبي لاعبين يبكون لجل الشعار , ما يبي لاعبين يهتمون في انفسهم , الله يوفق يارب والصبر نفذ والله
:
:
* النصر اقل الانديه يستفيد من الاجانب
* نصر الموسم الماضي افضل من هذا الموسم
* من يظن ان النصر تطور عن المباريات السابقه فهو واهم ويعيش حلم
* عباس وغالب سبحان من غير الاحوال العامل المشترك واللي ما تغير فيهم هي الخشونه
* دخل رازفان وكانه لم يدخل ولو دخل معيض راح تحس بفرق اكثر من دخول رازفان
* زينغا يشوف الهلال ضاغط على النصر وعلى جهة حسين ولا حرك ساكن .. !!
* الي متى والنصر يسجل ويفوز ونصيب الاجانب اقل من مقبول
* الجمهور تعب وهو يقول يا اداره نبي ظهير ايمن الدوخي اتوقع خلاص اخر موسم له ...!!
* اتمنى ما اشوف في مباراة الاتفاق .. عيد .. الدوخي ... رازفان ...!!
* واتمنى حسين يعلب احتياطي ويزج ببرناوي كقلب والمدخلي ظهير ...!!
* يعيب مدخلي سرتعته ولكنه هجومي ويساند الهجوم
* وان شاء الله نشوف الحارثي
بالتوفيق لنصري
والله تعبت
وشكراً
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
تقبلو تحياتي فـقـدتـه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
المواضيع المتشابهه
آنا تعـودت الجروح صدقني مابيها تروح الشمس لآمنها أشرقت ما آظـن تحتــآج لوضــوح ....!!
العرض العادي
