السلام عليكم ورحمة الله وبركاته
أسعد الله اوقات الجميع بالخير والمسرات أحبائي اضع قصيده بين يديكم
وعسى أن تحوز جل أهتمامكم
[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ياجن شعري اقرب اقرب لي اللحين=خابرك ماتعصا ونفسك رضيه
تعالي وازهم معاك الملاعين=اجنونك الثانين هاته هنيه
انا معودكم على العسر واللين=إليا بغيت اصخر ابيوتن مديه
قال ابشر ابشر ياحفيد الهبادين=جيناك طوع وكره هات القضيه
امر ومطلوبك على الراس والعين=رهن الأشاره ياعزيز السميه
قلت اصخرو لي زاهيات التلاحين=ابي امجد لابه إبجيديه
وشلون أبي ابدا وهاتوا لي الزين=قالوا لي ابداء بالسلام البديه
قلت الله الله ياصفوف الشياطين=حان السلام لمحتمين الونيه
سلام يازحول الرجال الكريمين=وأخير مانبدى لكم بالتحيه
لجل غلاكم يالرجال الميامين=وتقدير ابو رايد وحقه عليه
نويت اسطر له من الشعر بيتين=وانضم لعينه حبكة الأبجديه
غانم وريث اهل الفخر والميامين=هذا كلام الصدق ماهو دعيه
بجايده تعرف بكل الميادين=الحين ولا ايامها الأوليه
بجايده لطيب والعز ضارين=عوق الخصيم وعز منهم خويه
بجايده ستر البنات المزايين=بجايده تعرف من الجاهليه
بجايده والعز فيهم عناوين=بجايده هل العزوم القويه
بجايده تعرف نهار الأكاوين=بفعالهم طالوا جبالاً عليه
بجايده ماهم سلالة رديين=اهل البلها بالسنين العتيه
اهل البلها وركدي يابراهين=يبقون فخر العزوه الوايليه
اهل البلها من قديمن مسمين=وفي مدحهم اكبر شرف صار ليه
اهل البلها للمخاصم عمى عين=خصيمهم ماذاق عيشه هنيه
اهل البلها الطيبين العزيزين=اهل البلها محتمين الرعيه
اهل البلها حطها بين قوسين=أسود ماهابو طريق المنيه
يوم المغازي ماتهاب القبيلين=بالسيف ولا رمية البندقيه
تارد على الموت الحمر ورد ضامين=شجعان بالميدان في كل هيه
كل فخر يوم افتخر بالشريفين=واقدم الأبيات لهم هديه
وياجن شعري قال ناوي على وين=قلت اقربوا يالعن ابوكم سويه
والله لو أمدح واكتب وأصل الفين=ماوفيت في حق الرفاقه عليه
مير اسمعوا من قبل لانختم الحين=ابغا إهداء لمنتدى الرائديه
قالوا لي هذا المنتدى فيه وافين=يربطهم الأخلاص والمقدريه
والطيبين بمنتداهم كثيرين=ومادمت معهم أرفع المعنويه
قلت ايه هذا الحق وبختم الحين=واقول لبى منتدى الرائديه[/poem]
أخيكم
سعد صويلح الهبداني
اخوي سعد الهبداني
العرض العادي
