سائق اجنبي يحرض البنات

[دانة الكون]

اقتباس المشاركة الأصلية كتبت بواسطة لحن الحزن هلا فيك اختي الكريمة وشاكر لك طرح هذا الموضوع موضوع خطير وبصراحة قبل سنوات اتذكر موقف حدث لاحد الاصدقاء كان ذاهب ليحضر ابنته من المدرسة في الابتدائية ويقول كان يشاهد عامل اسيوي سائق لباص صغير كان يضع الباص في مكان بعيد وياخذ زاويه بحيث يكون الباب في الزاوية لا يشاهده احد يقول صديقي كنت اراقب وانا انتظر ابنتي ذلك السائق وطريقة وضع السياره يقول غريبه يعني توجد مسافات يستطيع ان يقف فيها وتكون مكشوفه ويقول مع مرور الايام شاهدته بذات الموقف وذات الزاوية وكلما وضعت الطفله قدمها على مدرج الباص قام بوضع يده في اسفل اسفل ظهر الطفله حتى يلامس اعضائها الحساسه ويوهمهم بأنه يساعدها للركوب ...!! يقول صاحبنا لما شاهدت هذا الحشره انفجرت وخذيت عقالي وضرب وضرب وضرب والناس تجتمع حولي اشفيك اشفيك يقول بلا شعوري لم احسس بنفسي حتى وصلت الشرطة والسائق يغرق بدمائه وحينما تحدثت عن ما شاهدته وتم اخذ اقوال بعض الطالبات تم التأكد من صحة كلامي والافراج عني مع الشكر والثناء امر مخيف بصراحة ان يتم ترك الصغار والكبار بيد هؤلاء يجب اختيار الثقه والرجل المناسب سواء سعودي او غير سعودي ولك التحية

حياك الله اخوي لحن الحزن
اما هذا السواق الحقير يستاهل ما جاه وليته ذبحه.
والمشكله ان فيه من امثال هذا السواق فيه بمهن مختلفه ويستغل مهنته "مثل الدكتور".
اما السائق الي انا اتكلم عنه كان هو بطل الفيلم قصدي المنقذ
والبنات كانوا ينتظرونه ضايقوهم مجموعه شباب ،،، وهو قدم لهن النصيحه بان تضربه "وانتم بكرامه "بالجزمه او بحجر.

[دانة الكون]

اقتباس المشاركة الأصلية كتبت بواسطة نايف عايد اختي دانه الكون يعطيك العافيه على هذا الطرح.. من الأفضل ان البنت تلتزم الهدوء في السيارة وعدم المشادة والملاسنه مع الشباب لسد ذريعة الفتنه لربما كلمة تخرج من أفواه المعاكسين فتصطاد القلب. وان تتجنب اللبس الذي يلفت نظر الشباب حتى لاتقع في هذه المشاكل. فأنا لاأؤيد رمي المعاكسين بالعلب حتى لا يزيدون أو بمريض نفسي .. وأنما التزام والصمت وأخذ رقم السيارة.. لك كل الاحترام والتقدير..

الله يعافيك اخوي نايف
رايك احترمه وصحيح وما يختلف عليه اثنين البنت لازم تحشم نفسها وفعلاً لاحظت بعض البنات لما تركب السياره كانها ببيتهم سوالف وضحك بصوت عالي ولا فيه حيا من هذا السائق حتى لو كان اجنبي يبقى رجال (فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ).،،
ويجب ان تلتزم بحجابها (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً)
بس عفواً مشكله البنات ماكانت مع السائق كانت من الشباب المتواجدين بلا داعي عند مبنى الكليه.

[أبووصال]

قلتلكم البسو مثل الافغانيات ماطعتوني

[دانة الكون]

اقتباس المشاركة الأصلية كتبت بواسطة أبووصال قلتلكم البسو مثل الافغانيات ماطعتوني

والله يا خوف قلبي ان نيتك شينه
تبي تستغل الوضع وتسوي لنا خروج نهائي وتحطنا على اللائحه السواء "لائحه الممنوعين من دخول المملكه"علشان يخلى لكم الجو.

[أبووصال]

الله يسامحك لاوالله الا نيتك طلعت شينه هذا وانا ابيلكم الزين لكن خلوكم على ضعف نظركم واركبو مع السواقين بس عندي طريقه زينه لو تطبقونها يالحريم وش رايكم الواحده اذا طلعت مع السواق تلف لزق على فمها واذا بغت محل تنزل عنده تستخدم الاشارات اللي للطرم هذي اسهل وسيله واحسن عشان تفك نفسها من القيل والقال ..... ابووصال..... بالله وش رايكم باسم وصال المشكله واحد صديق لي يقولي بالله ايش اسم بنتك قلتله وصال قال اوصال قلت اسمع تعرف اوصال اللحم قال ايه اكيد قلت شيل حرف الالف بس قال ايصال قلت اسمع روح لبيتكم وفكر باسمها انت وزوجتك ......تصدقون جاني بعد ثلاث ايام قال عرفت ويضحك قلت الله يعين حل اللغز هاه ياحظي حط فمه عند اذني قال اصايل قلت اسمع والله الدلخ انت ومرتك اللي حلاة من زتكم من فوق سطح بيتكم لانهم ساكنين بالدور التاسع انا قلت يمكن الجاذبيه فوق تقل يمكن يخف العقل معاها الله اعلم ...... ابو ايصال

[أبووصال]

التصفيق هو الوسيله الوحيده التي نستطيع ان نقاطع فيها اي متحدث دون ان نثير غضبه............
اسمعو الثانيه ... اربع اشياء لاتفعلها في حياتك 1-فقد الثقه 2-تحطيم العلاقات 3-نكث الوعد 4- كسر القلوب ..... لانها لاتحدث صوتا ولكنها تحدث الكثير من الالم.............. ابو وصال والا ايصال

[دانة الكون]

اقتباس المشاركة الأصلية كتبت بواسطة أبووصال التصفيق هو الوسيله الوحيده التي نستطيع ان نقاطع فيها اي متحدث دون ان نثير غضبه............ اسمعو الثانيه ... اربع اشياء لاتفعلها في حياتك 1-فقد الثقه 2-تحطيم العلاقات 3-نكث الوعد 4- كسر القلوب ..... لانها لاتحدث صوتا ولكنها تحدث الكثير من الالم.............. ابو وصال والا ايصال

شاكره إضافتك
*ولكن للاسف قليل من يستحق الثقه"لانها شبه معدومه"
*وكثير هم محطمين العلاقات"ربما للتسليه ،، او الحقدوالكره ،،او لسد الفراغ كانها هوايه ،، او الحسد"
*وقليل من يفي بالوعود"اصبح الحلف بالله ينكث فما بالك بالوعد"
*وكثير من يكسر القلوب"فهي هوايه عند كثير من الناس يستمتعون بها ويتلذذون بنتائجها."
واسم وصال يجنن"الله يخليها لك ويحفظها"

[أبووصال]

مشكوره يادانه والحمدلله ان احد قالي ان اسم وصال زين لان كل واحد يقولي ياخي اسم مصري شلون سميته على طاري المصري يقولك ابليس وفرعون بالنار فرعون يقول لابليس ياخي وهقتنا شف وين حطيتنا قال ابليس انا وهقتك انا ... اصلا من سمعتك تقول انا ربكم الاعلى قلت انا خربها المصري...... ابو وصوله

[طيوفه]

اذكر يوم كنا بالثانوي كنا متعودين نطلع انا وبنات الجيران مشي ونروح مجموعه لبيوتنا لان المدرسة قريبة منا
في يوم بالاختبارات كنا طالعين الا وسيارة ازعجتنا لدرجة انه يقرب منا وخويه يفتح باب السيارة شكلهم ناوين يشيلون وحدة منا
الا وانا اشير على البنات كل وحدة تلقط لها حصا ونبدا نحذف عليهم
وابشركم صبنا السايق بعينه :d
والحمدلله بعدو عناا بس بعد ايش بعد مافضخو قلوبنا
فاعتقد نصيحته حلوة ووممكن تخفف من هالمعاكسات ذي
الي يزعجك خوذي حصاة وهفيه وماوصيك بالعيون :d
اجالي 75 بالمية من السعوديات ضعيفات نظر خلاص بنخلي 90 بالمية من السعوديين عميان :d

اما تعليقي على خروج الفتاة لوحدها مع السائق للسوق او لمطعم فانا لاؤيده بالمرة يعني تاخذ معها اخوها الصغير او امهاا
وحتى لو كان ليوصلها للمدرسة لاتركب معه لوحدها تذهب مع مجموعه من الفتيات احسن
ولظاهرة التحرش دائما افضل مبدا التحاور بين الام وابنتهاا وتنبهاا على خطورة المساس بالاعضاء الحساسة
تقبلي كل ودي واحترامي

[دانة الكون]

هلا فيك يا طيوفه
يستاهل ماجاه وليته انفضخت عينه وصار اعور (المهم انا محد ازعجني السايق يقص علي القصه)
وانا اقول انها فكره حلوه انك تهفينه بس لو على قوله الشباب"تحقط لك"يعني تبعك للبيت وطبعاً الخفجي مو من كبرها "على قوله وحده من صديقاتي الله يذكرها بالخير تقول الخفجي احسه كبر المقلط" يعني الكل يعرف بيت من هذا واسهل طريقه انه يسويها بيقول بنت فلان ماهي زينه مشيها مو مضبوط انا شفتها او شافها واحد "طبعاً الناس بتقول اكيد شايف شيء ولا ليش يتهمها هو عنده خوات ما هو ظالم البنت(بس للاسف هذا الشيء الي ما فكر فيه ان ممكن خواته يصير لهم نفس الموقف)المهم بيقولون مافيه دخان من غير نار وبتتشوه سمعتك وبيحطون فيك لين تقولين بس وعلشان واحد تافه ما يسوى".
اما الامهات الله يهديهم عذرها ما ابي افتح عيون البنت توها صغيره وهذا اكبر غلط محد قال لك اشرحي لها بالتفصيل الممل بس قولي لها إذا احد لمسك ،،، إذا احد سواء لك شيء قولي لي،،، يعني من هذا القبيل.