|~ ديوان الشاعر احمد الصانع|~متجدد

[الدووووخي]

:

تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !

ينتكس لـ إحساس فيني
- ما أشوفك ! وين عيني ؟
قلت يا فرحي : أجي لك ؟
قال آسف : لا تجيني !!

كنت أحلم في [ الخيانه ]
وصرت أشوف الحلم دايم !
يالله عاد / إكذب أمااانه
وقول إني كنت : نااايم !

الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي .؟

البقى براسك يا غالي
وعظّم الله فيك , أجري ..
في غيابك هذا حالي
في إيدي أحفر لي قبري !

:

[الدووووخي]

ريشه ،

[ 27 ] ..

كثير أشياء تبْعِدْني ، ومنهم :
لِعِب قلبك - و كذباته وطيشه

رِجَع جيش المشاعر لْـ وطنهم
وسَحَب قلبي أحاسيسه وجيشه

كثير أحباب مثلي ، خاب ظنهم
معاي " الدُّور " تكفى لا تعيشه

مثل هـ الناس ومنتَ غير عنهم
على راسك ، ترى ما فيه ريشه

[الدووووخي]

العيد عيدين ،

[ 28 ] ..

فرقاك عندي [ عيد ] وقلبك خسرني
ما قلت لك لا تجرحي الجرح لك دين

شوفي على جرحك ضميري جبرني
وأبشّرك ، مرتاح .. وما أبي تردين

قلبك تحسّف .. إنْ طروني و ذكرني
وقلبي ليا صرت أذكرك قال : بعدين !

ماعاش منهو في " غيابه " كسرني
عيد { الفطر و فْراقك } العيد عيدين

[الدووووخي]

عيدكم مبارك ،

[ 29 ] ..

كما ختمتها معكم العام الماضي
سـ أقول أيضاً :

[ الجمر ] .. مهما طال وقته يرمِّد
وإذا طفت ناري أمانه .. إعذروني

كتبت ,, وغيري من وجودي تجمَّد
وكلَّه عشان ( عيونكم ) , صدّقوني

ما أتْعمَّد أخْسِر شخص لو هو تعمَّد
وكثير من حولي خطوا وخسروني !

لو جا رمضان الجاي من غير " أحمد "
أقل شي .. بـ ( الخير ) بس إذكروني

:

[الدووووخي]

:

تدري وش قوّى غيابك ،
" قلب " عذّالي . . علي !
يا هواي إللي بـ صدري
أختنق - لو فيك شي !!

لا يموت "الحُب" فيني
وإنت في غيابي تعيش !
بس أبي عينك بـ عيني
وقول : هذا صار ليش ؟

من خذاك ومن خذاني !
من بكى لي ومن بكى لك !
إفهم الجمله : عشاني ،
يحكي عنّك من حكى لك .

أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خبيثه ) ولا ( خبيث )

إنت في الغيبات تَلهو !
وآنا في قلبك - فخوراً
فاز بـ اللذات ، منهو :
كان يا عمري " جسوراً "

:

[الدووووخي]

:

أتنفّسك
وأحلم بـ أنّك لي : هوى
- ماسك يدي -
نمشي سوى ..
عطرك على ثيابي نوى ،
وإيدك ، تبيني ألمسك !

هذا العطر إللي أحب
صدرك رحب !
ما تزعل عيونك علي
شاريني بايع كل شي
كنّي مطر
وإنت [ السحب ]
أدعي لك : الله يحرسك

غمّضت عيني فـ المنام
ما به ظلام !
نورك يخليني أشوف
أحبك بـ كل الظروف
أشعل أحاسيسي كلام
أقطِفْك ،
وفيني أغرسك

نايم وما أصحى { ياليت }
يـ إللي بغيت ،
ما فيه " غيرك " يا غلاي
في حلمي ويومي معاي
وشلون أتنفّس ؟ نسيت !
- علمني كيف أتنفّسك



:

[الدووووخي]

مدخل :


هذا وإنتَ إسمك : {حبيبي} إبتعدت !!
كيف لو إنّك " عدو " وإلا " غريب " ؟
لما في جرحي على قلبي إجتهدت
شي أكيد الجرح لك منّه " نصيب "

قلت لك بنسى المحبه " ما وعدت "
وإنْ تراجعت بـ كلامي ماهو عيب
كنت أحزن لك ، وأفرح لو سعدت
طول عمري كنت من عينك قريب

وحدك إللي في وسط قلبي : قعدت ،
صرت تجرحني وعلى إيدك أطيب
يسألوني الناس عنّك - من بعدت ؟
عطني { حلٍ } يقنع العالم ، وغيب

:

زعلان مني حبيبي والسبب : [ غِيره ] !!
عَلْمُوه عن حالتي . . إنْ كان مو داري

الحاله حاله . . . وشفت الموت من غيره
- أعيش كّني { غريبٍ في عُقر داري }

مرات .. أقول - المفارق : أحسن وخيره !
ومرات .. أكره فراقه ، والألمـ .. طاري

مفروض إنْ شفت شرّه .. ما أنْكره خيره
ومفروض إنْ شاف شرّي ، يذكِر أمطاري

{ الناس } غيري وغيره ، ما لهم سيره
يتابع الكل . . . . أخباره مع أخـباري

" جناح " قلبي - في إيده ، تم تكـسيره
و دعيت له في السلامه ويشهد الـباري

إحساسي ديره .. وهو إللي يَحْكُمْ الديره
( ولاء مطلق )
له :
شعوري و أشـعاري

وجهي . ليا من لمحته ، مـ أقْدر آآديره
سترت جرحي ،
ويقول القلب : أشش عاري !!

عيني بصيره و إيدي كانت : قصيره ،
أشوفه قدام عيني . . و الجفن ذاري !

يبقى حبيبي " حبيبي " رغم : تـقصيره
وأبقى حبيبه غصب عن عين أعـذاري

:

الجار له حق ، إذا هو وجّب : الجيره ،
وخل يذكر إنه حبيبي وأغلى من جاري

إنْ كان رايح مع [ العذال ] .. تفكيره :
بـ أروح جزر الكناري ، أكتب أفكاري

:

مخرج :

عليك إنْ شفتك " أسمّي "
عسى تبقى . . وأدعي لك ،
لأنك نعمه من ربي :
حمدت الله على النعمه !

أ/ص

[الدووووخي]

:

في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !

[الدووووخي]

:

تدري وش يكتِب غيابك
صفحة أيامي : الأخيره :
إستخار القلب بُعدك بس ،
ما حسيّت خيره !

إنت راضي !
وإلا قلبك من شعور الحُب فاضي ؟
ما أبي أكثر أحبك ،
وما أبيك تصير ماضي

إعترافي
لك حقيقه ما يخون الجرح ، وافي
جرحي من غيرك رفيقه ؟
يا حبيبي [ بس كافي ]

شفت ناتج هـ الخطايا ؟
كل شي ميّت : بـ عيني
ما أبي منّك ( هدايا )
لأني أصلاً .. ما أبيني

سافَرَت عنّي عيونك
وصوتي يبكي من سكوتي
يوم ميلادي بدونك
صار عندي [ يوم موتي ]

:

[الدووووخي]

يوم ضاقت ،
قلت وينك يالــ ( فرج ) ؟
قال جيت وشفت حولك ألف صاحب ..
وخفت أسبب لك { حرج } !



صالح الشادي :





:


وين الحروف إللي ممكن يوم . . تسلبني ؟
الأشعار كلْهَا بـ{ وادي } وآنا في وادي !

ناديت , ويرجع صدى صوتي و يطلبني !
يا الذائقه . . . لا حياة / لـ منهو تنادي !

من كثر .. ما شفت حظّي { يَهْدِم و أبني }
أحس إني بـ " أموت " بـ / يوم ميلادي !

يا - صالح - أسهَر , وأحس النوم يغلبني ..
أعتِب على عيني / ما أعتِب على رقادي !

لا قلت : وين الفَرَج لي صاحب أتعبني !
إشرَه على { نيّتي } ولا تْقول من بادي ؟

أكبر دليل , إنه هذا " الحظ " . . غرّبني :
إحساسي إنّي غريب بـ داخل بلادي !

- فوضة مشاكل . . كثيره . . لا ترتبني ،
وبـ الرغم من هـ البلاوي كنت أنا هادي !

مشكلتي والله " صعب أي شي يعجبني " !
وكل ماقريت القصايد قلت : شي عادي ,

الشخص هذا من ( الله ) , شفته يحبني ..
وفـ الله أحبه . . . وإليه الشوق متمادي !

دكتور يكتِب عن إحساسه , ويكتبني ..
يلوي ذراع المشاعر { صالح الشادي } !!


: