.يابنت ياللي اتبيعين الكلام
عين" ماترجيك لاترجينها
إمنادمات المشاعر والغرام
صرفت عنها النظر من حينها
لعيون بنت" ليا حل الظلام
يسري غلاها على مغلينها
هيفا خواصر وممشوقة قوام
ماالله عطى قلبها من لينها
لاعرضت ماعليها إلا اللثام
وأرخت هدبها ولدت عينها
خلت إقلوب البشر مثل الحمام
يوم إيتطاير تحت رجلينها
لوإن هدبها رصاص" في حزام
ماعودت لين تقضي دينها
وإليا إستدارت مثل ريم العدام
اللي تلفت تحك إبطينها
كنها من العام ماذاقت طعام
من فلسفتها ومن تكوينها
إن عود الغيم قالت للأمام
وإن بانت الشمس قالت وينها
وإن طبت الحفل وعيون الأنام
مواكب إيسارها وإيمينها
تمشي من التيه كن بيض النعام
يحول بين التراب وبينها
من البدايه إلى مسك الختام
مافيه زين" يضاهي زينها
حتى المليحه مطيرة المنام
اللي على أول ربيع سنينها
يازينها فالبيوت وفالخيام
وإن وقفت جنبها ياشينها
مثل إنبهار الإناره فالرخام
تماوج الحسن في خدينها
اختينها وأمها بدر التمام
وإن جات بين أمها وأختينها
تفرق بخشم" إمحليه الزمام
من صنع ربي وصنع إيدينها
ياعاذلين إخذوا من العمر عام
وخلوني آموت بين إثنينها
أول بشر قال للدنيا سلام
اللي إبدينه يكمل دينها.
اتمنى ان تنال اعجابكم 
المواضيع المتشابهه
يا بنت ياللي تبيعين الكلاام ..
العرض العادي
