إعــلان مهم بشأن تفويض نقل الطـالبــات

[كلية العلوم والآداب بالخفجي]

[align=center]
الإعلان يشمل جميع سائقي السيارات سواءً كان السائق خاص أو عام أو ولي أمر الطالبة

أما من يخالف ذلك فسيواجه عدد من المعوقات مع مرور الخفجي لكونها الجهة التي ستتابع الموضوع مع إدارة الكلية
[/align]

[ابو سامي2]

ماينفع بطاقاتنا الشخصية تاخذونها فيها صورنا ومانرضى احد من الرجال يشوفها

[ابو سامي2]

ياليت تلغون شرط البطاقة الجامعيه استبدلوها ببطاقة من عندكم لكن بدون صورنا

[أصداء ذات مشتتة]

آآممممم
خلوني لحظة أحآول أستوعب
وش تحسوون فيه ؟ << أول سؤآل
ثآني سؤآل غفلوآ عنه النآس اللي قبلي
نسيتوآ إنكم حطيتوآ خششنآآ ع البطآقآت ولآ بعد تبون أهلنآ بنفسهم يودونهآآ لعبدالله السبيعي والله كآن يقولون لنآ إقعدوآ بالبيت أبركك !
ثآلث شي مآ الحكمه من التفويض ؟ هل هوو بطآقه سحريه تخلي النآس تمشي بالطريق بسسسرعه ؟
رآبع شي وين اللي طلع هالقرآر خلوه يورينآآ فيسسسه ويقنعنآآ بضروره هالتفويض
خآمس شي أقوول الأفضل تلغوون هالقرآر أبرركك
سآدس شي السلآم عليككم

[نقش حناء]

أصل بطاقة العائلة + صورة منه .
2. أصل الهوية الوطنية لولي أمر الطالبة + صورة منه .
3. أصل البطاقة الجامعية للطالبة + صورة منها .
4. أصل إقامة السائق + صورة منها .
5. عدد (1) صورة شخصية للسائق .

الله أكبر

وين رايحه الطالبه مبتعثه والا تقدم على وظيفه ؟؟؟
مو كل قرار تصدرونه بنوافق عليه
اول شئ الاجراء فاشل ومعقد ومرفوض
ثاني شئ عبدالله السبيعي كل شئ حاشر نفسه فيه .. هل هذا اخرشئ توصل له ؟

وفرضا وافقنا على القرار
هل عبدالله مايكفيه بطاقه العائلة وصورة السائق؟ ,واسم الطالبه ؟
بعد يطلب صورة البطاقه الجامعية للطالبه اللي فيها صورتها ؟
ماشاء الله هذا اللي ناقص من زود الفراغه عنده يبي يتفرج على صور الطالبات ..
أول شئ هذا مو شغله ولا من اختصاصه واضحه انه جايب هالقرار من راسه ؟
ثاني شئ ابي اعرف بصفته أيش ومين يطلب البطاقه الجامعية للطالبة ؟


بلغوه طلبه مرفوض ومعصي بعد ولايتدخل فيما لايعنية

ماقلتوا لنا أعضاء هئية التدريس من أساتذه وغيرة مايبون يشوفون صور طالباتهم بعد ؟هم أولى صراحه انهم يشوفون طالباتهم !

والله مسخرة ياكلية الخفجي

على اولياء الامور رفض هالقرار
بعدين ادارة المرور طول عمرهم يدبرون أمورهم بعيد عن هالقرارات الفاشلة
مو من حق عبدالله ولاغيره
يتفرج على صور الطالبات والله عاد لو انه بالاحوال المدنية
على فكرة هالقرارات الفاشله تصدر من داخل الكلية بامر من عبدالله السبيعي
أدارة الدمام ماعندها خبر وعلم بالقرار

البطاقه الجامعية للطالبات أستخرجت لاأستخدامها داخل الكلية فقط ومن قبل الموظفات الرسميات وليس لغرض اخر

لاعبدالله ولاغيرة من حقه يطلبها او يشوفها

[أم حلا]

بسم الله الرحمن الرحيم
السلام عليكم ورحمة الله وبركاته
3((. أصل البطاقة الجامعية للطالبة + صورة منها ))


كل شي يهوووون ماعدا البطاقة الجامعية اللي فيها صور البنات الشخصية
ياليت تكنسلون هالنقطة والباقي مقدور عليه

اما البطاقة اللي فيها صور البنات المفروض من الاساس ماتفوتكم هالنقطه !!! وطلب مرفوض نهائياً

يعني الاصل يشوفونها والنسخة عندهم !!!

انا شخصيا عجبني القرار من ناحية وحدة ان السواقين مايستهينون بالبنات ويعرفون صورهم واصل إقامتهم موجودة عندكم فيكون عندهم رهبة وحدود مايتجاوزونها

شـكــ وبارك الله فيك ـــرا لك ... لك مني أجمل تحية .

[أطلق مدريديه]

..
الا بطاقتي معصصصصي

[مشاري]

بالنسبة لي بالرياض

جامعه الملك سعود

جامعه الاميرة نورة

جامعة الامام


مامرت علي بيوم مثل هالشروط التعجيزية


من جد شي غريب وطلب غريب

والمشكله صورة بطاقة الجامعة عليها صور البنات الشخصية

تعطونها لرجُل ؟؟؟؟؟؟؟؟


لكن انصح جميع الطالبات بمراسلة ادارة جامعة الملك فيصل بالدمام على هذا الرابط

http://www.kfu.edu.sa/ar/pages/contactus.aspx


وجة نظر لااكثر ولا اقل
اخوكَـم
ميشووـو .~

[مشاري]

والمشكله الثانية

معرف الكلية الرسمي

يتهرب على اجوبة الطالبات

هل هو تقليل منهن او شي ثاني ؟؟؟؟؟؟؟

الاخت ام حلا اول على النية ردت باستفسار

وطنش معرف الكلية


كان سوال الاخت ام حلا

اقتباس المشاركة الأصلية كتبت بواسطة أم حلا سؤال مهم هل يشترط ان يكون سائق منزل باسم ولي الامر ؟؟ او اي سائق توصيل ؟؟ ضروري الرد جزاكم الله خيرا .

رد معرف الكلية على جيع الاعضاء ؟؟

الذي جاوبو بالرفض

اقتباس المشاركة الأصلية كتبت بواسطة كلية العلوم والآداب بالخفجي [align=center] الإعلان يشمل جميع سائقي السيارات سواءً كان السائق خاص أو عام أو ولي أمر الطالبة أما من يخالف ذلك فسيواجه عدد من المعوقات مع مرور الخفجي لكونها الجهة التي ستتابع الموضوع مع إدارة الكلية [/align]

اضع الف علاَمه استفهام على ادارة الكلية .~

دامك نزلتي الموضوع

تحملي وردي على الطالبات وحده وحده

[أبو الهنـــــوف]

اولا ً الله يعطيكم العافيه ..

ثانياً .. اصل البطاقة الجامعيه و صوره منها .. ؟؟
تعطى لـــ عبدالله السبيعي ؟؟ اي لرجل ؟؟ ؟؟؟؟ ؟؟ ؟؟
باي حق تعطى له ؟؟

ثالثاً ... سبب هذا الاجراء .. محاولة تقليل الازدحام ؟؟
اي عذر هذا ... يا ادارة كليتنا ؟؟

يعني ليس الخوووف على بناتنا انما تقليل الازدحااااااااااااااااااااام فقط؟؟

عذر اقبح من ذنب .. !!

رابعاً .. اختي مثلاً قد تاتي اليوم معي .. و غداً مع سائق خاص
و بعده مع اخي .. و بعده مع اخي الاخر .. فماذا نفعل ؟؟

الى ادارة الكلية المحترمه
ما اقوووول الا قرار ليس في محله و خاصة البطاقة الجامعيه ..
الى ادارة الكلية الموقره ..

لا يفوتكم مثل هذه القرارات و التي تطلبوون فيها البطاقه الجامعيه
و تسلم الى رجل و فيها صورة بناتنا ؟؟و انتم ادارة كلية ؟؟
اي انتم على مستوى كبيرمن العلم .. ؟؟

شكرراً لكم و لكن طلبكم مرفووووووووض .!!