معقولة الخفجي ما فيها فريق طائره

[& خفجاوي &]

السلام عليكم اسعد الله مساكم

يا شباب بس حبيت اسألكم ما فيه فريق طائره يمثل الخفجي ؟

صراحه انا من هواة هذى اللعبه وتقريبا بشكل يومي نلعب في ساحات نادي العلمين بخلف الجوازات

وشكلنا فريق فالنادي ونبي نلعب مع اى فريقمنافس او حتي لو فيه هواه للعبه هذى يجي ويشاركنا اللعب وان شاء الله ان اللعب راح يعجبكم

فيه شباب يلعبون من قدامي لاعبي الطائره في نادي العلمين

واتمنى ان الشباب تحضر لأن لو يزيد الحضور راح نسوي دوري وبأذن الله منتدى الرائديه راح يكون الداعم الاعلامي في حالة اننا سوينا الدوري

اوقاات اللعب من بعد صلاه العصر الى العشاء مع مراعاة التوقف للصلاه

[أيمن البلوشي]

إن شاء الله يشاركونكم الأخوان والهواة واجد بالخفجي إن شاء الله ما يقصرون

سارت بطولة طائرة في رمضان الماضي ...( بطولة الطائرة )....وكان عدد الفرق المشاركة تقريبا ثمان فرق....( 8 ) ....!


وإن شاء الله نشوفهم من جديد...!
[/align]

[دانة الكون]

اذكر بفعاليات رمضان كان فيه

[إعلامي الكيلو]

شعبية كرة القدم وجماهيرها هي السبب في اختفاء مثل هالرياضات

واتم اختصارها عند اغلب الشباب برمضان وخصوصا بعد التراويح

ويكون هناك تحدي كبير فيها


اما بقية الشهور فما احد فاضين لها
وخصوصا ان كرة القدم ماخذه كل الشباب والجماهير


لكن انت ما قصرت عطيت الشباب واللي يحبون اللعبة هذي
الوقت والمكان وتاكد انك بمنتدى الرائدية صوتك يوصل للجميع ان شاء الله

واللي يحبها ويعشقها اكيد راح يجيكم

والله يوفقكم

[& خفجاوي &]

الله يعطيكم العاافيه ما تقصرون

واتمنى من المهتمين يشاركنا بالنادي وما تكون مقتصره بس على موسم

لعبنا مع افرقه من برا الخفجي ومن الكويت بعض الشباب ويوم الخميس راح نلعب مع فريق

بس حبيت انا اعطي خبر للي ما يدري ان اللعب باقي شغال فالنادي طوول ايام الاسبوع

والرائديه صرح كبير ما فيه داعي اننا نذكره لأنه مو محتاج

تحياتي للجميع

[عافك الخاطررررر]

يعطيك العافيه اخوي خفجااااااوي
طيب اي وقت بالضبط راح يكون اللعب وكيف النظااام

<<<<يرجع اللياقه ومتحمس

[& خفجاوي &]

هلا بك اخووي عافك الخاطر

نلعب بشكل شبه يومي الاجواء لها دور لكن تقدر تقول يوميا متواجدين فالنادي من بعد صلاة العصر الى اذان العشاء

والتقسيم يوميا فيه من فريقين الى 3 افرقه وان شاء الله انك راح تستانس بالعلب