انتبه من زيدان..... تراه ينطح!

[{{{فــــارس}}}]

السلام عليكم ورحمة الله وبركاته

اكيد كلكم تعرفون سالفة زيدان.

غريب والله غريب!!!!!!!!!!


رجل في اخر مباراة في حياته قامت جنونه وقام ينطَح خلق الله...

بالنسبه لي كنت احسبه ضمن الديوك الفرنسيه لكن تذكرت انه عاش باسبانيا خلال فتة احترافه بنادي ريال مدريد كم سنه, قلت يمكن صار ضمن الثيران الاسبانيه.

كيف يطيب للاعب مثل زيدان ان يختم حياته الكرويه بفعله مثل هذي (( اقصد النطحه)).

كيف ماقدَر جمهوره اللي جاي يتفرج عليه .

كيف ماقدَر اهمية المباراة اللي يلعب فيها.

كيف ماقدَر ان بفعلته هذي ممكن انه يفقد كثير من معجبيه (( المحبين للعب النظيف))

خصوصاً انه لايملك الفرصه ليرجع ثقتهم فيه من خلال ابداعاته لأنه خلاص انتهى مشواره
................

طيب يازيزو انت قدمت مباراه كبيره وكان ممكن انك تقلب النتيجه لصالحك او كان ممكن تكون بدال تريزيغيه اللي ضيع البلنتي وتجيبها انت وتزيد من فرصة فوزكم بالكاس.

بس اسمحلي انت هدمت الحلم الفرنسي.....

عذراً محبين زيدان على هذا الكلام فلاعبكم المحبوب للأسف بسرعه يفقد اعصابه...






تعليقات:
* الحمدلله ان زيدان ماله قرون ولا كن راحت على اللاعب الايطالي.

* لاعبيننا اللي نقول عنهم مايعرفون يلعبون هم افضل من زيدان لأنهم باختصار يتمتعون بالروح الرياضيه.

* اكيد كلكم شفتوا رئيس فرنسا حاظر المباراه النهائيه, اعتقد بعد اللي شافه راح يسحب الجنسية من زيدان .

* منكم من يذكر سالفة توتي يزم يبصق على الحكم. بعدها طلعوا لعبه فلاش اسمها (( ابصق مع توتي))

وانا اقولكم ترقبوا لعبة (( انطح مع زيدان))

* ربما اللاعب الايطالي غلط على زيدان بالكلام لكن زيدان المفروض انه يتغاضى عنه ويكون اعلى .




اخيرا : انا متأكد ان الصحافه عموما والفرنسيه خصوصا قالت اكثر من كذا , فلا تلومنني على ماقلت.





ودمتم بخير........

[الملك ديل بييرو]

بالفعل فارس

حركة غريبة في مباراة مهمة

والاغرب انها من زيدان

وفي ختام مشواره الكروي

((ولله في خلقه شؤون))

[أبو رائد]

هلا بك يا فارس

وسلمت على موضوعك

بس .. كبرتوها .. على زيدان

وهو رجال ما يستاهل ..


ما ندري وش قاله هالايطالي .. وخلاه يترفز بهذه الطريقه العجيبة فعلا

والغير متوقعه من زيدان .. وخاصة كما قلت بأنها آخر مباراة له ..


زيدان .. لاعب كبير .. ونحن .. متابعي كرة القدم .. نحب أن نشاهد

إبداعاته .. مهما كانت تصرفاته الغريبة ..


هناك ( مارادونا ) .. أفضل لاعب في العالم


وأسطورة لن تتكرر أبدًا .. لو نظرنا إلى أخلاقه


فهو مدمن مخدرات .. ولكن إذا نظرتها لتميزه بلعب الكرة


نقول لا يوجد لاعب مثله .. ولن تنجب الملاعب مثله نهائيا ..



هذه وجهة نظري ..ولك التحية :

[Fahad]

.. يسلمو على الموضوع ..

.. ما اقول .. الا فعلا نهايه مره .. ولكن ما راح ننسى زيدان .. كلنا يعرف من زمان ان زيدان ممتع ورائع لكن بدون اخلاق ..

.. افتتح تاريخه بكرت احمر .. وانهاها بكرت احمر .. الافتتاح كانت لفؤاد انور .. والنهايه متيرازي ..

.. سي يوو ..

[مستر كيوي]

هلا وغلا فارس حراااااااااااااام
عليك ظلمت زيدان شفت ماترازي
وشقاله سب إخته
ترضا أحد يسب إختك


أكيد لا ماترازي سب إخت زيدان




هذا من حقه

[سامي الشمري]

صدقني .. كبر بعيني زيدان بعد حركته الجميلة


وانا اقول جميـله لانها جميلة


و أنا زعلان جدا ً على زيـدان


لأنه ضربه براسه

و اللي مثل ماتيرازي . ماهو كفؤ أنه ينضرب بالرأس


المفروض أنه بالجوتي


قليل ادب صحيح



<---------<< أخس يا الشايب !

[Fahad]

اقتباس المشاركة الأصلية كتبت بواسطة سامي الشمري صدقني .. كبر بعيني زيدان بعد حركته الجميلة وانا اقول جميـله لانها جميلة و أنا زعلان جدا ً على زيـدان لأنه ضربه براسه و اللي مثل ماتيرازي . ماهو كفؤ أنه ينضرب بالرأس المفروض أنه بالجوتي قليل ادب صحيح <---------<< أخس يا الشايب !

.. هلا و والله ..

.. زين بينت بعد الخساره ..

.. هاردلك حبيب ألبي ..

.. سي يوو ..