السلام عليكم ورحمة الله وبركاته ..
أخواني .. أخواتي .. أعضاء منتدى الرائدية ..
بخجل وبإستحياء آتي إليكم وأنا أردد الأعذار لبعدي عنكم .. ولكن .. منكم العذر ومنّي الإمتنان ..
أتمنّى أن تحوز هذه المتواضعة عل رضاكم وتشفع لي غيابي ..
::
[poem=font="Simplified Arabic,5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا يتيمه حظّي وحظّك على يمنى بخيل=ياخذ اللي في يدينا ولا له مصلحه
:
كل ما قلنا جنينا ودوّرنا حصيل=مالقينا غير "دمع" يبي من يمسحه
:
يوم شفتك قلت يا قلبي أبشّرك بخليل=عينك اليمنى تغار تخاف الأخرى تلمحه
:
قال يا "ماجد" ترى اللي قلت في وصفه قليل=ذا .. نثر كل المخاليق مثل المسبحه
:
العذارى به تباهى وهو طبعه ثقيل=ناعم(ن) حتى النسايم خطير تجرحه
:
لا حكا .. كنّه يداوي من العلّه عليل=وإن سكت قلب المولّع بصمته يذبحه
:
يوم جيتك يا يتيمه ما بقى في الحيل حيل=جيت كنّي عود ذاوي .. للهبايب تلفحه
:
جيت أبي أبكي بحظنك وأنثر من الدمع سيل=لكن أخشى من عذول(ن) دمع عيني يفرحه
:
جيتلك مهدود حيلي من شقا عمري دخيل=ما أبي منّك سوا " قلب(ن) مدمّر تصلحه "
:
ما هقيت أن الزمن في يوم بحظوظي يميل=لين دار الوقت في حظّي سواة المروحه
:
طارت طيور السماء بأرزاقها والوقت ليل=وطارت أحلامي وقلبي فيه مثل المشرحه
:
صار قلبي من بعدها لا يحط ولا يشيل=والجسم ناحل بعدها .. كل هم(ن) يطرحه
:
ياما حاولت آتناسى بس من وين الرحيل=دام كل دروب عمري في الزوايا تمرحه
:
وياما حاولت آتصبّر صحت : يالصبر الجميل=لين مل الصبر منّي وأستحيت أستسمحه
:
وياما قلبي صحت فيه وقلت بالصوت الطويل="ريّح اللي ما أنجرح للحين تكفى .. ريّحه"
:
ما يعزّيني سوا حلفك وقولك "مستحيل"=أن قلبك يصبح لغيري .. وبابك تفتحه
:
أما أنا .. شفني أدوّر بس ما عندي حصيل=غير دمع فوق خدّي مالقى من يمسحه[/poem]
::
,, ماجد المري ,,
المواضيع المتشابهه
العرض العادي
