تخيلوا البنات يخطبوون الرجال وش راح يصير؟؟؟

[الريم]

السلااااااااااام عليكم.....
تخيل حال الدنيا ينقلب وتجي البنوته تخطب التمساح (الولد)

رغم أن الادوار مستحيل تتغير ...لكن شو المانع ان حنا نتخيل .....


تخيــــــــــــلوا البنات يخطبـــــــــون أولاد!!؟

لا يفوتك بتتقطع من الضحك

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..
الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري)

لللللللوووولللللوووووشششش شششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم

وتطلع من المستشفى الى بيت اهلك علشان النفاس <....حركات
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك

و تصلح امك ما بينكم و ترجع الحياة مثل اول





اتمنى من الشنبات ما يزعلووون ترى كله مزح



نسيت اكتب ملطووووش

[ابوراكان]

ياشباب ممكن الريم المره القادمه تخطب واحد منا انتبهو هذا اوله وانا اخاف تاليه هذي مقدمات
عشان يشوفو الشباب ايش يردو وانا اتوقع ان هذا بيحصل قريب جدا اخطب لابنتك قبل ولدك مشكوره على الموضوع وانا حاافكر في الي بتجي تخطبني

[راضـــي]

[align=center]مشكورة على الموضوع


والله تبين الصراحة

فكرت اقعد بالبيت

وانتظر النصيب متى يجي

ههههههههههههههههههههههههههههههههه

والله عاد لو انقلب صحيح وش

راح يكون يعني اقعد 24 ساعة بالمطبخ والله مصيبة


وأنوم الوغدان واقعد اخر الليل ارضعهم

هههههههههههههههههههههههههههههههههههههههههههههههههه هههههههههههه


مشكورة على الموضوع

تحياتي لك أختي الريم

أخوك

راضي الشمري


:p :p :ty: :p :p :ty: :p :p :ty: :p :p [/align]

[الريم]

هههههههههههههههههههههه
يمكن ليش لأ
يمكن باكر تلقاني عند باب بيتكم علشان كذا رح تكشخ

ترى شووف اذا ما عجبتني ارووح عند احساس او غريب

[MISS K.S.A]

الحمد الله كل هذا خيال

[د.ماجد]

وااااااااااااااااااااااااااااااااااااااااااااااااو


تخيل راضي لو تقول للريم

بالله وديني للسوق

تطالع لك بنص عين والعين ملونه باللون الاحمر

وتقولك لا وإذا مو عاجبك الوضع اذلف لاهلك

ولا اشوف رقعت وجهك


هع هع هع نياهاهاهاهاها

[الجوووري]

الله يقطع بليسك يا ريوومه

ظحكتاني مير ظحكتاني


اقول ريوم فاتحتي الوالده عن موضوع الزواج


لا زم تختطب قصدي تخطبين

واذا قصدك الشغل ترا العمر يخلص والشغل مايخلص

احقدوا الشباب

لووول.

[مـ///ـتحيل]

ايه زمن ...



<=== ينتظر وحده تجي وتخطبه

[غريب الدار]

تخيلوووووووووو يا جماعه تصير هالسالفه جد ويخطبوناا البنات (السحالي)

وربي كــــــــــــــارثه


وبعدين اشووف الشباب مستانسين ومكيفين على الموضوووع حتى مستحيل صدق السالفه

ويبي وحده تتقدمله وتخطبه

ريموووووووه وشتبين توصلينله من هالموضوووع

سوااقه ومشينااهااااااااا لكن تجين هالحين وتقترحين ان البناات يخطبون الشباب لاا

فيهااااااااااااا قباايل هذي

لا الضاهر الدم بياصل للركب

[الريم]

ههههههههههههههههههههههه
الجوري اقوول ما عندك اخوو اخطبه ترى اخوانك مزااايين



تقمصت الشخصيه

ههههههههههههههههههه