~¤ô¦¦§¦¦ô¤~ خـاطـرة بـعـيـريّة ~¤ô¦¦§¦¦ô¤~
------ مدخل -----
حنا البعارين حنا ..محدن يحارشنا ..
بالصمان مسكنّا ..وخط الساحل حوادثنا
-------
في مبطي الزمان ..
وسالف العصر والاوان ..
ولا هكا البعير البطران ..
يعيش مع مجموعه من البعارين ..
يجمعهم الحب والعلف وملاحق البزارين..
وكان هذا البعير ..
في حب ناقة اسير ..
مايدري عن المصير ..
هي له..؟ او الفرقا تصير ..
يموت بناقته ..موتن عجيب ..
ولايدري هي تحبه ..او ظنه يخيب؟؟
كانوا مع بعض يوم انهم صغار ..
لكن نقلت هي واهلها خارج الديار ..
خاف يصارحها .. وتردّه ..
وتقول هالبعير ..انا مااودّه ..!
قعد يفكّر خوينا .. وش يسوّي؟؟
قال ابقول لابوي .. ولامّي ..
ونروح لاهلها بشكل جدّي ..
وانا بأمر الله .. راضي بقدري ..
بس لحظة .. حنا بعارين سود ..
وهم بعارين بنيّة ..والعادات هنا تسود
وش الدبره ..وش السوات ..وش هالجمود..؟؟
قال البعير لأمه عن السالفة ..
وأنه مولع بحب ناقتن ساحرة..
قالت وش هم من بعارين؟؟
سود ؟ والا من الثانين ؟؟
نزل رأسه والدموع اربع اربع ..
وقال يايمّه ليه هالسؤال بعقلي متربّع ؟؟
تصير اللي تصير ..لو شعرها اقرع ..
والا ترا بأقرب جمس ابقبع ..
ياولدي .. وش تبي البعارين تقول عنّا ..
سود وماخذ بنيّه لامنا .. ولاعنا ..!
تخيّر من بناتنا السود ازينهن عيون ..
وانا اروح اخطبها من امها وماتهون..
وخل هالبنانا عنّا ..لاتنفخ خشمها عليك ..ولاتوصل مواصلنا ..
يمه ..يمه ..يمه ..
بعيري ..بعيري ..بعيري ..ويش فيييييك؟؟
احبهااااا ..احبهااااا..احبهااااا وفتنتني ..
لاسلهمت بعينها ..طيّحتني ..
تقول عيونها سهام .. وبصدري ..جرّحتني ..
يمّه .. دوتس الكلام اللي على شاربي يجمد ..
غير نويقيقه ...انا منيب ماخذ ..وبصبر واتصمّد ..
وهي تحبّني ..غصب عن البني والاسود ..
اوريك ياعاصي امّك يامغازلجي ..
كفوك بنيّتن سنامها رقاق كأنه جلي ..
يجون عيالكم ملونين ..لاعربي ولا زنجي ..
اندزلع لابارك الله فيك ...ياوجه الطلي ..
...تأثر البعير من كلمات أمّه .. ولكن حبه لنويقيقه .. فوق كل شيء ..
...تشجّع وتحرك لقطيع بعارين ابو نويقيقه ..
ولقى البنت ..ترعى مع بعض الخوات الشقيقة ..
تصبصبت سعابيله ..كما سد القرينة ..
وراح لـها عند البنات ..
وكانوا بمنطقه ضيّقه ..
مجتمعين على شوي أكل ..وشوي مرعى ..
قال احم احم وبيدّه قطعه أثل ..وقدّمها للفرعى ..
تفضلي ياقمر ..يااغلى من وطيه كفر ..
يااحلى من نور السفر .. والزول جايب لنا التمر ..
وبيدّه سطل من حليبٍ .. للبقر ..
صدت وراحت بحياء ..
وهو يبي كلمة ..رجاء ..
قال يابعد ابوي ..
وامي ..وجدّي ..واخوي ..
وكل من له سنام ..او حتى في أثمة ..لجام ..
قولي أحبّك ..واسكتي ..
وانا بكمّل ..لك الحكي ..
واجي لأبوك ..بحكمتي ..
اخذك لأحلى عمركي ..
قالت أحبّــــ...ك ورفعت ..
رأسها ..وزادت ونفخت ..
بعيري ..لا..لا يضيق صدرك ..
او تنصى خط ويضيع دمّك ..
انا اخذوني لولدِ عمّي ..
غصبن علي ماهوب..بأمري ..
والا انت تدري ..وش غلاك ..
وش كثر لك وش كثر جاك ..
هذي بلاوي ..شيابنا ..
عادات وحكي ..طاحت بنا ..
تهيء تهوء..وآهاتنا...؟؟
محدن توحّى ..وسالنا ..
قطع كلامها ..الحزييييييييييين ..
وقال عقب كل هالسنيييييييييين ..
يضيع حبن بنّيته ..
الله يعيني .. ع الونيييييييييين ..
فأجهش بالبكاء ..إلى أن انقلب وجهه وجه حمار من كثر الدموع ..
وانطلق يبكي متجهاً إلى الخط السريع ..
ينتظر اقرب تريله .. توطاه وتريّح ضميره ..
فأقبلت ديّنا ..
صاحبها منجنّا ..
مسرع بأسرع سرعه ..
واستغل البعير الفرصه ..
فطمر على الشارع ..
وقبل الوقت القاطع ..
طبّت عليه الاسيره ..
وضمّته بيمينه ..
ووطتهم السياره ..
ودمائهم منهاره ..
بيمينه حبيبته ..
وعلى اليسار ..الطاره..
ياخسااااارة ..ياخسااااارة ..
------ مخرج -----
الحب قطع قلوب البعارين والنياق السود يلعن جدفها
مع تحياااتي
;) الريم
;)
المواضيع المتشابهه
العرض العادي
