هل تعانون مثل ماأعاني؟؟!!

[Angel]

يسلمووو عالطرح ،،،

والله فعـــلاً الصرافات عندنا كثرتها على قلة سنعها .. كل ما جيت ابي اسحب االا القى الماكينة فاضية

كأني جايه اطر فلوسي ...

تقبلي ردي و مروري من هنا

ودمتم

[bndr34]

انا صار لي موقف

مرة بأسحب 500 ريال من حسابي قال لا يمكن

استغربت قلت ياولد اسحبها 100 100 احسن لك

ماقبل بعد

قلت لازم فيه شيء دقيت من الجوال علي البنك قال الصرافة مابها فلوس

قلت والحل قال شف صرافة ثانية

رحت لبنك ثاني قبلت وسحبت

علم ان بطاقتي الرياض

والصرافة اللي تمشكلت وياها هي صرافة محطة العازمي اللي على ش 60

الصرافات بدون صيانه دورية وش فايدتها مفروض ينتبهون لها والمواطن يتصل على 800 يبلغهم

شكراً على الموضوع

اخوك بندر

[العـــابر]

الصرافة مهي بس لسحب الفلوس
فيه تحويل فلوس
تسديد خدمات
بيع أسهم
تفعيل الخدمات الألكترونية للي عندهم الرياض أونلاين

بس والمين تنتقدون
هذا عيبنا ما نشوف الأمور الا من زاوية وحده

[الود طبعي]

مشكورين على المرور

[ملك الذوق]

اقتباس المشاركة الأصلية كتبت بواسطة طالب رضى ربه انا صار لى موقف مع صراف البنك العربى مقابل الشرطة سحبت 2000ريال وانتظرت ولم ينفذ الطلب وكررت السحب لثانى مرة ولم ينفذ كذلك الطلب وذهبت الى صراف اخر وتم تنفيذ الطلب ووجدت بان المبلغ 4000ريال تم خصمها من حسابى بالرغم من اننى لم استلمهافذهبت على الفور الى البنك الذى اتعامل معة وهو بنك الرياض وشرحت لهم الموضوع فقالو لى قدم تظلم وسننظر فى موضوعك والى الان المعاملة جارية ما بين البنك العربى وبنك الرياض فنصيحتى لكم لا تسحب الامن صراف البنك الذى تتعامل معة حتى لا تدخل فى متاهات مع البنوك

نفس الموقف حصل معاي قبل سنه أو أكثر مع نفس البنكين الفاشلين المذكوره

سحبت من بنك العربي 3000 ريال وما طلعت وبعد ما شيكت من الهاتف المصرفي

لقيتها مخصومه رحت لبنك العربي الصباح قالوا مالنا شغل أنت عميل بنك الرياض

رحت لبنك الرياض وسويت مطالبه أو سويتها عن طريق التلفون وبعد شيل وحط مع النصابين 15 يوم

رجعوا لي 2000 وقلت باقي 1000 قالي موظف بنك الرياض بنك العربي يقول مالك إلا 2000

وهذا اللي باين .. يا جماعه وش المصخره هذي عندي وصل يبين إني سحبت3000 وشلون بين 2000

وما بين 3000 فكان رده مثل الصاعقه إحمد ربك هذولا زين رجعوها لك قلت له

الحمد لله على الإسلوب التعبان والله تعبنا من معاملاتهم التعبانه ونحزن إذا سافرنا وشفنا التطور

في العمليات المصرفيه مو مثلنا 60000 صراف على شارع البلديه ولا وحده منهم تسحب

عندي أمنيه وحده أمنيتي أسحب من صراف الرياض اللي قبل سكيكو يخرب بيتها

ولا عمري جيت ولقيتها صالحه لا وتعال إسحب في النهار اللي مالك أمل .. الشمس تعكس عليك

إللي حطها في هالمكان شكله مره ذكي شوف بنك الراجحي في نفس الإتجاه بس حاط مظله بس الظاهر

المظلات غاليه علشان كذا بنكي بنك الرياض ماحطها الله يخلف علينا

نسيت شغله تقهر موظف العربي يوم كلمتهم تلفون يقول فيه بيان من الأمير نايف أو سلمان

يقول ممنوع تسحب بعد الساعه 12 قلت له أنت صاحي <---- صراحه شي يرفع الضغط موظفين ما يدرون وين الله حاطهم

[الود طبعي]

مشكور على المرور ياملك الذوق
وحلوه حتى فلوسنا يبي تحكمون فيه متى نصرفها
(على غفله سندريلا بعد الساعه 12 راح تتحول)...........؟؟؟؟؟؟؟؟