تخـــــاريف ..!!

[ماجد المري]

[align=center]السلام عليكم ورحمة الله وبركاته

::

لـ كثرة شكاوى " ملاحظات جوالي " .. ولـ قلّة حفظي ..

ولـ كثرة ما يخطر ببالي .. أردت أن أكون بينكم بتخاريفي الخاصّة ..

::

مــــــــــاجد ..!![/align]

[ماجد المري]

[align=center]::

ضحكت من زحمة هل المال في البنك ..

. . . . . . . . . . ضحكت من زحمه على شيء زايل ..!!

المال . . يا كثره والأحوال في ضنك ..

. . . . . . . . . . بالله وين الربح . . والدين مايــل .. ؟؟

::[/align]

[ماجد المري]

[align=center]::

صُعب السؤال اللي جوابه للأسف مثل المحال ..

. . . . . . . . . . ما له مكان يقال فيه إلا تحت حدب الضلوع ..!!

::

" وش صار .. ؟؟ "

::[/align]

[ماجد المري]

[align=center]::

وحيــد .. ولا .. مغترب ..

هذي أحاسيسي أنا ..

هذي نتايج رحلتي ..

بين المعاني .. والعنا ..

::

عادي يحس بغربته من كان أصلا مغترب ..

. . . . . . . . . . لكن يحس بها مقيم .. أحس ماهي راكبه ..!!

::[/align]

[ماجد المري]

[align=center]::

الضيقه .. أكثر ما يقال ..

والصدق .. أقرب للمحال ..

والعمر .. كلــــه أسئله .. من حلّهـــــا ..

يسأل سؤال ..

وأنا .. بزحمة أسئله ..

وأدوّر لوحدي جواب .. ما دام للآمال .. باب ..

وإذ قدرت ألقى جواب .. عساي أحصّل لي ..

ســــؤال .. ؟؟

::[/align]

[ماجد المري]

[align=center]::

يا اللي تدورني ولا .. تلقاني ..

. . . . . . . . . . يا جعل تفـــداكـ الوجيه العكره .. !!

العمر مهما طال يبقى . فاني ..

. . . . . . . . . . والموت ما ياتي بدون السكره .. !!

أنت اتّحداني .. وأنا وحداني ..

. . . . . . . . . . بس الوعد بكره وأشوفكـ بكره .. !!

::[/align]

[ماجد المري]

[align=center]::

ليـــــه .. الرفيق .. اللي يقول انّه رفيق ..

يبور لا طااااااااال .. الطريق .. ؟؟

وليـــه .. الرفيق .. اللي يقول انّه رفيق ..

يصدّ لا جيته وأنا غرقان .. ضيق .. ؟؟

وليــــه .. الرفيق .. اللي يقول انّه رفيق ..

ينام لأحتجته .. وأنا لأحتاج .. أفيق .. ؟؟

يمكن ..

. . . . .على ..

. . . . . . . . . شانه ..

. . . . . . . . . . . . . . رفيق .. ؟؟

آخر ســـــؤال .. !!

" لـــــيه .. الحزن .. يومه .. غريب .. يصير .. له صدري .. بلــــــــد .. ؟؟ "

::[/align]

[ماجد المري]

[align=center]إلـــــى .. سعيـــــد ..!!

::

سعيد .. يا من كان شوفكـ يوم عيد .. اليوم عيد ..

سعيد .. جيتكـ .. بس جيتكـ محترق وأحس فالرجلين .. قيد ..

سعيد .. جيتكـ أعتذر .. وأدري تأخّرت بمجيّي بس .. تكفى لا تزيد ..

في نظرة عيونكـ عتاب .. وبعقدة لسانكـ عذاب .. وبطقّة اصباعكـ سراب ..

تكفــى أبيكـ تحاول تحركـ لسانكـ لو شويّ .. محتاج في دنياي من كثرة التقصير ضيّ ..

سعيد .. يا من كنت اشوف الضعف عكسكـ بالتمام .. اليوم شفته في عيونكـ .. قلت ..

يا دنيــــــا .. حـــــــرام ..

::

سعيـــد لمن لا يعرفه : نصفي الثاني .. الذي انقسم لنصفين ..

::[/align]

[ماجد المري]

[align=center]::

الجرح .. وعيون العتب .. والملامه ..

خاويتهم من يوم صرنا .. فقارا ..

والفقر ما هو شرط .. فقر الدراهم ..

الفقر .. كوكب ما لقاله .. مدارا ..

صعب الفراق .. وصعب حتى طواريه .. لكن ..

ليا منّه حضر .. ما قويناه .. وليا حصل في كل لحظه بكيناه ..

غريب .. وضع الناس ..

تبكي على ما تفعله في هناها .. وهي بوقته كان غاية مناها ..

غريب .. وضع الناس ..

::

علاقه الإنسان بالبحر ..

كلاهما يشرب الماء العذب .. ويردّه بملوحه ..

فهل البحر وحده .. غـــدار .. ؟؟

::[/align]

[ماجد المري]

[align=center]::

بطاقة البنكـ .. والصرّاف .. والعقل الشرود ..

تجمّعت قدّام عيني يوم ربي قسم ..

ما همني كم سحبت وكم بقى فالرصيد .. اللي ذهلني شيء بالطاري بعيد ..

لقيت بنت وأمّها .. الفقر خالط دمّها ..

تمدّ يدها للبشر .. وتقبل من المدّه " قشر " .. وتبتسم !

بنت ٍبنظرتها سؤال .. سؤالها حلّه محال .. ولا حصل أصلا مجال ..

بنتٍ مثلها في نعيم .. وهي جحيم ٍفي جحيم ..

من شفتها وأنا حزين .. أشوفها في كل حين .. وأبكي من الوضع المشين ..

ناس تجي تسحب وتصرف من رخا .. و"هي" تدور من يدين المنتعم مدّة سخا ..

البنت منظرها رهيب .. عيونها فيها سحر .. ما يعرفه غير الغريب ..

لقيتـــها .. هي وأمّها .. والبرد .. شقّق فمّها .. والفقر .. بيده لمّها ..

لقيتــــها .. تشكي حزن .. لقيتها .. تبغي وطن .. لقيتها .. عكس الثمن ..

لقيتها .. يا ليتني ما رحت بالمرّه .. أو أنّي رحت وألهاني زماني ولا .. مرّيتها ..

لقيتها .. فيها براءه يا زمن .. لكن أبسأل يا زمن .. وش فيكـ ما حنّيتها .. ؟؟

لقيتهــــــا .. يا .. ليتني .. ما لقيتها ..

::[/align]