تخـــــاريف ..!! - الصفحة 2

ماجد المري · 12-03-2008, 05:05 AM

[align=center]::

يـــــوم الأحــــــد ..!!

فيه الألم والجرح والدمع مع ضيق اللحــــــد ..

يـــــوم الأحــــد ..!!

ذقت المراره والسهر والموت وأصناف النكد ..

فيه آخر دموعي نزل .. وفيه ارتجيت من الأمل .. وفيه افتقدت أحلى الجمل ..

من اربع سنين مضت .. وعيون من حولي بكت .. ودموع عيني ما انزلت ..

من أربع سنين مضت .. وجروح قلبي ما شفت .. والناس من حولي شكت ..

المشكله أني لقيت اني الوحيد اللي قوي .. وفي حزّة الضيقه عرفت أن السهر وحده خوي ..

" يا شينها لا شاف فيكـ الناس قوّة وأنت من داخل ضعيف "

يــــوم الأحــــد .. !!

الحظ في لحظه جحد .. والنوم مع حظّي اتّحد .. وأنا صفيت وللأسف .. ما شفت في جنبي أحد ..

بكيت .. لكن .. ما بكيت .. مشيت لين أنّي حفيت .. وللمرّه الأولى هنا .. ابعتبر نفسي شكيت ..

فقدت غالي يا عرب .. حسّوا بمعنى ما أقول ..

فقدت غالي يا عرب .. والموت حسّيته عجول ..

اربع سنين بدون طعم .. ما بين حزن وبين هم .. وما بين نظرات الألم ..

اربع سنين بكل ضيق .. بدون أقرب من صديق .. كنّي من غيابه غريق ..

أشـــوف فقــــدان الفقيــــد بعين " طفل ٍ يرقبه " ..

. . . . . . . . . . وأموت من صوت الطفل لا قال " يا عمّي متى .. ؟؟"..!!

::

الفقيد لمن لا يعرفه : هو شخص فقدته ومنذ أن فقدته وأنا أفتقد لمعنى الحياه .. !!

مع العلم أنّه على قيد الحياه ولو لم يكن يتمتّع بها

::[/align]

ماجد المري · 21-03-2008, 01:44 PM

[align=center]::

يقول ابن الذيب :

من تجربة ربع قرن(ن) عاشها ذاتي ..

. . . . . . . . . . ما كلّ فرقا يهزّ القلب طاريها ..!!

لذلكـ .. كان الفراق مميّــــز ..!!

::

صديت عن دربي وأنا دونكـ آضيع ..

. . . . . . . . . . صديت يا غالـــي وضيّقــت بالـــي ..!!

وشلون تتركني كذا دون توديع ..؟؟

. . . . . . . . . . يا لقع كبدي . . وآه يا بري حالي ..!!

شريت قربكـ لي ولا يمكن آبيـــع ..

. . . . . . . . . . . وأنت اتّكاثر بسمتكـ في وصالي ..!!

عاجبكـ .. حالي مرتوي منكـ تلويع ..

. . . . . . . . . . عاجبكـ .. منظر دمعتي وأرتحالي ..!!

غالي.ولو زاد الحكي فيكـ ما أطيع ..

. . . . . . . . . . غالي .. وتبقى عند مغليكـ غالي ..!!

::[/align]

ماجد المري · 27-03-2008, 08:09 AM

[align=center]::

صباح الخير يا صبح الحزين اللي بدون أخوان ..

. . . . . . . . . . يونّ ويردف الونّه ولا أحد(ن) قال وش صابكـ .. !!

::

جميل .. جدا .. أن تكون ملاذا لكلّ حزين بقربكـ ..

ولكنّ .. من المؤسف .. جدا .. أن لا تجد لكـ ملاذا ..

::

الحزن كحّل عيوني وأتعب أهدابي ..

. . . . . . . . . . والموت أشوفه وأنا ما ودّي آشوفه .. !!

::

[align=right]حزين .. وخاطري ضايق ..[/align]

[align=left]ولي مدّه ماني بـ رايق ..[/align]

[align=center]يعارضني 100 عايق ..[/align]

[align=center]عسى تالي التعب راحه ..[/align]

[align=right]منام الليل ما ذوقه ..[/align]

[align=left]ودمع العين في موقه ..[/align]

[align=center]وفرحة عمر مسروقه ..[/align]

[align=center]عسى تالي التعب راحه ..[/align]

::

لا زلت أخفي الحزن خلف إبتسامه .. .. ولكن ..

أخاف .. أن أفقد تلكـ الإبتسامه ..

::[/align]

ماجد المري · 05-04-2008, 06:16 PM

[align=center]::

أحلى إبتسامه فالزمن .. بسمه على وجه الكبير ..

لا شفت وجهه مبتسم .. وهو من الداخل كسير ..

لا قلت له ودّي بشيء .. يصير لو هو ما يصير ..

بس الزمن قاسي ولا بقّى كبير ..

::

في ظرف عام .. وعام بس !! أفقد من كباري كثير ..

يا رب عفوكـ يا كريم .. أخاف من ظلم الصغير ..

::

ترى العمر ما يسوى ليا قلّوا الشيبان ..

. . . . . . . . . . يزيد الجهل فينا ونبقى بلا حكمه ..!!

::

خـــالي .. جدّتــــي .. عمّـــتي .. والدي ..!!

صعب أن أفقدكم كلّكم في ظرف عام .. ولكن .. إنّا لله وإنّا إليه راجعون .. !!

" مع العلم أن والدي متوفّي منذ .. 1414 هـ .. ولكنّي أفتقده كلّ لحظه .. !!

::[/align]

ماجد المري · 13-04-2008, 03:59 PM

[align=center]::

الدمعه .. اللي شكّلت مجرى هلى خدّ الحزين ..

. . . . . . . . . . كنها .. تقطّع من شرايينـــه وتكشــف سيّــته ..!!

:

تنزل على عوج الحنايا واتّمركا في البطين ..

. . . . . . . . . . والقلب يحضنها غلا وتصير في ملكيّــته ..!!

:

ما ساقها غير الزمن الأقشر وصدّات السنين ..

. . . . . . . . . . اللي تخالــف راعــي الســر عن ســرّيتـــه ..!!

::[/align]

ماجد المري · 13-04-2008, 07:30 PM

[align=center]::

الخفجــــي ..

. . . . . الدمـــام ..

. . . . . . . . . . الرياض ..

. . . . . . . . . . . . . . . جــدّه ..

. . . . . . . . . . الرياض ..

. . . . . الدمـــام ..

الخفّجـــي ..

رحلة ألم .. ما تنّسى .. في صبح ولا في مسى ..

ما ذاقها غير الشقي .. اللي من المرّه سقي ..

رحلـــه .. شقى غير الشقا .. والله يعلم كم بقا .. منها تغير مدمعي .. بدال ما ينزل ... رقا ..!!

وآخر فصول لرحلتـ(هـ) .. ما فاد فيها حيلتـ(هـ) .. وأنا هنا كلّي عنا ..

ما غير أناظر فالبنا .. وأطلب من المولى هنا .. يا ربنا الطف بنا ..

::

الرحله : " سفينة " تقودها الأمواج بدون قبطان ولم تجد ساحل تقف فيه حتى الآن مع عدم وجود مياه تبحر فوقها ..!!

::[/align]

ماجد المري · 21-05-2008, 04:05 AM

[align=center]::

" ربّـــي لا تذرنـــي فـــردا وأنــت خيــر الوارثيــن "

اللهـــم آميــــــن ..!!

::[/align]

ماجد المري · 20-06-2008, 02:17 PM

[align=center]::

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحاجه اللي قرّبت الأخوان من عقب بعدوا=واللي ليا غابت تباعد كل ما كان اجتمع
يا ليتها ما جات يا المطلوب في يوم جحدوا=عشان يبهت شيء ما يلمع ولا عمره لمع[/poem]

::

^^^ يا ليت أحد يفهمها ^^^[/align]

ماجد المري · 20-06-2008, 02:24 PM

[align=center]::

نفسي القى للشعور اللي سكنّي وطن ..!!

ونفسي القى للحياه بهالحياه أيّة ثمن ..!!

وقّفـــت .. قـــدّام الزمن وقفة رجال ..
. . . . . . . . . . ســــوّيت .. لكـــن المقاديــــر سوّت ..!!

^^^ قمّة التعبير ^^^

بيت تمنّيتني كتبته ..!!

::[/align]

ماجد المري · 21-08-2009, 01:21 AM

::

كنت أكتب حروفي .. هنا ..

كنت .. أنزف جروحي .. هنا ..

وألحين عدت من الوله .. والصدر كلّه أسئله ..

والقلب في يمنى هله ..

جيت وبجيب اللي بجيب ..

بس الوكاد انه قريب .. من قلبي اللي ما يطيب ..

يصحى على الجرح وينام ..!!

::