مكالمه في أخر الليل للاعضاء لايفوتكم

[مشاري]

كنت نايم.. وبعالم الأحلام هايم
مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..
رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت..

قلت هلا
وقالت اهلين..
نوره موجوده؟؟

قلت وأنا صوتي رايح فيها..
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..

بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه..

وقالت شكلك كنت نايم..
قلت لا.. توني قايم..
قالت تدرس ؟؟

قلت الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامك الليل تذاكرين..
وعلى الله تعتمدين..
واللي يزرع جح ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين..

وحنا نسولف في أمور..
من شو اسمك الين غلاء المهور..

قالت اسمي (ود) وقلت لها انا احمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال

وحنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..


وبدلع..قالت أنت تشجع الوحده؟؟

قلت في قلبي.. مادري أجاوبك بكف ولا بنعال..
بالله عليك هذا سؤال؟؟

قلت أنا هلالي .. وما يهمني القيل والقال..
هذا الكوماندوز هذا حبه طاح في القلب ولا ينشال..
والشمس مايغطيها مشخال..

قالت شمعنى الزعيم !!..
قلت يا بنت.. الشعب فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر..

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..

قالت.. احمد..
قلت آمري يا ود..
قالت اوصف لي شكلك..

هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى ود
المهم ان تواعدنا..
والموعد بكره في المول قررنا..
بين خوف وامل تواعدنا..

وقضيت ليلتي في حيرة..
شو البس؟؟ جنز ولا كندوره والله حيرة..
مافي غيرها تفك الحيرة.. شيشه و تعميرة..


ورجعت للبيت اعاتب امسي وابتسم لغدي..

وبصعوبة نمت.. قعدت اتقلب وون..
يا قلبي قلي شو اللي من الحب اهون؟؟

غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..

وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..

مب سوالف شجاعة.. هذي اكبر بطولاتي..
اذا خسرت بتضيع احلى امنياتي..
جلست ادور والف وحول المكان اطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..




وفجاءة..



وصلني مسج..
يقول..
سويتها فيك يا احمد..
رد بيتكم وخل عنك هسوالف ياتـعبان


روح نام ..
تعيش وتاكل غيرها
و سويتها فيك ..


المرسل:
الوالدة.
ههههههههههههههههههههههههههههه




تحياتي / مشمش

[الساطع]

هههههههههههههههه

الله يرج إبليسك

تسلم على هالمكالمة

الساطع

[أبو رائد]

تسلم يا مشاري


وفعلا .. مفاجأة



لكن مفاجاة ظريفه جدا



الله يعطيك العافية

[ديما]

[align=center]

صاادووه


مشاري تعيش وتأكل غيرها


تسلم ع الموضوع [/align]

[عواد العنزي]

والله اني منسجم مع القصة آختها امك

الله يرجك

بس حلووووووووووووووووووووه يعطيك العافيه

تقبل تحياتي وفائق أحترامي ياهلا لي

[فـتـــــــــون]

[glow=FFFF00]لووووووووووووووووووووووووووول


أم عجيبه


بس صايده الحركه



ههههههههههههههههههاآآآآآآآآآي



يسلموووووووووووووووو[/glow]

[ابتسـ ألم ـامة]

[glint]هـــلا وغـــلا
أخوي مشاري [/glint]



هههههههههههههههههههههههههه


قووووووووووية



أم غير شكل



أحلى صيدة


يسلمو ويعطيك العافية


ربي يسعد قلبك مثل ما أسعدتنا بهذه المشاركة


يعطيك العافية




كلمــات مــن ذهــب

دعا أعرابي فقال
اللهم إن كان رزقي نائياً فقربه او قريباً فيسره
أو ميسراً فعجله أو قليلاً فكثره أو كثيراً فثمره

[قمر الليل]

مشكـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــور يا مشاري ع الموضوع


تعيش وتاكل غيرها

هئ هئ هئ هئ