تذكر وحشتة المنديل ....

[كاتم الاحزان]

ما قلت لك ...
ان الشتا ملح الفصول الاربعة
وانك تلاقيني معه
لا مر صوتي ..وانتثر ..حس المطر
تشتاقني واشتاقلك ..تحتاجني واحتاج لك ..
نشفق على ايامنا ..احلامنا ..حزن ربا بكتابنا ..
طهر الشعور ومنبعة ..وعيون راحت تتبعة ..والادمعه ..

***
احيان لامر الكلام
وده يعانق صمتنا
يلحق على مافاتنا
يشعل ماسي وقتنا
ودة يترجم ذاتنا
والصمت ما رد السلام ...والله حرام

***
لو قلت لك ..
لو قلت لك ان الشتا ملح الفصول الاربعة
ويمكن تلاقيني معه
يمكن تعاند وقتك القاسي
وتبدى من جديد
يمكن تكون انت الوحيد
اللي عشق صوت المطر
اللي تبع سكة حنينه وانتظر
اللي حبس دمعه ومأساته تزيد
والريح لامازعزعه
لان الشتا ملح الفصول الاربعة
ويمكن تلاقيني معه ...

***
مسانا يشعل القنديل
يحضن نورة لباكر..
هذاك الليل ماهو ليل
واكثر دمعنا ذاكر ..
تذكر وحشة المنديل
اكيد ان حزننا فاكر ..
تعال نولع القنديل
نلم النور من باكر ..
نحيا مع دموع الشتا
ونموت في صوت المطر..
والشوق يسألنا متى
لهفة لقانا تنتظر ..

***
تهنى حبيبي في الزحام
والروح ضاقت من سعة
نمنا على درب الكلام
داست وفانا الاقنعة
معذور لأمتد الخصام
حبل الاماني واقطعة
يبقى الشتا ملح الفصول الاربعة
ويمكن تلاقيني معه ...

***
في عين حزنك يالعمر طاري يشدك للفرح
مد ابتساماتك مسا والجرح بعيونك يهون
ذبت بخفوق ماقوى يجرح حبيبه لو جرح
الكون في كفة يكون وكفة احبابه في كون
كنك تلوح لي غلا من قلب صادق منشرح
واجي من احساس الضنا لاحساس نظراتك عيون
روح الشتا والملح وكتاب السهارى والفرح
عشق المسا والصبح والسكر وقلبك ياحنون
لو كل عبرة ترتويها من عيوني ما سرح
فيك السهر ولاتلون حزننا بين الجفون
لو كل معنى يحتويني من عذابك مافرح
ماترتمي بين السطور والروح والنبض بجنون
شوف الشتا يرسم تفاصيلك وتوة ماشرح
كيف العمر يجرح عيون انسان اغلى ما يكون ؟
يبقى الشتا ملح الفصول الاربعة
ويمكن تلاقيني معه


__________

منقووووول

تحياتي