ياجرح بستأذنك انام لي ساعه
وارجوك دخيل الله لاتصحيني
الي خمسة ايام اعيش السمع والطاعه
ولك خمسة ايام تامرني وتنهيني
والمشكله اجت عروق القلب فزاعه
ما بيكفي انك سرقت النوم من عيني
اصبحت انا الكاز وانت امسيت ولاعه
..شيبتني يلعن اهلك وش يطفيني
دكتور وممرضه وابره وسماعه
في كل ليله ما يدرون شو فيني
ياسيدي الجرح قلبي يشتكي راعه
لا الذنب ذنبي ولا الموضوع بيديني
حبيت واخلصت واثر الحب فقاعه
روح وباقي يموتني ويحييني
غيري هدر دم عشق وللاسف باعه
غيري قتل كل حب بحد سكيني
وانا الي اصبحت للأخطاء شماعه
وادفع ثمن كل غلطه من محبيني
قبلي في العشق ناس وتشكي اوجاعه
قالوا متاهه وانا جيته برجليني
بدايته سلسله ..والنفس طماعه
اغراني ادري ولا في شي يغريني
واليوم لو قلت يا اهل الحب واطباعه
انتوا على دينكم وانا على ديني
اجبرني الجرح اعيش السمع والطاعه
حتى ولو قلت له ياجرحي اعفيني
من خمسة ايام وانا في رجاه ساعه.
وان جيت بانامها جرحي يصحيني
المواضيع المتشابهه
العرض الشجري