ياصاحبي والحب مابه مّزاحي**واللي هوى لاحب واعزتيله (مجاراه)

[عقيلي المجلاد]

السلام عليكم ورحمة الله وبركاته
قصيده قراتها للشاعر القدير / ابو عمر
فاستحثت شاعريتي لقبولها وجزالتها وجاريتها بقصيده واتمنى ان تنال على احسانكم واعجابكم
اترككم مع قصيدة الشاعر القدير/ابو عمر

[poem=font="custom ...,6,green,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
قالت علامك قلت مانيب صاحي=فيني الهيام وعلتي مستحيلة
ابغى الطبيب اللي يداوي جراحي=يشفي هوى قلبي ونفسٍ عليلة
قالت تصبّر قلت والصبر راحي=مالي على فرقى العزيزين حيلة
قالت كثيرات البني و الملاحي =اختر عسى تلقى البخت والحليل
قلت البلى قلبي مع الزين طاحي=ماأرضى بغيره في حياتي بديله
لو جن بنات الترك مثل الصباحي=وإلا بنات الغرب في ظرف ليلة
وقالوا تخيّر واستلم لك جناحي=ما أختار غير اللي سلبني بحيلة
الجادل اللي صابني بالرماحي =أروح فدوة للعـيـــــــون الظليلة
قالت عسى دربك نجاح وفلاحي =مالي على قصر الكلام و طويلة
ياعل درب اللي يحبك سماحي =جعل السعادة تعترض في سبيلة
هذا الوفا يااهل الوفا يوم فاحي =ياسعد من هو تحتويه و تجيلة [/poem]

مجاراتي للقصيده

[poem=font="traditional arabic,7,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يازين حرفٍ كنّه البرق ضاحي=يلمع بريقه بالحروف الجزيله
يقوله اللي بالهوى ماستراحي=يشكي غرام اللي عيونه كحيله
مالوم قلبك لو تعذب وناحي =دام الحنايا من غلاها تشيله
ومالوم دمعك لو تحدر وساحي=فرقا الحبايب بالضماير ثقيله
الحب ماعذرب طيور الفلاحي=كم عين شيخٍ من سببهن هميله
قبلك شكى من حبّهن واستباحي=عنتر وقيس ابن الملوح قتيله
ياصاحبي والحب مابه مْزاحي=واللي هوى لاحب واعزتيله
لوينشكي حبي لدار الصباحي =يبكي هل الساحل وتسمع عويله
ولو ينشكي حبي لْمومي الجناحي=عاف المطير وبرقعه مايزيله
ولو ينشكي حبي لصلف الرياحي= وقف هواه وصار همه زميله
وحظك لوإنه صافيٍ لك قراحي=لابد مايقفي ويبعد حصيله [/poem]

الشاعر / عقيلي بن نايف المجلاد