السلام عليكم ورحمة الله وبركاته
كان عندنا في البيت طباخه صغيرة
كانت الوالده تسوي لنا هالاكلات الحلوة اللذيذه مثل الخبزة والمرق والكبسه والمقلل
وعلي ايام الطفره اشتري الوالد رحمه الله فرن ابو اربع عيون
وكنت مستغرب من باب الفرن اللي يفتح من قدام
وكان عندنا سخان ماء في الحمام يعمل بالغاز وكان الوالد يولع السخان علشان يغلي الماء لزوم الوضوء والاستحمام ايام الشتاء
وفي ايام الشتاء القارص كانت دفاية الكاز اللي كنا نعبي الكاز فيها من براميل بواسطة هوز ضغاط او بالهندل
وكان عندنا تلفزيون ابيض واسود ابو طقطق
وايام الطفره اشتري الوالد تلفزيون ملون له ارجول وباب سحاب
واتذكر طشت الغسيل اللي كانت الوالده تغسل فيه ملابسنا وبعدين شرينا الغساله ام عصارة اللي كانت تعصر الملابس لما نحط الثوب بوسطها ونلف الهندل علشان تعصر الثوب
بصراحه اتذكر المعيشه قبل الطفره وبعد الطفره
اختلاف كلي
لكن الطبائع لم تتغير في ذلك الوقت
المواضيع المتشابهه
العرض الشجري