لقاء عضوه في مطبخ الرائديه مع ثلجه وشذى

[بــ الخفجي ـنت]

هلا يالغ ـلا .. أعتذر عن الإطاله بس كان عندي ظروف عائلية

- عرفينا عن نفسكـ وخاصه في الطبخ وعلاقتك بالمطبخ ؟؟

امممم بالنسبة لي أنا والمطبخ مو أصحاب مرررهـ بسبب ظروف شغلي ما ادخل المطبخ إلا نادراً

- تحبين الطبخ او لا؟
أحب الطبخ .. بس مو دايم إذا كان لي مزاج
- من هو الشيف اللي تحبين تتابعين وصفاته بشكل دائم ؟!

منال العالي عندها شغلات حلوهـ .. بس مو دايمـ

- وجبتكـ المفضله وهنا أقصد ( الفطور _ الغداء _ العشاء ) وأيضاً نوع الوجبه .؟

الفطور أكيد هي أحلى وجبه بس للاسف ما تحصل لنا الا بالاجازات والجمعات العائلية .. واحب فيها النواشف هههههههههه



- طبق تحبين تسوينه كثير ..؟

الكودوو انا شاطرهـ فيه ويحبونه من يدي دايمـ

- الطبخات اللي تسوينها معدودة ولا كثير وماتنعد ..؟

لا معدوودهـ


..
- اول مرة دخلت المطبخ كم كان عمرك لو تذكرين..؟

اممممم ما اذكر والله بس أعتقد يومـ كنت بالابتدائي اطبق درس تعلمناهـ بالاقتصاد

- اول طبخه طبختيها وش كانت ..؟

والله ما ذكر يالغ ـلا

- طبخه طبختيها وفشلتي فيها وش كان شعوركـ وقتها والكل منتظر تخلصين ..؟

ههههههههههههههههههه طبخت مره مقلوبة رز وكنت مره متحمسه وطبعا اول مره اسوي هالطبخة بس ماما كانت مسافرة وكنت انا ماسكة البيت وقتها المهم كان عندنا شغاله ملقوفه راحت رفعت على النار من كيفها جيت لقييت الماي حق الرز خلص والرز ناشف رحت من الشطارة زدتة ماي هع والله لا يوريك كيف طلع طعمها ماصخ ع الاخر طبعا انا من عرفت انها فشلت ارسلت اخوي ع المطعم ع طول جاب لي مندي هع وابوي كل شوي يقول يالله وين الغدى وين الغدى لين جا المندي حطيته بصحن بيت وقدمته لهم طبعا الحركه ما مشت قال ساعه مسويه تطبخين لنا واخرتها اكل مطعم قلت له وربي طبخت بس ما ضبط ورحت غرفت المقلوبه بصحن وحطيتها ع السفره بس علشاان يتاكدون اني طابخة وطبعا يالغلا اذا كنتي انتي اكلتي منها اهلي اكلوا منها ههههههههههههههههههههههه

- طبخه طبختيها والكل مدحكـ !؟

مره سويت كبسه عن تحدي .. كنا بنطلع البر وكان في تحدي بيني وبين كم حرمه .. بما اني مالي بالطبخ نهائيا .. قالوا نتحداك تطبخين بدون ما تدخل لا امك ولا الشغاله .. وطبعا محد فيهم بيطبخ يعني بيطلعون ومعتمدين على اللي بجيبه يا يضبط يا ما يضبط

وطبعا مسكت لك الجوال وادق ع خويتي ومشت معي خطوه بخطوه لين سويت لك كبسسه الا اليووم يتكلموون عنها الحمد الله

بس الطريقه نسيتها ههههههههههههههههههههههههههههههه


- موقف طريف صار معاكـ في المطبخ ..!؟


مره كنت رايحه اصلح لي شاي قبل لا اروح المدرسه ايام الثانويه ..وكانت هذي اول مره افكر افطر فيها قبل لا اطلع من البيت بس لاني كنت صاحيه بدري يومها .. وطبعا اخر مره هههههههههههه .. وسمعت صووت غريب عند شباك المطبخ يوم لفيت لها لقيت قطوه تحاول تدخل وانا يومها كنت اكره القطاوه جلست اصرخ واقول لها لا لا وهي تدخل لين نطت داخل المطبخ رحت ركضت لبرى المطبخ وسكرت الباب بقوه وجلست متكيه عليه علشان ما تفتح الباب ههههههههه مدري وش اللي اوهمني وقال انها بتفتح الباب

الموهم طبعا على صراخي صحوا كل الللي بالبيت وجو يركضون مو عارفين وش السالفه طبعا اشكالهم كانت توحفه

جلست اصيح وقلت ماعاد رايحه المدرسه وجا السواق وطلع القطوه من المطبخ ههههههههههههه

- يعتمد عليكـ في الطبخ او لا ..!

يعتمد اذا كانوا مضطرين ومافي غيري وقتها ابيض الوجه

- أكثر شي يعجبك في الطبخ وأكثر شي تكرهينه في المطبخ؟؟


اكثر شي يعجبني .. امممم مدري مافي شي في بالي .. بس اكثر شي اكرهـ ريحه البصل هع


- هل انتِ ممن يتبع مقوله ( العين تأكل قبل الفم ) وماهو أدني حد لتنفيذك لها ؟!

اكيد ما حب اقدم اي طبق الا اذا كان مزين ومرتب

- أكلة من وجهة نظرك ما تضبط ألا بشغل البيت (( يعني مو من مطعم ))

الاكلات الشعبية .. وورق العنب

- أكلة ما تضبط في البيت (( يعني ما تصير حلووة إلا من المطعم )).

مافي احس ان اي شي ممكن ماما تسويه لنا يطلع اطيب من المطاعم

بس ممكن الوجبات السريعه بس والبرجر

- قوليلنا وصفه لطبخه حلوه كثير تسوينها عشان نجربها ..!؟

اممممم في الكودوو بجيب لكم طريقتها ان شاء الله

- سوي طبخه وصوريها لنا اذا تقدري ..!؟

اووك من عنووني باقرب وقت بدخل واسوي لكم بس مو اليوم

- نصحيه توجهينها لطباخات الرائدية.!

هالله هالله بالطبخ العدل .. ما اوصيكم .. وزي ما تعرفون الطريق إلى قلب الرجل معدته < قولي لنفسسك

ارجع مره ثانيه اعتذر عن التأخير

وان شاء الله بكذا اكون اجبت عن كل تسأولاتكم ..

تحياتي لكم

بــ الخفجي ـنت