وهذه للرائع
عبد العزيز الجلعود
ياصاحبـي مانـي بخابـرك شتـام
وبـروق مزنـك يجهـرن العيونـي
وأشـوف سحبـك مدلهمـات قـدام
وبرقه ينوض بكـل شكـلٍ ولونـي
ثم زمجرت برعودها تحـت ألأقـدام
وهلـت سحايبهـا رمـاحٍ طعونـي
ومن فوق راسك بانت أقواس وأسهام
وأشوف شـرك رابطـه بالردونـي
ومتقلدٍ سيفـك تقـل سيـف همـام
وفي محزمك خنجر يقـدّ البطونـي
هديت خيلك وانـت فـارس ومقـدام
وجريت جيشك بالسهـل والبطونـي
وانا سرجت خيولي وشلت الأعـلام
وهالك ما شفته من مباني حصونـي
وماني من اللي يلبـد وعيـه تنـام
حراً شلع من نجـد فـوق المزونـي
وياصاحبـي للشـر مانـي بهيـام
ومالي ومال الشـر يقفـي بدونـي
وانزل عن اقرون الشياطين يا غـلام
ومالك ومال اللـي بقرنـه جنونـي
وحنا بعصـرٍ كلـه أسـلام بسـلام
وسلام لك منـي يصـان ويصونـي
[move=up]عبد العزيز الجلعود[/move]
المواضيع المتشابهه
العرض الشجري