.
.
مدخل | ..
تهنيني بـ كل العيد .. واهني عيدي بقلبك
عساك بخير ياعيدي .. عسى عيدي فرح وياك
~ ~ ~ ~ ~
جيت بدري .. شايل افراحي بـ صدري
شايل احساسي وناسي في يدك ياكل عمري
جيت من بعد الصلاة .. اسبق انفاسي لإيديك
والله ادري
ان اعيادي معك عن ألف عيد
جيت بدري .. واحضنك في جوف صدري
وانت خير لكل عام
.............. وانت عيد لكل عمري
يادفى ايدينك حبيبي
.............. خل هالعالم تعيّد لما تتصافح يديها في يديك
انت عيدي
وانت كل الإإحتواء اللي بـ وريدي
وانت احساس الفرح في وجه طفلٍ قام بدري
.............. ينطر اخوانه وابوه
انت عيدي
وانت كل الأمنيات اللي بـ خيالي
وانت انشوده فرح للعيد دامي فيك سالي
تحضن الأشياء لإنك انت عيد
.............. يلمحك شباك لإنك إنت عيد
تسبقك غيمة تبي تظللك لإنك انت عيد
.............. تسرقك بسمة لإنك إنت عيد ..
انت خير لكل عام . وانت عيد لكل عمري
عيدك مبارك حبيبي
مخرج | ..
انا والعيد ماجينا ولكن السنين تجيك
انا والعيد جينالك نبارك عيدنا وياك
عساك الخير ياعيدي امانه ضمني بإيديك
بألملم سكرك واحيا بأنفاس الهوا برضاك
واقول بشوق ياعيدي : بأعايد وجنتيني فيك
بأسابق روح تتغلغل لـ مصافح زهر يمناك
للشاعر فهد المهوّس 
المواضيع المتشابهه
آلــ 1000 ــف ع’ـيد ... لـ / المذهل : فهد المهوٌس
العرض الشجري