مسكين .... و .... لعينه

[ماجد المري]

أعضاء منتديات الرائدية أتمنى أن تكون هذه المشاركة في مستوا تطلعاتكم

لأن ما لمسته من ردودكم على قصيدتي الأولى جعلني أفكر ألف مره قبل أن أنزل هذه القصيده





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قبل الوداع وقبل لأنتي تصدين=عندي كلام ولازم تسمعينه

والله لو بعدي عرفتي ملايين=ما تعرفين اللي يجود بسنينه

أنا على شانك تحملتك سنين=ياما تحملت القهر والغبينه

وانتي بحياتك كل همك تسلين=للحين ما تدرين شللي تبينه

يا ما تمنيتك تجين وتنامين=راسك على كتفي وكنك حزينه

وياما تخيلتك وكنك تقولين=تراي يا (( ماجد )) بدونك سجينه

ويا كم مره قلت يمكن تدقين=واذا تأخرتي أموت بسكينه

والموت لا دقيت وانتي تردين=واخطيتي باسمي وانا لك رهينه

أنا حسبتك من خفوقك تعشقين=واثارني مسكين وانتي لعينه

تدرين أحبك والبلا انك تعرفين=وانا من أولها وقلبي بيدينه

وانتي ولا همك من اللي تحبين=القلب قاسي والمشاعر دفينه

حاولت أغير فيك وانتي تعيين=واللي مثل شرواي ربي يعينه

الحب غايه والفرايس كثيرين=وأهل الوفا صاروا بأبعد مدينه

والحين صدي وابعدي ولا تعودين=حرام قلبي يرتبط في لعينه[/poem]



ملاحظه : ماجد _ واحد ما اعرفه



=== وسلامتكم ===


تقبلوا تحياتي

_-_ الخطــر _-_