[frame="11 98"] بسم الله الرحمن الرحيم
السلام عليكم ورحمة الله وبركاته
هذه قصيدة كتبها الشاعر نواف لكن لااعرفالسلام عليكم ورحمة الله وبركاته من نواف عندما سمع قصه من احد اصدقائه بأن احد الاصحاب قد توفى في حادث وكتب هذه القصيدة ولكم القصيدة ...
امنت بالله في خشوع ومهابه = ورضيت في حكم القدر دون تعليل
وايقنت ان العبد لله مآبه = لابد من يوم(ن) يجي دون تمهيل
وا قلبي اللي سهم الاقدار صابه = الجرح كايد ما تفيده تحاليل
وياونتي ونة مضيع ركابه = ماله من الدنيا سواهن محاصيل
وإلا ضعيف(ن) حاربوه القرابه = ردي حظ ودنيته زادت الكيل
من واهج(ن) بالكبد زاد التهابه = يفوح فوح مهيلات المعاميل
على العزيز اللي فقدنا جنابه = اللي بعيني كان هو زهرة الجيل
مني خذاه الموت باول شبابه = وما يعود لي لو الحق الويل بالويل
من عقب غالب صار وقتي كآبه = وفرقاه بي طفت جميع القناديل
وامه تجر الصوت من حر مابه = على خدوده يجري الدمع ويسيل
الله يعزيها ويجبر صوابه = على فراقه بالليال المقابيل
ودعته اللي ما يخيب الرجا به = سبحانه اللي محصي العدل والميل
يالله طلبتك يا سريع الاجابه = ياللي حميت البيت من صاحب الفيل
ترسل لغالب رحمتك في ترابه = وتجعله يا ربي وسيع المداخيل
وليا بعثته في يمينه كتابه = وبجنة الفردوس باعلى المنازيل
الموت حق وكل نفس(ن) تهابه = الحق حق ولا عن الحق تبديل
جودي بدمعك وامطري يا سحابه = واسترسلي يا عين صبحك مع الليل[/frame]
المواضيع المتشابهه
العرض الشجري