متسولة في مدارس الخفجي للبنات

[طالب حرش]

السلام عليكم ورحمة الله وبركاتة


للاسف التسول ظاهرة منتشرة من زمان في البيوت والشوارع .. وطبعاً صارت موضة ما يعرف من خلالها المحتاج من غيره

وخلال الاسبوعين هذي في أمرأة اعتقد زارت اغلب مدارس الخفجي للبنات والروضات

تتسؤل بقصه ان زوجها مات وولدها مريض بالسرطان ولازم يتعالج ورحلتها الساعه 2 الظهر

وراعي العمارة يطلبهم 20 الف جمعتهم وباقي اعتقد 2000 وشي

وهي معاها بنت صغيره تزعم انها مو بنتها بنت اخوها

طبعا هذي القصه كررتها في كل المدارس

وبعد ما تم التحقق من المستشفى العام اتضح ان مافي مريض بأسم ولدها اللي قالتة

ولو هي صادقة .. ورحلتها الساعه 2 مو المفروض انها مسافرة من اول يوم زارت فيه المستشفى مع العلم ان هذا الاسبوع الثالث من قصتها وإلى اليوم هي مارة على 4 مدارس او 5

وهالخبر انا متأكده منه 100% لانها مرت على مدرسة احدى قريباتي .. واللتي تأكدت من بعض المعلمات في المدارس الاخرى واللي أكدوا لها انها زارتهم وقالت لهم نفس القصة

انا نشرت هالموضوع لاخذ الحيطة بس .. وللمعلمات علشان يحتاطون في التعامل والتبرع لمثل هالمتسوالات

لان اللي وصلني ان المعلمات مو بس تبرعوا لا تأثروا واجد بقصتها اللي أثرت على نفسيات الكثير منهم


الله المستعان .. والله يكفينا واياكم شر هالظاهرة


ولكم جزيل الشكر