ماشاء الله عليك اخوي ويعطيك العافيه .والله كلمات من ذهب ..وتسلم الايادي .. بصراحه حنا محتاجين وبقوه مثل هالمواضيع . موضوعك مهم جدا جدا
وللاسف الفئه الموجوده والمنتشره حاليا وبكثره كما ذكرت هم ( اشباه الرجال )وحنا البنات نعاني من هالشي .. اغلب مشاكل الطلاق والعنوسه منهم <<بتقولي ليش
يايجيك واحد تتورط فيه البنت وتكتشف انه عنده نقص وفقدان للثقه )فتتطلق لانه ماتتحمل تعيش مع مريض نفسي شاكك في نفسه وغصب الا يفرض رايه ورأيه غلط
او انها تجلس في بيت اهلها ابركلها من زواج نهايته فشل ( ما اقولك مافي رجال بس والله يمكن ينعدون 
)
وانا استغرب من جد من الاهالي اللي مثلا عندهم عشر طعش ولد ولا فيهم رجال . منظر بس .. اذا جلس في مجلس رجال مايقدر يقول كلمتين على بعض .. ولا يصلي .. ولبسه غلط .. والمشكله يزوجونهم وهم يعرفون ان عيالهم مافي اتفه منهم <<اسمحلي على الكلمه بس والله شي يحزن 
يعني بصراحه اللوووم كله على الاهل
المفروض يربون عيالهم ويعلمونهم معاني الرجوله علشان مايورطون بنات خلق الله فيهم 
..ولا يورطون المجتمع بناس فاشله (ولو تنتبه لشغله ترى اغلبهم فاشلين ومو مكملين دراسه ( طبعا في رجال ومو مكملين دراسه وهذولا لهم احترامهم اكيد ..يعني مو قاعده .. بس انا اتكلم عن اشباه الرجال )
واذا مايبون يربوهم اقل شي ينصحونهم ( كيف يتعامل - كيف يتكلم مثل الناس-الاحترام -الثقه بالنفس -الصدق - الصلاه.. ) مو كل كلمه والثانيه انا رجال -وبيده دخان-ويفرض رايه ورايه غلط بغلط -(نقص رجوله ومافي ثقه )
بصراحه اسمحلي انشر موضوعك بالمنتديات .. ولو بكيفي اطبعه ووزعه كمطويات للشباب بالخفجي ( لأني بالخفجي.. ) مو للكل .. اتكلم عن هالفئه فقط << كوقف خيري 
.. والله ماتدري يمكن واحد منهم يسترجل.. ولك الاجر << ادري معصبه لاني كنت اعاني والحمد لله افتكيت
نصيحه اخيره لكل بنت .. انتبهي انتبهي انتبهي .. تتزوجين واحد مثلهم لانه مصيرك الطلاق ... فالاحسن انك تقعدين في بيت اهلك معززه مكرمه ولا يجيك واحد نفسيه يخربط على راسك .
الف شكر وتسلم الايادي اللي كتبت
من اجمل ماقــــــــرأت 
تقبل مروري
المواضيع المتشابهه
العرض الشجري