يالعن ابو صهيـون سفاكـة الـدم
لا رحم ابـو جـدٍ وذتنـا عيالـه
ابطيت يالمنجوس تذبـح ولـد عـم
لو هـي نهيبـة قـوم ولا غيالـه
شارون للطاعون يا جعلـك الهـم
سلل لك السلال يسلك فـي سلالـه
ولد اليهودي شايخ ٍ ماغيـر يلطـم
يفعل له المفعـول فعـلٍ بالهوالـه
كم من رضيع جـاك للدنيـا تبسـم
مايدري عن حاله يتيم عنـد خالـه
وكم من بنيه ترتعد في ليـل اظلـم
في رحمة الخلاق وتعايـن هلالـه
وشفت المره الـي تلعثـم ماتكلـم
دمعاتها تروي صور منهي حلالـه
وليا نصينا مجلس الأمـن المعظـم
صكو علينـا وضيعونـا بالحيالـه
ياحضرة الحكـام حاضرنـا تهـدم
ياليلنا ماطولك ياصحـاب الجلالـه
ياراحت ايام العرب ماغيـر تسلـم
صبو لي الفنجال وبهر لـي دلالـه
مع بنت بن عجرم وروبي الله اعلم
ضاعت علوم القوم يالالـي يالالـه
وينك صلاح الدين والجيش العرمرم
وسيف الله المسلول ياراحو رجالـه
وسلامتكم
المواضيع المتشابهه
العرض الشجري