(( قصيدة طوينا صفحة الماضي + عدة ردود ))

[أبو فيصل]

السلام عليكم

من وارد إيميلي

قصيدة ( طوينا صفحة الماضي ) للشاعر / السامر

طوينا صفحة الماضي وتبنا
خذينا اللي كفانـا وانتهينـا

وعن قولة نبي نصبر تعبنا
وعن من لا يراعينا سلينـا

نبي نسلا من الحب ونشبنا
عذاب الحب مكتوبٍ علينا

نهاية حبنـا ياسـه غلبنـا
ولكن يا زمن وش في يدينا

لحبك يا بعد روحي شربنا
وتكسر كاس حبك في يدينا

--------------

الرد الأول

لو الماضي مثل صفحات قلنا
طوينا صفحة الماضي ونسينا

ولكن ظل ماضينا تبـــعنا
وتلاقينا.. لياقلنا انتهينا

رجعنا للهوى لاجله غصبنا
وتشابك بالوله غصب يدينا

الا يا صورة الماضي تعبنا
عن السلوان عنك ما قوينا

ملكنا الهوى وما قال طعنا
تبعنا مقفي لـــو ما يبينا

غرام اللي بنظرته سـلبنا
عليه من الوله ياما بكينا

لياقلنا نبي نسلا وبعدنـا
دعانا بالوله طيفه وجينا

فضحنا الهوى مهما جحدنا
عطينا كل شئ وما خذينا

غرامه لوتكابر به غلبنا
من اللي انتهى منه ابتدينا

ياخوي الماضي .. الماضي
وتلحقنا ملامه لو شكينا

ولو قلنا مثل ما قلت تبنا
غرام راح ..محسوب علينا
--------

الرد الثاني

كتمنا حبك الواجد وشفنا
ورسمنا ما مضى في يدينا

حبيبي شوفتك هي سعدنا
ولو إنك دوم تبطي علينا

وعن قولة نبي نغرم عشقنا
وعن من لا يجافينا عطينا

نقشت اسمك بقلبي يادلعنا
وليتك يابعد روحي تجينا

ما أظن بحبنا يوم اختلفنا
ولا نقدر نقول إنا نسينا

وفي دربك ترى ورودٍ نثرنا
قصيدة حب من شانك بنينا

ولا نصبر بغيابك مهما كنا
ياويلك لو تقول بس اكتفينا

ذبحت القلب عشقاً ياوطنا
ويالله تجيب اللي عشقنا
--------

الـرد الـثـالـث

بغينا نطوي الماضي وتعبنـا
لقينا صوت من الماضي يجينا

شبعنا من حبيب مـا شبعنـا
ومن كاسه ابد ما قد روينـا

سلكنا كل درب مـا سلمنـا
نبي نرضيه وهو يزعل علينا

عشقنا الحب لجله ثم عشنـا
عشانـه ابتدينـا وانتهيـنـا

نبـي قربـه ولكنـه بعدنـا
واذا في الحب ذله ما هوينـا

وسلاااامتكم