(( لبى عيون كحلها في اللقا ساح ))

[أبو فيصل]

يـلـوح بـراقـه عـلـى العـيـن وارتــاح
ارتــاح لامــن شـــع بالـعـيـن بـرقــه

هـاك الغـرام الـلـيّ عـلـى قلوبـنـا لاح
نـشــف مـدامــع بالغـرابـيـل غــرقــه

امطر على قلبي كما وابـل ٍ طـاح
خضّر فؤاد(ن) بعـد مـا جـف عرقـه

حـيّ الهـوى لامـن تمـكـن بــالارواح
ارواح خلان(ن) شـكـت طــول فـرقـه

اقبـل وريحـه تخجـل العـطـر لا فــاح
وقــف بـبـابـي نـــور عـيـنـي ودقّـــه

حـيـى الله اللّـي مـــا تـغـلـى ولا راح
حيـى الله اللّـي جـت سريعـه وشفّـقـه

لبى عيون(ن) كحلها في اللقا ساح
لبـيـه كـلك لـبــى شـعــري وطـرقــه

خـل الكـدر واعلـن مراسيـم الافــراح
وازرع غـرامـك حــول قلـبـي واسـقـه

قـفـل عـلـى حـبـي بـضـبـه ومـفـتـاح
عــن عـيـن حـسـادك تحـامـى ووقــه

تسـعـد بــه ايـــام ولـيـالـي ويـرتــاح
يرتاح قلبـك مـن همـوم (ن) تحرقـه


مما راق لي