مصافحة أولى أتمنّى أن تنال على إعجابكم (( قبل وبعد ))

[حمــود الشمري]

قبل وبعد

نعم كانت تقول ان الهوى لعبة وكذبة وقـــــــــــــت
ولكن بعد ماحبّت تعالوا نعـــــــــــرف شقالـــــــــت


تقول بليلةٍ كنت اتأمل بالشموع وضقــــــــــــــــــت
وروحي تحترق للهمس في ليلة بصمتها طالــــــت


تتندم على وقتٍ تقول شلون فيه إنسقــــــــــــــــــت
نسيت ان لي احاسيس الفتاه وبالبكا انهالـــــــــــت


كفت دمعها بيدها قالت في البداية اخفقــــــــــــــــت
في هالدنيا نسيت ان لي مشاعر صالت وجالــــــت


تبدّل شي بمفهومي . سألت النفس انا وش ذقـــــت
وهي تشرح لي اللي فات دموع عيونها سالــــــــت


سكتت.قالت ورى ضلوعي أحس شيٍ به اتعمقــــت
صحيت الا انت قدامي وشفت الفرحة اختالــــــــــت


بدت اوتار اشواقي . تعزف لحنها واشتقـــــــــــــت
تغنى الوجد في ذاتي صدح واصواته اتعالـــــــــــت


رقص ماكان بي جامد . تحرك فعلاً وصدقـــــــــــت
عرفت الحب من نظرة . وسرعة نبضي توالــــــــت


كذا كوني بدا أجمل . كذا راق الزمان ورقـــــــــــت
سما فيني الهوى لأعلى السحاب ونشوتي نالــــــت


طموحي بين أياديي . احس اني كذا تفوقـــــــــــــــت
على كبت الشعور اطلقت انفاسي بما شالـــــــــــــت


احس اني فراشة فوق زهورٍ يانعه حلّقــــــــــــــــت
كذا الدنيا بحلاوتها عليْ بزينها آلــــــــــــــــــــــــــت


تقول اني بعد ظلمه. انا بوجه الحياة اشرقــــــــــــت
جمال الكون بعيوني . وروحي للفرح طالــــــــــــــت


نعم قالت عبارتها . من سبات المشاعر فقـــــــــــت
تأكدت وبعد ايقنت . مع دفئ الحكي مالـــــــــــــــــت


نعم كانت تقول ان الهوى كذبة ولعبة وقـــــــــــــــت
ولكن بعد ماحبّت .. سمعتوا فيه وش قالـــــــــــــــت
.
.
.