وآخرتها ؟ ؟ ؟ ؟

[حمــود الشمري]

( وآخرتها .... )
.
.
واخرتهـا ... مـع روحٍ ناطرتهـا ؟
فــي جفـاهـا لعنـبـوهـا موجعـتـنـي

واخرتها ... في عيونٍ سامرتهـا ؟
عن سهرها للاسف مـا طاوعتنـي

واخرتها ... ما كفى انها دمرتها ؟
نفسي اللي يـم سواهـا مـا دعتنـي

واخرتها ... التضحية ما عبرتها ؟
وش بقالي لو انادي مـا اسمعتنـي

واخرتها... في صغيرة وكبرتهـا ؟
ومن سموم الصد يـا مـا جرعتنـي

واخرتها... في رسايل ما قرتهـا ؟
قطعـتـهـا وقـبــل مـنـهـا قطعـتـنـي

واخرتهـا ... بذكرياتـي وغبرتهـا؟
لوعـتـنـي ولوعـتـنـي ولوعـتـنـي

واخرتها ... وكل لحظـة خابرتهـا؟
نثرتـنـي بعثرتـنـي ولا اجمعـتـنـي

واخرتها ... هي كفـو لمغامرتهـا ؟
هـي كفـو تنهـض بعـد مـا وقعتنـي

واخرتها ... على ايديني اخرتها ؟
قبلتنـي وقبـل لا اقطفهـا ازرعتنـي

.

.

.