قصيدة القيتها في حفل عشاء الدهامشه لقبيلة عنزه ومرشحها خالد شحاذه في الخفجي
اسقي معاني فكرتي حتى يجي وقت الحصاد
وليا استوت بعذوقها قطفت لك من طيبه
طير القوافي لاكفخ من ماكره يوم الهداد
ضاري على صيد الجزايل صعبها ماهيبـه
ياسلام الله سلام"فيه ورد وفيـه كـاد
لعيال وايل عزوتي أهل الفعـول الطيبـه
ترحيبة" باللي حضر تعداد ماهب البـراد
من شاعرن ياخذ بكار الشعر ويترك ثيبه
والشاعر اللي مايصوب بندقه قبل الزناد
خطرن عليه يشيلها ملعون منهو سيبـه
والحر مايشكل عليه بواشك"كثر الجـراد
دام الفعل مثل الجدي بدري عليها تغيبـه
حنا ترى عدواننا بحلوقهم مثل الكـداد
نشرب من الدم الحمر وسيوفنا متطيبـه
لبس قز وطعن كز وراس عـز ولانقـاد
اهل طيب وريح طيب وكل راس نشيبه
عيال وايـل مانتمايـل ثابتين"بالشـداد
ساس مجد بكل عهد ولو حكيت شوي به
الاوله عدت وراحت تعتبر كبوة جـواد
والثانيه لاماتمـر بـإذن الولـي مانخيبـه
نقلط عليها قبل لاتفسد وتصبح لك رماد
هذي عوايد لابتي عند اللـزوم قريبـه
المواضيع المتشابهه
العرض الشجري