مابيك تصدقني إذا قلت مابيك
هل قد سمعت أحدٍ كره يوم روحه
اموت في قربك وتربة اراضيك
واموت في جنون الفنون ومزوحه
في الله كذا احبك وفي الله باغيك
سبحان من سخر حياتي نزوحه
سر الغلا اللي بين الاضلاع مغليك
محدن وصل في مرتبته وطموحه
إلا انت يومن جيتني وقلت لبيك
وجاوبك قلبٍ اجهده كثر نوحه
كنت الحزينه من قبل التقي فيك
ومن جيتني شفت السعد في وضوحه
نسّيتني كل الالم في مباديك
ورفعت من قدر الغلا في صروحه
يآخي أحبك والعمر بين اياديك
أهجر وعذب والمشاعر سموحه
لك مخلصٍ قلبٍ صدوقٍ موافيك
حافظ عهوده بالوفا مع شروحه
قبّلت مآطى ارضٍ وطتها خطاويك
وشعاد باقي من شعورٍ ابوحه
كلي حنانٍ مندفع ساع احاكيك
شف دمعتي من فوق خدي سبوحه
يمكن تنام ليلك وانا في حراويك
عودت عيني بالسهر لك نصوحه
مهما انعمل فيني وطالت لياليك
انا الوفاء قلبه ودمه وروحه..
* للشاعرة / الملتاعة
المواضيع المتشابهه
يآخي أحبك والعمر بين اياديك ..
العرض الشجري