ليت الورق يقرأ
ليت الورق يقرا وش اللي كتب فيـه
و ليت القلم يدري وش اللي جرا بـه
ان كان ما تمسـي فـصـدري مشاريـه
و لا اتـضـايـق لـــو تـضـيـق الـرحـابـه
وآصوتي اللي عجزت النـاس توحيـه
غـريـب يــوم اصــوات غـيـري تـشـابـه
الـبـيــت بـيــتــك و الــمـــواري مــواريـــه
لـكــن كـبــرت و لا كـبــر مـعــك بــابــه
و الناي لـو نقـض جروحـك بـأغانيـه
جــــــروح غـــيـــرك نـقـضـتـهــا ربـــابــــه
ما هو يتيم ان كنت انا اللـي مغنيـه
و لا هو فقير ان كان جرحي زهابـه
و الغايـب اللـي يغـري الشعـر طاريـه
مــــا قــــل قــــدره لــــو يــطَــول غـيــابــه
كـم لـي و انـا احـث القصـايـد تخلـيـه
حـتـى تـلاشــت رغـبـتـي فـــي الكـتـابـه
و الشعر لو يفقد حروفـه و اساميـه
مــــدري وش الــلــي بـعـدهــا يـنـبـغـابـه
احتـرت بيـن اعتـب عليـه و اراضـيـه
اخـــــاف لا يــجـــرح رضـــــاه بـعــتــابــه
أحيان أقول آبيهـ, و أحيـان ماآبيـهـ
الا ابــيــه و لــــو يــبــي لــــي عــذابـــه
يـاللـي تجـونـه دامـنـي مـااقـدر آجـيـه
وصـــوا ذهــابــه .. لا يــشــح بـايــابــه
و قولوا له اني من كثر ماني أغليه
اشــرب سـرابـه و ارتــوي مــن سـرابـه
و على كثر ماانسى اذا قلـت ناسيـه
دار الزمـان و جـاب عشقـه و جـابـه
حـنـيــت لـأيــامــه و ضـحـكــت لـيـالـيـه
قـبـلــه و بــعـــده كـــــل وقــتـــي رتــابـــه
ان لــمــت قـلـبــي عاقـبـتـنـي مـحـانـيـه
و ان قلـت أبرضـا عـز نفسـي رقابـه
البارحـه كنـت اكسـر الـروح و انهيـه
كان الورق ارض و عيونـي سحابـه
محمد العتيبي
المواضيع المتشابهه
العرض الشجري