فـرحـة الـعيـد ..

[فـرج الدهمشي]

[poem=font=",5,firebrick,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هلت تباشير الفرح ليلـة العيـد = وسقت التهاني بالبيوت الجزيله

اسمى التهاني سقتها ( لباشة الغيد ) = اصدق مشاعر من خليل لخليلـه

للي غلاها داخل القلـب تحديـد = سبة عناي وعلتـي كـل ليلـه

ياما انتظرته بين حسره وتنهيد = عيني اسليها ونفسـي عليلـه

( الغاده ) اللي وصفها غير يازيـد = ام العيون .. الناعسـات .. الضليلـه

اللي غيابه يشعل النـار ويزيـد = وسط الحنايا مثل جمر المليلـه

من لوعة الفرقا وكثر التناهيـد = هز الكيان وخافقي .. عزتـي لـه

ليا اقبلت مثل المزون المراجيـد = تسقى خفوقي والضلوع النحيله

لعيونها نبض القصايد اناشيـد = تروي حكايات الليـال الجميلـه

اكتب لها شوقي وصدقي بتأكيـد = بالغايه اللي كـل بـارق تخيلـه

للشامخه بنت الرجال الصناديـد = اللي غلاهـا مـا ادور بديلـه

واجمل هديه تحتوي ( فرحة العيد ) = فيها التهاني .. والمعانـي النبيلـه [/poem]